Amosi 3:9 - U TIENU MAAMA TILI 2013

⁹ Kpaani mani ki yedi yaaba n ye a dieŋama nni, Ki ye Asidodi leni Ejipiti: «Cua mani ki taani Samari juana yula po, Ki diidi ki le yaa janjancianma Leni yaa mabinga n ye lienni.»

Gourmanchéma Bible

⁹ Kpaani mani ki yedi yaaba n ye a dieŋama nni ki ye Asidodi leni Ejipiti: «Cua mani ki taani Samali juana yula po, Ki diidi ki le yaa janjancianma leni yaa mabinli n ye lienni.»

Amosi 3:9 ပူးပေါင်းရင်းမြစ်များ

2 Samueli 1:20

Da kpaani mani laa laabaalo Gati dogu niinni! Da doagidi mani laa laabaalo Asikalon dogu sani nni, Ke Filisiti yaaba bisiaba n da mangi bi pala lipo, Bani a jifola yeni bisiaba n da gbengi bi yula lipo!

Mi Kpanjama 1:13

Ti baa baa ŋalimani buoli kuli, Ki gbieni ti diena mo leni ti fagidi.

Mi Kpanjama 11:16

O puoŋamo baadi ti pagidi, Ke bi gbanmandanba mo baadi mi piama.

O Yanfuodaano 4:1

N go laa yaa biadima kuli n tiendi mi tinfanma nni. Ban faligidi yaaba mua, ama oba kuli ki todi ba. Yaaba n duoliti ba yeni n die u paalu. Lani yaa po, oba kuli kan fidi ki todi ba.

Jeremi 31:5

Yi go baa ŋuu i duventiidi Samari juana po. Yaaba n ŋuu i tiidi yeni, N go baa sobidi yi bonluonkaala.› »

Jeremi 46:14

Waani mani laa bonla Ejipiti diema nni. Teni mani Migidoli yaaba n gaa laabaali. Teni Memifisi leni Tapanesi yaaba n gaa laabaali. Yedi mani: «Cua mani ki bogini bonŋanla Kelima bu toabu dini yi gaanilindima niba kuli.»

Jeremi 50:2

«Pa mani li laabaalo i nibuoli siiga. Moandi mani ban gbadi la. Caani mani li jakoandicabili, Ki teni ban gbadi li maama, Ki da wuoni mani la. Waani mani ke bi cuo Babilonni, Ke o bulo Beli laa i fe boncianla, Ke o bulo Melodaki mo jie ki luodi! Wan tagi yaa nannana fiagi, Ke o buli mo jie ki luodi!

Esekieli 36:8

Lanyogunu Isidayeli diema juana po i tiidi baa bundi ki luoni li bonluonkaala n niba Isidayeli yaaba po, kelima li kan go waagi ke yi baa guani yi diema nni.

Esekieli 37:22

N baa teni yin tua nibuoyendu Isidayeli diema juana nni. Bikuli baa yaa pia badiyende. Bi kan go yaa tie nibuolilie, ki kan go boagidi ki yaa tie diemilie yaa niba.

Ose Tili 7:1

Min den bua ki faabi Isidayeli yaaba yaa yogunu, Efrayimi leni Samari tuonbiadi kuli den doagidi. Laa diema nni bi tiendi i janbi, Ki mudi a diena ki koa ki su, Ki ja bi niba i sani nni.

Amosi 1:8

N baa bolini Asidodi dogu yaaba, Asikalon dogu yeni mo, n baa bolini likani bado, Ki pegidi ki baa Ekiron dogu, Ki bolini Filisiti yaaba, yaaba n sieni. Li Miali Diedo U Tienu n yedi yeni.»

Amosi 4:1

Yinba yaa puopiada n ye Samari juali po, Ki gbengi nani Basan tialu naañuana yeni, Cengi mani yaa maama n tie ne: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 5:11

Yi ŋmaadi o luodo, Ki fenli o kani ŋalikama. Li tie lani yaa po yo, ke yin maa yaa dieŋama Leni a tankpiekaana yeni, Yi kan kua a niinni. Yin ŋuu yaa duventiidi ke yi ŋani hali boncianla yeni, Yi kan ño li duven.

Amosi 6:1

Fala baa baa yaaba n ye Siyon leni mi yanduanma, Ki go baa yaaba n ye Samari juali po kaa bangi liba po. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isidayeli yaaba n caa bani yaaba yaa kani, ke bi todi ba.

Amosi 6:3

Yi tama ke yi foagidi fala daali, Ama yi tiendi yaala n teni ke u paabiadu diema nagindi.

Amosi 8:6

Ti baa daa taliginba leni i ligi, Ki daa o luodo leni cacaapiliyenma. Ti ba kuadi ba ti ŋalikama fiada.»

Mise 6:10

«Naani n baa cedi bi nibiadiba n yaa kubi Bi diedi nni ban den janbi Ki baa yaa ŋalimano, Leni yaa bonbiigikaala n ki dagidi, Mini U Tienu n solini yaala?

1 Samueli 5:1

Filisiti yaaba den fie U Tienu kpaku ki ñani ku Ebeni-Eseri dogu, ki gedini ku Asidodi dogu.