Amosi 5:5 - U TIENU MAAMA TILI 2013

⁵ Yin da go lingi nni Beteli, Da go gedi mani Giligali, Da go gedi mani Beri-Seba, Kelima bi baa gedini Giligali yaaba ti yonbidi, Ki bolini Beteli mo.»

Gourmanchéma Bible

⁵ Yin da go lingi nni Betela, Da go gedi mani Giligali moko. Yin da go gedi mani Beli-Seba Kelima bi baa gedini Giligali yaaba ti yonbidi, Ki bolini Betela mo.»

Amosi 5:5 ပူးပေါင်းရင်းမြစ်များ

Mi cilima 21:31

Li tie lani yaa po ke bi yi laa kaanu Beri-Seba, kelima li den tie lankane ke bi den poli leni biyaba.

Mi cilima 21:33

Abalahama den ŋuu yaa tiidi n yi tamarisi Beri-Seba kani, ki jaandi Li Miali Diedo U Tienu yua n ye yaa yogunu kuli lankani.

Mi cilima 26:23

O den fii lankani, ki gedi Beri-Seba.

Mi cilima 26:33

O den yini laa caali Siba. Li tie lani yaa po ke bi yi laa dogu Beri-Seba ba hali dinla, yaala n bundi “Li poli caali.”

1 Bi Badiba 12:28

O bado den kpaagi kpaagi ki taa wula ki duadi naabilalie ki yedi Isidayeli yaaba: «Yi caa Jerusalemi hali ke li waagi. Diidi, yinba Isidayeli yaaba, yi tieni yii n den ñani yi Ejipiti nni nne.»

1 Bi Badiba 12:29

O den taa naabiyenga ki sieni ka Beteli dogu nni, ki taa ki liega mo ki sieni ka Dan dogu nni.

2 Bi Badiba 23:8

O bado Josiasi den teni ke bi kopadicianba yaaba n den ye Juda diema nni kuli, den fii ki cua Jerusalemi. O den biidi a padibinbina ya n den ye a juana yula po, ki cili yaa dogu n ye jienu ki yi Geba, ki pundi hali ganu Beri-Seba dogu kani. O den biidi yaa padibinbina n ye u dogu bilinu yuli po a buliñoana kani, ki taani leni yaa padibinbinli n ye u dogu guveneeri Josue diegu bilinu yuli po, bu buliñoabu kani. Li den ye ganu po, a yaa kua u dogu bilinciamu buliñoabu kani.

Jobi 8:22

Yaaba n nani a baa le i fe. Bi nibiadiba diedi baa bodi.»

Pisomi 33:10

O Diedo fidi i nilanbuoli n jagi yaala. O biani bi niba jaga fanma.

Esayi 29:20

O tugumoandaano kan go yaa ye. O ñuañuado baa bodi. Yaaba n den wuo ki tiendi Yaala n bia kuli baa bodi cain.

Esayi 8:10

Ba yin jagi ke yi bua ki tieni yaala kuli, Liba kuli kan baa yuli. Yin maadi yaa maama mo kan tieni, Kelima U Tienu ye leni tinbe.

Jeremi 48:13

I fe baa cuo Moabi yaaba bi bulo Kemosi po, nani yin den cuo Isidayeli yaaba bi bulo yua n den ye Beteli po maama, ban den dugi wani yua yaa po yeni.

Ose Tili 10:8

Ban den tiendi ti tuonbiadi Ki padi yaa pada a juana yula po yeni, baa bodi. Ti konkondi leni ti moabiaditi Baa pudi a padibinbina yeni yula po. Isidayeli yaaba baa yedi a joaciama: «Wuoni mani ti!» Ki yedi a joabila mo: «Baa mani ti po!»

Ose Tili 12:11

N den soani n saawalipuaba, Ki puni ba li bonlekaala boncianla, Ki go teni ke bi pua yi mi kpanjama.

Ose Tili 4:15

Ba yinba Isidayeli yaaba Yaa puni yi yula mi conconma po, Juda yaaba wani n nan da ŋoadi laa fuuli. Yin da gedi Giligali, Yin da gedi Beti-Afeni, Ki poli ki yedi: ‹Hali o Diedo yua n fo po.› »

Ose Tili 9:15

Bi biadima kuli den doagidi Giligali dogu nni, Lankane ke n den cili ki yie ba. N baa deli ki ñani ba n diema nni, Kelima bi tuona n bia maama po. N kan go yaa bua ba. Bi yudanba kuli li tie niyiekaabe.

Amosi 1:5

N baa mudi Damasi sendabila Ya n luondi u dogu buliñoabu. N baa bolini Bekati Afeni yaaba, Ki bolini yaa bado n kaa Beti-Edeni. Siiri niba mo baa gedi ti yonbidi Kili dogu po. O Diedo n yedi yeni.»

Amosi 3:14

«Min baa pa Isidayeli yaaba bi yiema panpaani yaa daali, N go baa bolini yaa padibinbina n ye Beteli moko. A padibinbina yeni yina baa kua ki baa.

Amosi 4:4

Isidayeli yaaba, gedi mani Beteli Ki ban yaa tiendi ti tuonbiadi! Gedi mani Giligali moko, Ki ban yaa tiendi ti tuonbiadi ki pugidi! Yaa padi mani yi pada tiŋaagu kuli, Ki yaa tendi nni yi diim danataa taa kuli.

Amosi 7:10

Beteli kopadiciamo Amasia den soani ke bi waani Isidayeli diema bado Jeroboami, yaa maama n tie ne: «Amosi fiindi a po mi yiema Isidayeli yaaba siiga. Mi diema yaaba kan fidi ki juuni o maama yeni kuli po.

Amosi 7:13

Ama ŋan da go pua saawali Beteli na, kelima nekanba tie o bado n gagidi yaa kaanu, ki go tie o bado jaandi kaanu.»

Amosi 7:17

Ŋan tieni laa bonla yeni, o Diedo n yedi yaala ne: ‹A pua baa tua puoconconli u dogu nni, Bi baa kpa a bijaba leni a bisiaba leni mu jugisiemu. Bi baa biigi a kuani leni u baabu ki boagidi, Fini a ba mo baa n kpe mi nilandiema nni. Bi baa gedini Isidayeli yaaba ti yonbidi yaa kaanu n foagi leni bi diema.› »

Amosi 7:9

Isaaka puoliŋuani padibinbina ya n ye a juana yula po baa bodi. Isidayeli yaaba n gagidi yaa kaani kuli baa bodi. N baa fiini ki sedi o bado Jeroboami puoliŋuani po leni ki jugisiemu.»

Amosi 8:14

Isidayeli yaaba baa yaa taagi Samari buli yeli, Ki polini ki tua: ‹Hali Dan buolu bulo po, Bi hali Beri-Seba tienu po.› Bani yaaba n polini yeni kuli baa baa, Ki kan go fii abada.»

1 Korenti 1:28

O gandi bi nisaaliba n nua yaala ke li tie bonfanla ki fali la ke laa tie puu, ki baa bolini ban nua yaala ke li tie bonmoanla.

1 Korenti 2:6

Min bangi yaala, tie yanfuoma bangima yo Kilisiti niba yaaba n kpeligi li dandanli nni po. Laa yanfuoma naa tie o naa jamaano yaama ka, laa tie ŋanduna bali danba yaaba n ye mi bodima sanu nni yanfuoma mo ka.

Mi Tiadima 28:41

Yi baa maa a bonjala leni a bonpola, ama bi nan kan tua yi yaaba, kelima bi baa gedini ba ti yonbidi.

Josue 5:9

O Diedo den yedi Josue: «Dinla, n ñani yi po Ejipiti fe.» Lani yaa po, bi den yini laa kaanu Giligali. Likani baa ki yi yene hali dinla.

Mi Doagidima 18:17

Ti ñinbiaciandi danba, yaaba n kua ti niinni, ti tuonsoanba leni yaaba n tuuni bi tuonli mi ñincianma nni kuli den piadi ki sedi foagima,

1 Samueli 11:14

Samueli den yedi bi toatieba: «Cua mani tin gedi Giligali ki doagidi ki waani cain ke Sayuli n tie yudaano.»

1 Samueli 7:16

Binli kuli o yen caa yaa kaani n tie ne, ki gobidi Isidayeli yaaba. Lani n tie: Beteli, Giligali leni Misipa dogi.

1 Samueli 8:2

O bijakpelo den yi Joeli, o bonlielo mo Abiya. Bi den ye Beri-Seba ki ja ti buudi.