3 Jan 1:6 - U TIENU MAAMA TILI 2013

⁶ Bi den togidi Kilisiti Nitaanli siiga, ŋan pia yaa buama. Li baa yaa ŋani ŋan todi ba ban suagi liiga bi sancenli po, nani lan dagidi U Tienu po maama.

Gourmanchéma Bible

⁶ Bi den togidi Kilisiti n yini yaaba taanli siiga ŋan pia yaa buama. Li baa ŋani ŋan todi ba ban suagi liiga bi sancenli po nani lan dagidi U Tienu po maama.

3 Jan 1:6 ပူးပေါင်းရင်းမြစ်များ

Mi cilima 4:7

I moamoani a yaa tieni yaala n ŋani, a nunga baa yaa ŋani. Ama a yaa tieni yaala n bia, ti tuonbiadi dua a buliñoabu kani, ki sugini ki diedi a. Ama fini, ŋan moandi ki paadi ti.»

Jonasi 4:4

O Diedo den yedi o: «Ŋan bieni a pali yeni, a sua ke li ŋani bi?»

Jesu Tondiba Tuona 15:29

‹Yin kubi yi yula ki da je i buli padijiedi, ki da ŋmani mi soama leni ti yansoadikaadi, ki go kubi yi yula leni conconbuolu kuli. Li baa yaa ŋani yi po yin yaa kubi yi yula, ki da tieni lani kuli. U Tienu n waani ti tiyaba!› »

Jesu Tondiba Tuona 15:3

Antiosi Kilisiti Nitaanli den todi ba li sancenli po. Bi den poandi Fenisi leni Samari diema kuli, ki togidi bi nilanba n den lebidi ki daani maama. Li den teni ke lanpo, bi kpiiba kuli pala den mangi boncianla laa maama po.

Jesu Tondiba Tuona 21:5

Ti fiima daali n den pundi, ti den fii. Bani, bi puoba leni bi bila kuli den piadi ti, hali ki ñani ti u dogu nni. Ti den gbaani u ñinkunu ki jaandi.

LOMA YAABA 15:24

Lani yaa po, n sugini ke n yaa caa Esipañi diema, min tagi ki fuondi yi. N yaa mangi n pali leni yi danaba, n baa yaa sugini yin todi nni, min gedi lipo.

2 Korenti 1:16

N den baa ña yi kani ki suagi liiga ki gedi Maseduani diema nni, ki ña lipo, ki go tagi yi kani ke yin ciani nni min gedi Jude po.

Filipi 4:14

Ba yeni, yin den taani leni nni ki tugi n fala tugili yeni, yi tieni yaala n ŋani.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

Titi 3:13

Ŋan moandi ki bogini li bali maama bando Sena leni Apolosi sancenli, ke liba n da poadi ba.

1 Pieri 2:20

Bi yaa faligidi yi kelima yi tieni ti tuonbiadi ke yi juuni, li baa cuani yi po be yaa pagidi? Ama yi yaa tieni yaala n ŋani ke bi faligi yi, ke yi juuni, li tie yaa bonla ŋani U Tienu nintuali.

3 Jan 1:12

Bi niba kuli tiendi Demetriwusi po o siediŋamo. I moamoani yini iba moko tiendi o po siediŋamo. Timoko tiendi o po laa siedo yo.