Amosi 5:1 - U TIENU MAAMA TILI 2013

¹ Yinba Isidayeli yaaba, Cengi mani yaa maama n tie ne! Cengi mani min baa wanli yi po yaa wanli!

Gourmanchéma Bible

¹ Yinba Isalele yaaba, Cengi mani yaa maama n tie na! Cengi mani min baa wanli yipo yaa kuwanli!

Amosi 5:1 ပူးပေါင်းရင်းမြစ်များ

Jeremi 18:13

Lani n teni ke o Diedo yedi nanda: Buali mani i nibuoli siiga, Ŋme n kpa gbadi laa bonla buolu? Isidayeli soani yaa tuona n gundi boncianla.

Jeremi 7:29

Kuo ŋan den gagidi a yuli Ki bili yaa yudi yeni, ki ban lu. Gedi a juana yula po ki wanli, Kelima o Diedo fali, O yama mo sii yaa nifiima n biendi o pali Hali boncianla yeni po.›

Jeremi 9:10

O Diedo yedi: «N baa teni Jerusalemi diema n tua diegbengu, I tanboe n ye naankani. N baa teni Juda dogi n tua paboanli kaanu, Niba n ki go ye naani.»

Jeremi 9:17

Ban jaligi ki mua ki wanli ti po. Ti nuni n wuli ti nunsiidi, Ti nunsiidi n wuli boncianla,

Jeremi 9:20

Kelima mi kuuma kua ti diebona kani. Mi kua ti dieŋama nni. Mi guu a bila i sani nni, Ki guu bi nipanba mo mu daamu nni.

Jeremi 9:9

A juana po, N baa mua ki figindi. Mi fanpienma nni, i yankpaakaani nni, N baa wanli i wanli kelima bi juu ba. Oba ki poandi likani. Baa go gba yankuli lanbu, Ki cili tanpoli nuani, Ki ban taani leni ti yandi, Likuli bodi cain.

Esekieli 19:1

Lanwani fini, wanli Isidayeli badijaba po.

Esekieli 19:14

U mu den ñani bu beni nni, Ki buoni bu bonluonkaala leni bu beni kuli. Bu naa go pia yaa benu n pia u paalu Ki baa fidi ki go tua badigbiamu. Line n pundi yin wanli bu po. Moamoani, yiini mani bu po i kuyani.»

Esekieli 26:17

Bi baa mua a po ki yedi: ‹Mi diema yaama yaa niba n bi ña Mi ñincianma nni, Yaama yaa yeli n bi ñani, Yaama yaa fidu Leni mi niba yaa fidu kuli bi ye Mi ñincianma nni yeni, Mi bodi lede nne? Laa diema n den teni Ke i jeje ye i kaani kuli.›

Esekieli 27:2

«Fini nisaalo biga, ŋan wanli Tiiri dogu po

Esekieli 28:12

«Nisaalo biga, wanli Tiiri bado po ki yedi o ke o Diedo, U Tienu yedi mi naa maama: ‹A den tie bontogidikaala, Yaala n ŋani po, Kelima a yanfuocianma po Leni a ŋamu yuu n ki pia lie po.

Esekieli 32:16

Lani n tie i nibuoli puoba n wanli yaa wanli Ejipiti diema po leni mi niŋandungu kuli po. Mini o Diedo, U Tienu n yedi yeni.»

Esekieli 32:2

«Nisaalo biga, ŋan wanli Ejipiti bado Faraon po ki yedi: ‹A den naani leni li yangbanbile i nibuoli siiga. A den tie nani o bonfuodibiado yeni mi ñincianma nni. A yen pugidi a kpeni nni. A den gbidi mi ñima leni a taana. A den fiindi a ñingola. A den juagidi i kpeni› »

Amosi 3:1

Isidayeli yaaba, yinba U Tienu n den ñani yaa nibuolu Ejipiti nni, cengi mani o Diedo n maadi yi po yaala:

Amosi 4:1

Yinba yaa puopiada n ye Samari juali po, Ki gbengi nani Basan tialu naañuana yeni, Cengi mani yaa maama n tie ne: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 5:16

Lani yaa po, Li Miali Diedo, U Tienu, U Paaciamu Kuli Daano, O Diedo yedi yaa maama n tie ne: «Bi niba baa mua i kumoe u dogu nitaankaani nni Leni i sani nni kuli, ki yedi: ‹Ŋain!› Bi baa yini ba bi kpakpaaba, ban cedi bu kpaabu, Ki cua ki mua i kumoe, Bi baa yini yaaba n bani i wanli, ban cua ki wanli.

Amosi 8:14

Isidayeli yaaba baa yaa taagi Samari buli yeli, Ki polini ki tua: ‹Hali Dan buolu bulo po, Bi hali Beri-Seba tienu po.› Bani yaaba n polini yeni kuli baa baa, Ki kan go fii abada.»

Mise 2:4

Landaali yi baa tua bi niba po Li ñuali kpanjama. Yi baa wanli ki yedi: ‹Bi gaa ti diena cain. Bi fie ti biinu ki teni nitoaba. Ŋain, be n teni ke bi fie ti biinu? Ti yibalinba gaa ti kuani ki boagidi.›