Amosi 3:2 - U TIENU MAAMA TILI 2013

² «N den gandi yinba bebe Ki tinga nibuoli kuli siiga. Li tie lani yaa po yo, ke n baa cuo yi u cuonbiadu Yin tieni yaa tudima kuli po.

Gourmanchéma Bible

² «N den gandi yinba bebe Ki tinga nibuoli kuli siiga. Li tie lani yaa po ke n baa cuo yi u cuonbiadu Yin tieni yaa tudima kuli po.

Amosi 3:2 ပူးပေါင်းရင်းမြစ်များ

Mi cilima 10:32

Nowe bijaba gaani den tie yeni nani bi nifiima leni bi nibuoli n tie maama. Hali ki tabolinkaaga n pendi, bani n tie yaaba n den yadi ki gbie li ŋandunli nni kuli.

Mi cilima 18:19

N den gandi wani ke wan bili li ñoamabonli o bijaba leni o diegu yaaba po, yaaba n baa ŋoadi o puoli, ki baa yaa kubi o Diedo sanu, ki go tiendi yaala n tiegi, ki kubi mi teginma. Li tie lani yaa po ke o Diedo baa tieni Abalahama po wan den niani o yaala kuli.»

Pisomi 147:19

O doagidi o maama Jakob po, O mabilikaama leni o ñoamabona Isidayeli po.

Mi Ñama 32:34

Ŋan gedi moala ki ban ciani ku niligu, min den waani a naankani. N maleki baa kua a liiga ki yaa cangi a. Ama n pantuuli daali yaa cua, n baa guani ba bi tuonbiadi panpaani, ki tundi ba tundifala bi tuonbiadi po.»

Esayi 63:19

Li waagi ke ti tie nani Ŋan kaa gobidi yaaba, A yeli n ki maa yaaba yaa po yeni. Ŋain, diidi ki le! A yaa bi dadi ki padi ti tawadi ki jiidi, Se a juana n yaa bi padi ki baali a nintuali.

Jeremi 1:15

N baa yini mi diema yaaba, Yaaba n goa nujienu po kuli. Bikuli baa cua ki kali bi bali kalikaani po, Jerusalemi dogu buliñoabu kani, Ki gaani ki lindi i naa bilini Yii n ye Juda dogi nintuali kuli. O Diedo n yedi yeni.

Jeremi 10:25

Teni a pabiencianli n jiidi i nilanbuoli po, Bani yaaba n ki bani a Leni yaa nibuoli n ki jaandi ki miadi a todima yeni po, Kelima bi di Jakob buolu. Bi dini o hali ki bolini o, Ki teni ke o tinga tua paboanli kaanu.

Jeremi 11:22

Lani yaa po yo, ke Li Miali Diedo U Paaciamu Kuli Daano maadi mi naa maama: «Diidi mani, n baa yie bi po. Ki jugisiega baa je bi jawaaba, mi koma mo n baa je bi bisiaba leni bi bijaba kuli.

Jeremi 13:21

Ŋan den tama ke yaaba n tie a danlinba Yaa ti cua ki pua ki paadi a, Ki diedi a yaa daali, A baa yedi be? Li baa yaa koani a Nani u maditugukoanu n yen cuo o pua yeni.

Jeremi 14:10

O Diedo yedi bi naa niba, yaa maama n tie ne: «Bi faadi ti puagidi, bi kan fidi ki kali kaanyendu.» O Diedo ki ye leni ba. Moala o tiadi bi tagili po, ki waani ba fala bi tuonbiadi po.

Jeremi 9:25

Bani n tie ne: Ejipiti yaaba, Juda yaaba, Edomi yaaba, Anmoni buolu, Moabi yaaba leni yaaba n yen kugini Ki kuo bi langbiadi kuli, Yaaba n ye mi fanpienma nni, Kelima i nibuoli kuli pala naa lebidi. Isidayeli yaaba mo pala tie jifola yo.

Esekieli 5:9

Yi cagindi po, n baa tieni yi hali yin ye, min ki kpaa tieni yi yaala. N kan go faa ki tieni yi li buolu mo hali abada.

Esekieli 9:6

Kpa mani ba ki bolini a jakpela, bi jawaaba leni bi jafanba, a bila leni bi puoba. Ama yin da sii yua n pia mi maalima o yutunli po kuli. Yin cili n diegu kani.» Bi den cili ki kpa yaa nikpela n ye U Tienu diegu kani.

Danieli 9:12

A tieni ti ŋan den yedi ke a baa tieni tinba leni yaa badiba n die ti kuli yaala. A luni ti o falabiado nni. Yaa fala n baa Jerusalemi dogu yeni, bi daa kpa laa o kaanuba ŋanduna nni.

Ose Tili 2:13

N baa teni yaala n bi tie o pamanli kuli n gbeni, Lani n tie a bina badi, Wan tiendi yii ŋmapaano kuli, Mi fuodima dana leni o taanciama kuli.

Ose Tili 5:3

N bani yinba Efrayimi buolu, Yinba Isidayeli yaaba mo ki tie n canba, Kelima Efrayimi buolu yie kaa ŋua nni, Isidayeli yaaba mo cagini bi yula.

Ose Tili 8:13

Bi padi n po ti yandi, Ki ŋmani li nandi. O Diedo pali ki mani li po. N tiani bi biadima, Ki baa waani ba fala kelima bi tuonbiadi po. Bi baa guani ki gedi Ejipiti.

Ose Tili 9:9

Bi feli ti tuonbiadi nni, Nani lan den tie maama Gibeya dogu yogunu. O Diedo baa tiadi bi tagili po, Ki waani ba fala kelima bi tuonbiadi po.

Amosi 2:4

O Diedo yedi mi naa maama: «Juda yaaba tieni tuongundataa, Li pundi baa bonanaa, Ya n teni ke n kan lebidi min jagi yaala. Bi fali n bali maama, Kaa kubi n ñoamabona mo, Ki ŋoadi i buli, Bi yaajanba n den ŋua yaala.

Amosi 3:3

Naani nibilie baa taani ki fii sanu Kaa kpa juogi ki dagini li po?

Amosi 6:1

Fala baa baa yaaba n ye Siyon leni mi yanduanma, Ki go baa yaaba n ye Samari juali po kaa bangi liba po. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isidayeli yaaba n caa bani yaaba yaa kani, ke bi todi ba.

Mise 2:3

Li tie lani yaa po yo ke o Diedo yedi: «Diidi, n baa teni u nufanu n pua yaa nibuolu n tie ne. Lanyogunu yi kan go yaani yi yula Ki cuoni leni ti japaadi, Kelima li baa yaa tie fala yogunu yo.

Nahumi 3:4

Ninivi dogu tie puoconconli, Yua n lidi bi niba yama leni o ŋamu. O boandi mi diema boncianla leni o conconma, Ki boandi i nibuoli boncianla leni o yanlidiga.

Jesu Tondiba Tuona 17:26

O den tagi jayendo ki teni ke ŋanduna nibuoli kuli ñani o kani. O go teni ke bi yadi yadi ki ye ki tinga nni kuli. Hali ban daa den ye, o den tuodi ki bili ban baa yaa ye yaa yogunu leni ban baa ye naankani.

LOMA YAABA 2:9

Yaaba n tiendi mi biadima kuli, ki cili Jufinba, ki ŋoadi bi nilanba, baa le fala leni ti yanyagidi.

1 Korenti 8:3

Ama yua n bua U Tienu kuli, U Tienu mo bani wane.

Mi Tiadima 10:15

Ama i nibuoli kuli siiga, o Diedo den kuani o yama yi yaajanba yaa niinne, ki gandi ba. Bi yaa puoli, o den gandi yinba leni yi puoliŋuani, nani yin nua la maama dinla.

Mi Tiadima 26:18

O Diedo go niani yi, ke yi baa yaa tie wani o ba n die yaaba, nani wan yedi maama, ki go yaa kubi o bali maama kuli.

Mi Tiadima 32:9

Li Miali Diedo biinu n tie o niba, Jakob n tie o yaa biinu.

Mi Tiadima 4:32

Musa den yedi Isidayeli yaaba: «Buali mani yaa dana n den pendi hali yogu, ya n den ye ke yi daa ye. Yi baa bandi, ke hali U Tienu n den tagi o nisaalo ki tinga nni yaa daali, laa bonla buolu daa kpa tieni. Naani, ki taa puoli ki yaa caa hali nintuali, yi kpa gbadi ke bi maadi li buolu maama?

Mi Tiadima 7:6

Yi baa tieni yeni, kelima yi tie yaa nibuolu n gagidi ki ŋani o Diedo yi Tienu po. O Diedo yi Tienu gandi yi, ke yin tua i nibuoli siiga, o yaa nibuoliceli mi tinfanma nni.

1 Pieri 4:17

U yogunu pundi ke ti buudi baa cili leni U Tienu diegu. Lanwani, li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa yaa tie lede?