Amosi 3:14 - U TIENU MAAMA TILI 2013

¹⁴ «Min baa pa Isidayeli yaaba bi yiema panpaani yaa daali, N go baa bolini yaa padibinbina n ye Beteli moko. A padibinbina yeni yina baa kua ki baa.

Gourmanchéma Bible

¹⁴ ‹Min baa pa Isalele yaaba bi yiema panpaani yaa daali N go baa bolini yaa padibinbina n ye Betela moko. A padibinbina yeni yina baa kua ki baa.

Amosi 3:14 ပူးပေါင်းရင်းမြစ်များ

2 Bi Badiba 23:15

O den tudi ki luni Nebati bijua Jeroboami, yua n den kuani Isidayeli yaaba ti tuonbiadi nni, n den maa yaa padibinbinli Beteli juali yuli po. O den mudi li tana hali ke a tua yoma, ki juu ban den caani yaa dafoagidigu o bulo Akera po.

2 Bi Badiba Jama 31:1

Mi jaanma n den gbeni, Isidayeli yaaba, yaaba n den ye likani kuli den kua Juda diema dogi nni, ki ban mudi a butana, ki jia ti budaadi, ki tudi ki luni yaa padibinbina n den ye a juana po. Bi den tieni yene leni yaa padibinbina n den ye Juda diema nni, Benjamen diema nni, Efrayimi diema nni leni Manase diema kuli nni. Lani n pendi, Isidayeli diema yaaba kuli den guani ki kuni bi dogi po, yuakuli o denpo.

Mi Ñama 32:34

Ŋan gedi moala ki ban ciani ku niligu, min den waani a naankani. N maleki baa kua a liiga ki yaa cangi a. Ama n pantuuli daali yaa cua, n baa guani ba bi tuonbiadi panpaani, ki tundi ba tundifala bi tuonbiadi po.»

Amosi 2:8

Bi yaa taani yaa padibinbinli kani kuli ki baa kpiagi nni, Bi yen ladi ban gaa a luoda kani yaa kpaliti Kelima a pana po, ki yaa dua. Bi yaa taani bi budieli nni, bi yen ñu Ban gaani a luoda kani yaa duven kelima a pana po.

Amosi 4:4

Isidayeli yaaba, gedi mani Beteli Ki ban yaa tiendi ti tuonbiadi! Gedi mani Giligali moko, Ki ban yaa tiendi ti tuonbiadi ki pugidi! Yaa padi mani yi pada tiŋaagu kuli, Ki yaa tendi nni yi diim danataa taa kuli.

Amosi 7:10

Beteli kopadiciamo Amasia den soani ke bi waani Isidayeli diema bado Jeroboami, yaa maama n tie ne: «Amosi fiindi a po mi yiema Isidayeli yaaba siiga. Mi diema yaaba kan fidi ki juuni o maama yeni kuli po.

Amosi 7:13

Ama ŋan da go pua saawali Beteli na, kelima nekanba tie o bado n gagidi yaa kaanu, ki go tie o bado jaandi kaanu.»

Amosi 7:9

Isaaka puoliŋuani padibinbina ya n ye a juana yula po baa bodi. Isidayeli yaaba n gagidi yaa kaani kuli baa bodi. N baa fiini ki sedi o bado Jeroboami puoliŋuani po leni ki jugisiemu.»

Amosi 9:1

N den laa o Diedo ke o se li padibinbinli po. O den yedi: «Pua U Tienu diegu bunbunnaada yula po, Hali a tanpuuna n begibi, Pua ki mudi a, Ŋan baa yaaba n ye U Tienu diegu nni kuli yula po, Ki kpa ba. Yaaba n sieni, n baa kpa ba leni ki jugisiega. Bi siiga nni, oba kuli kan fidi ki sani ki cia. Yeni de! Oba kuli kan sani ki cia.