Amosi 1:11 - U TIENU MAAMA TILI 2013

¹¹ O Diedo yedi mi naa maama: «Edomi yaaba tieni tuongundataa, Li pundi ba bonanaa, Ya n teni ke n kan lebidi min jagi yaala. Bi den ŋoadi ki deli bi kpiiba leni ki jugisiega, Kaa gbadi bi po ninñimiba kuli. Bi pala yaa fii, ŋaa pia ke a jiidi, Baa pia sugili.

Gourmanchéma Bible

¹¹ Li Miali Diedo yedi mi ne: «Edomi yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den ŋoadi ki deli bi kpiiba leni ki jugisiega Kaa gbadi bipo niñimaba kuli. Bi pala yaa fii, ŋaa pia ke a jiidi, Baa pia sugili.

Amosi 1:11 ပူးပေါင်းရင်းမြစ်များ

2 Bi Badiba Jama 20:10

Moala diidi, Anmoni buolu, Moabi buolu leni Edomi buolu baa ti bu toabu. Ti yaajanba n den ñani Ejipiti diema nni, ŋaa den tuo ban tagini laa nibuoli diema nni. Ti yaajanba den lagidi kaa den bolini ba.

2 Bi Badiba Jama 20:11

Moala bi pani ti ti ŋanma, ki cua ki baa deli ki ñani ti, ŋan den puni ti yaa tinga nni.

2 Bi Badiba Jama 28:17

Edomi yaaba go den cua ki baa Juda diema bu toabu, ki den cuo i yonbi ki kuni.

Pisomi 137:7

O Diedo, da sundi Edomi yaaba N tieni yaala, Bani yaaba n den tua, Ban paadi Jerusalemi yaa daali: «Koadi mani! Koadi mani hali a tanpuuna!»

Pisomi 85:5

Guani ki mangi ti yema, Ti faabima Tienu, Ki kuugi a pali ti po!

O Yanfuodaano 7:9

Ŋan da jaligi ki fiini a pali, Kelima bi yanluodanba n fiindi bi pala tontoni.

Esayi 57:16

N kan yaa koani leni ba yogunu kuli ka. N kan yaa fiindi n pali bi po yogunu kuli ka, Kelima n yaa tiendi yeni, Min tagi yaala ke li pia miali kuli baa bodi.

Ose Tili 8:3

Ama Isidayeli yaaba nani yaala n ŋani. Lani yaa po n teni ke bi yibalinba baa yaa ŋua ki deli ba.

Mise 7:18

Ŋme n naani leni fini U Tienu, Fini yua n duundi ki ñandi ti tuonbiadi, Ki puuni sugili a niba yiema po. Ŋaa kubi a pabienli yogunu kuli a niba yaaba n sieni po, Kelima mi ninñingbadima mani a po.

Sakari 1:15

Ama n pali be yaa nilanbuoli n jigini bi yula po boncianla, kelima n pali n da den be Isidayeli yaaba po waamu waamu yaa yogunu, i nilanbuoli yeni den taani ki cuani bi tingbali.

Malaki 1:2

O Diedo yedi: «N bua yinba Isidayeli yaaba. Ama yi tua: ‹Be n doagidi ke a bua ti?› » O Diedo guani ki yedi: «Naani Esayu leni Jakob ki den tie naataani ka? Ama n den bua Jakob,

Malaki 1:4

Edomi yaaba, Esayu puoliŋuani yeni tua ke bi yaa bolini bi dogi, bi go baa guani ki maa yi. Bi yaa guani ki maa yi, Mini Li Miali Diedo U Paaciamu Kuli Daano didi baa guani ki bolini yi. Bi niba baa yaa yi bi diema: “Mi biadima diema,” bani mi niba mo, bi baa yaa yi ba: “O Diedo pali n be yaa nibuolu po yogunu kuli.”

Efesa 5:1

Lanwani, yin yaa ŋua U Tienu fuuli, nani o bibuadimu yeni.

Mi Tiadima 23:7

Hali yin baa yaa ye, yin da yagi yi yama laa niba yanduanma leni bi yema ŋamu po.