Abidiasi 1:17 - U TIENU MAAMA TILI 2013

¹⁷ Ama yaaba n ciadi baa yaa ye Siyon juali po. Min go baa guani ki diedi yaali cain. N niba Jakob puoliŋuani mo baa guani Ki diedi mi diema.

Gourmanchéma Bible

¹⁷ Ama yaaba n cia baa ye Siyono juali po. Min go baa goa ki diedi yaali cain N niba Jakobo puoliŋuani baa goa Ki diedi mi diema.

Abidiasi 1:17 ပူးပေါင်းရင်းမြစ်များ

Pisomi 69:35

Tanpoli leni ki tinga n kpiagi o! Mi ñincianma leni yaala n ye Mi niinni kuli mo n kpiagi o,

Esayi 1:27

Yaa bujiali n tiegi n baa faabi Siyon dogu, U dogu niba mo yaa lebidi bi tagu Ki tiendi yaala n tiegi, bi baa faabi.

Esayi 4:2

Landaali, o Diedo baa teni li benkpeli N toa ki tua pagidi leni kpiagidi, Mi diema bonluonkaala mo N tua jigidi leni ŋamu, Isidayeli yaaba, yaaba n ciadi po.

Esayi 46:13

N teni ke n teginma nagini. Maa go ye foagima. Li kan go waagi ke n faabima baa cua. N baa kuani ma Siyon nni, Ki pa Isidayeli yaaba n jigidi.

Esayi 60:21

A niba kuli baa yaa tie niteginkaaba, Ki baa diedi mi diema hali yaa yogunu kuli. Bi tie min ŋuu yaa benkpeli yeni, Ki tie n nuu tuonli, Ki doagidi n kpiagidi.

Esayi 65:9

N baa ñani Jakob puoliŋuani siiga, Yendo, yua n baa diedi n juana. N baa ñani Juda kani min gandi yaaba. Bi baa diedi n juana yeni. N naacenba mo n yaa ye a po.

Jeremi 31:23

Li Miali Diedo U Paaciamu Kuli Daano, Isidayeli Tienu maadi yaa maama n tie ne: «Diidi mani ban go baa yedi yaala Juda diema leni mi dogi, min baa teni bi yonbi n guani ki kpeni yaa yogunu: ‹Fini mi teginma diegu, mi gagidiŋanma juali, o Diedo n seligi a!›

Jeremi 44:14

Oba kan cia, yaaba n ñani Juda ki baa cua ki wuoni Ejipiti diema nni yeni siiga, oba kuli kan ŋmadi. Oba kuli kan go ti guani Juda diema nni, bi yama n baa ki ye ban guani ki ban kali naanpo. Li yàá tie yaaba n cia siiga niyendo yendo yaa ka.»

Jeremi 44:28

Bi niba waamu, bu toabu n ki nandi yaaba, baa ña Ejipiti diema nni, ki guani Juda diema nni. Ama Juda niba yaaba n sieni ki den cua ki wuoni Ejipiti nni yeni kuli, baa bandi mini leni bani siiga, yua n pia moamoani.

Jeremi 46:28

Fini Jakob, n naacemo, Da jie liba, o Diedo n yedi yeni. N ye leni a, ki baa bolini i nibuoli kuli, Min den yadi yi yaaba yaa siiga yeni. Ama fini wani, n kan bolini a, N baa mabini a bebe, N kan ŋaa ŋa nani yua n ki pia tagili yeni.»

Esekieli 36:12

Yinba n niba Isidayeli yaaba yeni, n baa teni yin yaa goadi mi diema nni i kaani kuli. Yi baa diedi mi diema man tua yi faali, mi diema yeni mo kan go yaa di yi bila.»

Esekieli 7:16

Yaaba n sieni ki naa kpe, Baa sani ki do a juana po, Nani ti joaloandi nni kpaajela yeni. Bikuli baa mua ki figindi, Yuakuli baa mua o tagili po.

Danieli 7:18

Ama tanpolijoma Tienu nigagidiŋanba baa ti yuandi ki gaa mi diema, ki yaa die ma hali yaa yogunu kuli.›

Joeli 3:5

Ama yua n baa mia o Diedo Yeli nni kuli, baa faabi. Nani o Diedo n yedi maama: Jerusalemi niinni bi nitianba baa ciadi, Min gandi yaaba baa cia. Kelima Siyon leni Jerusalemi po kuli, Ki nitianga baa sieni. O Diedo n yini yaaba mo Baa yaa ye yaaba n cia siiga.

Amosi 9:8

Diidi, mini o Diedo U Tienu maani n nuni Yinba, yaa diema n pia ti tuonbiadi po. N baa bolini ma, man da go ye ki tinga nni.

Sakari 8:12

N baa teni mi yanduanma n tieni ki tinga po: Duven tiidi baa luoni, Ki tinga baa teni ti kpaandi n tieni, Ki taaga baa mi boncianla. N baa pa laa bonla kuli n niba yaaba n sieni.

Sakari 8:3

N baa lebidi ki guani Siyon, ki yaa ye Jerusalemi yaaba siiga. Bi niba baa yaa yi Jerusalemi dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo U Paaciamu Kuli Daano juali mo: “Mi gagidiŋanma juali.”»

Mi Doagidima 21:27

Joagindiba kuli kan baa ki kua u niinni. Yua n tiendi ti cagindi leni yua n pua mi faama kan kua u niinni, kali yaaba yaa yela n diani li miali tili nni, lini yaali n tie ki Pebiga tili. Bani bebe n baa baa ki kua u niinni.