Amosi 5:14 - U TIENU MAAMA TILI 2013

¹⁴ Moandi mani ki yaa tiendi yaala n ŋani, Ki cedi yaala n bia. Yeni, yi baa yaa fo. Lanwani, o Diedo U Tienu, U Paaciamu Kuli Daano baa yaa ye leni yi, Nani yin tua ke o ye leni yi maama.

Gourmanchéma Bible

¹⁴ Moandi mani ki yaa tiendi yaala n ŋani Ki cedi yaala n bia, Yeni, yi baa yaa fo. Lanwani, Li Miali Diedo U Tienu, U Paaciamu Kuli Daano baa yaa ye leni yi, Nani yin tua ke o ye leni yi maama.

Amosi 5:14 ပူးပေါင်းရင်းမြစ်များ

Mi cilima 39:23

Li kpaadidieli guudo naa den buali ki bandi Josefi n tiendi maama, kelima o Diedo den ye leni o. O Diedo den teni ke Josefi n den tiendi yaala kuli cuoni bonŋanla.

1 Bi Badiba Jama 28:20

Davidi go den yedi o bijua Salomon: «Paagi a pali, ki cuo ki sieni a gbanu ki soani! Ŋan da jie, ŋan da digibi, kelima o Diedo U Tienu, wani n Tienu baa yaa ye leni a. O kan foagidi leni a, o kan ŋaa ŋa hali o Diedo diegu tuonli kuli n soani ki gbeni.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa, yinba Juda buolu leni Benjamen buolu kuli! O Diedo ye leni yi, li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋaa o, omoko baa ŋaa yi.

Pisomi 46:11

O yedi: «Sedi mani suo, Ki bandi ke mini n tie U Tienu. Mini n die i nibuoli kuli, Mini n didi go die ki tinga mo.»

Pisomi 97:10

Yinba yaaba n bua o Diedo, Yie mani yaala n bia! O kubi o nidugikaaba miana, Ki faabidi ba bi nibiadiba nuu nni.

Mi Ñama 3:12

U Tienu den yedi: «N ye leni a, line n baa yaa tie a po mi maalima ke mini n soani a. A yaa teni ke bi niba ñani Ejipiti nni, yi baa yaa tuuni U Tienu po li naa juali kani.»

Mi Kpanjama 11:27

Yua n lingi yaala n ŋani, Baa baa yaala n ŋani, Yua n lingi yaala n bia, Yaala n bia mo baa nandi o.

Esayi 55:2

Be n teni ke yi biigidi yi ligi, Yaala n kaa tie jemoanma po? Be n teni ke yi tuuni, Yaala n kan guoni yi po? Lanwani, cengi mani n yedima, Ki nan je mani yaala n mani. Yi pala baa mangi kelima yaa jiema N mani bonŋanla po.

Esayi 8:10

Ba yin jagi ke yi bua ki tieni yaala kuli, Liba kuli kan baa yuli. Yin maadi yaa maama mo kan tieni, Kelima U Tienu ye leni tinbe.

Amosi 3:3

Naani nibilie baa taani ki fii sanu Kaa kpa juogi ki dagini li po?

Amosi 5:6

Lingi mani o Diedo, ki baa ki yaa fo. Lani yaa ka, o baa cua nani u mu Josefi puoliŋuani siiga, Ki buoni yaala n ye Beteli kuli, Ke oba kuli kan fidi ki gbindi u.

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Mise 6:8

U Tienu den bangi fini o nisaalo yaala n ŋani Leni o Diedo n guu a kani yaala. Lani n tie ke ŋan yaa ŋua yaa bujiali n tiegi, Ki bua mi teginma, Ki go yaa cuoni wani a Tienu nintuali leni li yumiinli.

Sofoni 2:3

Yinba, ki tinga yumiindanba kuli, Lingi mani o Diedo, Yinba yaaba n tuo ki baa yaa ŋua O ñoamabonbilikaana! Yaa cuoni mani leni mi teginma, Yaa cuoni mani leni li yumiinli, Wani U Tienu nintuali. Li fidi ke yi baa ciadi, O Diedo pabienli daali.

Mi Coadima 16:3

Bi den taani ki gaani ki cebini Musa leni Alono, ki yedi ba: «Moamoani, yi ji pendi u bianu! Isidayeli yaaba nitaanli kuli tie yaaba n gagidi ki ŋani, ke o Diedo mo ye bi siiga. Be yaa po ke yi fiini yi baa, ki baa diedi o Diedo nitaanli kuli?»

Matie 1:23

«Diidi, li puowandiali baa punbi ki maa bonjaga. Bi baa yini o Emanueli.» Laa yeli bundima n tie “U Tienu ye leni ti.”

Matie 28:20

N baa yaa ye leni yi yaa yogunu kuli, hali ŋanduna juodima.»

Matie 6:33

Yin kpa lingi mani U Tienu diema leni o yaa teginma, lani, laa bonla kuli baa yuandi ki pugini yi po.

2 Timote 4:22

O Diedo n yaa ye leni a. U Tienu ŋanbili n yaa ye leni yikuli. Amina!

Josue 1:9

Mini ka li teni a yaa ñoamabonli n tie ne te: ‹Cuo ki sieni a gbanu, ki paagi a pali. Da cedi liba n wudi a gbanu, ki da jie liba kuli mo! Mini o Diedo a Tienu ye leni a ŋan fii ki baa tieni yaala kuli nni.› »