Amosi 4:1 - U TIENU MAAMA TILI 2013

¹ Yinba yaa puopiada n ye Samari juali po, Ki gbengi nani Basan tialu naañuana yeni, Cengi mani yaa maama n tie ne: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Gourmanchéma Bible

¹ Yinba yaa popiada n ye Samali juali po, Ki gbengi nani Basana tialu naañuana yeni, Cengi mani yaa maama n tie na: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 4:1 ပူးပေါင်းရင်းမြစ်များ

1 Bi Badiba 16:24

o den daa Semeri kani Samari juali kujapiena tudaluoba (6 000). O den maa li juali yeni yuli po u dogu ki yini u Samari, li juali daano n yi maama.

Jobi 20:19

Kelima o ñii ki midi a luoda ki ŋaa ba, Ki fie wan ki maa yaa diegu.

Jobi 24:4

Bi deli a luoda ki ñani ba u sanu nni, Ki teni ke mi diema tadima mo kuli wuoni.

Pisomi 12:5

Leni yaaba n tua: «Ti ñoana teni ke ti pia u paalu. Ti bani mi maama, ŋme n baa diedi ti?»

Pisomi 140:12

Ti mabiadi danba n da go ye mi diema nni. O tugumoandaano mo, Fala baa ŋoadi o ke li kan waagi.

Pisomi 22:12

Da foagidi leni nni, Kelima li paboanli nagini n kani, Niloba mo ki kpendi ki baa todi nni.

Mi Kpanjama 22:7

O piado n tie a luoda canbaa, O panjielo mo tie o pandaano yonbo.

O Yanfuodaano 4:1

N go laa yaa biadima kuli n tiendi mi tinfanma nni. Ban faligidi yaaba mua, ama oba kuli ki todi ba. Yaaba n duoliti ba yeni n die u paalu. Lani yaa po, oba kuli kan fidi ki todi ba.

O Yanfuodaano 5:8

Ama ki tinga bonluonkaala tie bi niba kuli po yo. Ba o bado moko, bu kpaabu n tie o.

Esayi 28:1

Fala baa nandi Samari dogu Yuu n naani leni ki badifogiliga, Ki tie Efrayimi dañogaada jigidi yeni. Samari n bobi yaa tiadi ki yiini Yaa joaloangu n pia ti bugidi yuli po yeni, Kuli tie yaa puuma n mali ki ye Mi daama n guli yaaba yula po.

Esayi 5:8

Mi yebiadima baa ŋmaa Yinba yaaba n daa a diena, Ki nagindi aya po, Ki fenli i kuani ki pugidi iyii po, Hali ke fanma ki go ye. Yinba bebe n pia u yekaanu mi diema nni.

Esayi 56:12

Cua mani ne, n baa gedi ki taa mi daama, Tin ño mi dabiadima ki gaadi. Ti didi go baa tieni yene saala mo, Kelima yaala n sieni yabi hali ke li kandi.

Esayi 58:6

Diidi min bua yaa ñoalolima nne: Lodi mani mi biadima baabi, Ki gbindi yi naalanda baabi Ki pa mi faabima ban mabini yaaba, Ki faabi yaaba n ye fala buoli kuli nni.

Jeremi 50:11

Mangi mani yi pala, mangi mani yi pala Yinba yaaba n pua mi diema nufanu yeni! Yugi ki cii mani nani yaa naasalo yaa gbanu n saagi, Yigini mani nani yaa taami n pia u paalu yeni.

Jeremi 50:27

Kpa mani o naatona kuli, Gedini ba mani u yankodikaanu kani. Fala baa ba kelima bi yogunu pundi, Bi buudi daali pundi.

Jeremi 51:34

Nebukanesa Babilonni bado dini nni, Ki liadi nni, ki fiadi nni, Ki teni ke n tua nani Ban fiadi yaa bobili yeni. O nali nni, nani o bonfuodibiado yeni. O gbieni o tugu leni n lonlogo.

Jeremi 6:6

Li Miali Diedo U Paaciamu Kuli Daano yedi nanda: «Pedi mani ti daadi, Ki tiini ki deni i bilini, Ki gaani ki cebini Jerusalemi. Mini n taa u dogu yeni ki teni yibalinba, Kelima mabinga bebe n ye laa dogu nni.

Jeremi 7:6

yi yàá mabini o caano, ki kpienbiga leni li kpepuoli, kaa wuli yua n ki pia tagili soama u naa kaanu, yi yàá ŋoadi tientoe yii n baa cuani yi po fala,

Esekieli 18:12

kaa guandi ban ledi o kani ki bili yaala, ki ŋua i buli, ki go tiendi ti cagindi,

Esekieli 22:12

A yaa niinne, ke bi gaani li suuli ki wuliti mi soama, ki gaani yaa ñuadi n yabi ki pendi, ki fenli bi lielo leni u paalu. Ama mini wani, a sundi n po! Li Miali Diedo U Tienu n yedi yeni.

Esekieli 22:27

U badijaba ye u niinni nani yaa fuasangbanli n dadi ki toadi ban cuo yaa yandi yeni. Bi wuliti mi soama, ki bolindi bi niba ki bua ki yaa baadi ti ñuadi.

Esekieli 22:29

Mi diema niba puni bi yula ki mabinga po, ki su, ki janbidi a luoda leni a tadima, ki mabindi bi canba, teginmiba kuli ki ye.

Esekieli 22:7

A yaa niinne, ke bi fali bibaa leni binaa. A siiga nne, ke bi mabindi bi canba. A yaa kane, ke bi janbidi a kpienbila leni a kpepuona.

Esekieli 34:16

N baa lingi yua n bodi, ki guani yua n yaadi. N baa tieni u ñoagu ki go fini leni li cabili yua yaa taali n kua, ki paagi yua n yia mo yaa gbanu. Ama n baa bolini yaaba n pia mi kpama ki go pia u fidu yeni. N baa yaa kpaa ba leni mi teginma.»

Esekieli 39:18

Yi baa ŋmani a jakoanda nandi, ki ño ki tinga badijaba soama, ban padi yaaba nani Basan petona, pebila, ŋuabuana leni li naatona, ban den wubi yaaba ke bi noadi yeni.

Joeli 3:3

N baa teni li bonlidinkaala n tieni, Tanpoli leni ki tinga nni. Mi soama, u mu leni ku muñiigbangbadigu baa tieni.

Amosi 3:1

Isidayeli yaaba, yinba U Tienu n den ñani yaa nibuolu Ejipiti nni, cengi mani o Diedo n maadi yi po yaala:

Amosi 3:3

Naani nibilie baa taani ki fii sanu Kaa kpa juogi ki dagini li po?

Amosi 5:11

Yi ŋmaadi o luodo, Ki fenli o kani ŋalikama. Li tie lani yaa po yo, ke yin maa yaa dieŋama Leni a tankpiekaana yeni, Yi kan kua a niinni. Yin ŋuu yaa duventiidi ke yi ŋani hali boncianla yeni, Yi kan ño li duven.

Amosi 6:1

Fala baa baa yaaba n ye Siyon leni mi yanduanma, Ki go baa yaaba n ye Samari juali po kaa bangi liba po. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isidayeli yaaba n caa bani yaaba yaa kani, ke bi todi ba.

Amosi 6:6

Yi ñu duven yaa tadibuomu n pia yaa niinni, Yi sogini yaa kpama n ŋani ki cie, Ama yi pala ki yia Josefi puoliŋuani bodima po.

Malaki 3:5

Li Miali Diedo U Paaciamu Kuli Daano yedi: «N baa cua yi siiga ki jia ti buudi. N baa taa a lingida leni mi conconma danba tagili. N baa fii ki sedi yaaba n polini ki pua mi faama leni yaaba n mabindi bi tuonsoanba kaa pa ba bi ligi po. N baa fu leni yaaba n faligidi a kpepuona, a kpienbila leni bi canba.»

Mi Coadima 21:33

Li yaa puoli, bi den pegidi ki taa santo, ki tagini Basan po yaa sanu. Ogi, Basan bado den fii leni o niba kuli, ki baa cua ki tuogi leni Isidayeli yaaba bu toabu, Edreyi dogu kani.

Mi Tiadima 24:14

Yin da mabini o tuonsoanluodo leni taliga, wan tie yi kpiilo bi yaa canba n ye leni yi, yi diema nni.

Mi Tiadima 28:33

Yin kaa bani yaa nibuolu n baa je yi kpaandi, yin soani ki baa yaala, yin go yaa ye daali kuli ti yonbidi nni.