2 Timote 4:1 - U TIENU MAAMA TILI 2013

¹ N teni a yaa ñoamabonli n tie ne U Tienu nintuali leni Jesu Kilisiti yua n baa jia ti buudi leni yaaba n fo leni yaaba n kpe kuli nintuali, ki puogi a kelima o cuama leni o diema kuli po,

Gourmanchéma Bible

¹ N teni a yaa ñoabonli n tie na U Tienu nintuali leni Jesu Kilisiti yua n baa jia ti buudi leni yaaba n fo leni yaaba n kpe kuli nintuali, ki puogi a kelima o cuama leni o diema kuli po,

2 Timote 4:1 ပူးပေါင်းရင်းမြစ်များ

Pisomi 50:6

Tanpoli baa kpaani o teginma Kelima U Tienu n tie o bujialo. Joma

Pisomi 96:13

Leni li pamanli o Diedo nintuali, Kelima o kpendi. O kpendi ki baa jia ti buudi ki tinga nni. O baa jia li ŋandunli buudi leni mi teginma, Ki jia i nilanbuoli buudi mo leni i moamoani.

Pisomi 98:9

Leni li pamanli o Diedo nintuali, Kelima o kpendi ki baa jia ki tinga buudi, O baa jia ŋanduna buudi leni mi teginma, Ki jia i nibuoli buudi mo ke li tiegi.

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Luki 19:12

Lani yaa po, Jesu den yedi: «O badijoa den gedi yaa dogu n foagi, ki baa n je li bali ki guani ki kpeni.

Luki 19:15

To, bi den dini o badijoa yeni li bali, ke o guani ki kpeni o dogu nni. O den yini bi naacenba yaaba ke o den teni i ligi yeni, ki baa bandi ban den kpendi ki baa yaala.

Luki 23:42

Lani, o den yedi: «Jesu, ŋan tiadi n po a yaa ti cua ki diedi a diema yaa yogunu.»

Jesu Tondiba Tuona 10:42

Wani Jesu den puogi ti ke tin yaa wangi bi niba o Laabaaliŋamo, ki yaa tiendi siedi ke U Tienu dini o li bali, ke wan yaa tie o bujialo yaa niba n fo leni yaaba n kpe kuli po.

Jesu Tondiba Tuona 17:31

Wani U Tienu bili ti buudi daali, wan baa jia ŋanduna yaaba kuli buudi yaa daali leni mi teginma. O gandi o nilo, ki bili ke o baa jia laa buudi. O saa i moamoani ke li baa tieni yeni leni wan fiini yaa nilo bi tinkpiba siiga.»

LOMA YAABA 2:16

Lani n baa doagidi, U Tienu n baa teni Jesu Kilisiti n jia bi nisaaliba n wuoni yaala kuli buudi yaa daali. Min wangi yaa Laabaaliŋamo moko yedi ke li baa yaa tie yeni.

Kolosi 3:4

Kilisiti, yua n tie yi miana, yaa go cua ki doagidi o yuli yaa yogunu, yimoko baa taani ki doagidi leni o o kpiagidi nni.

2 Tesaloniki 2:8

Lanyogunu, mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

1 Timote 5:21

N teni a yaa ñoamabonli n tie ne U Tienu nintuali, Jesu Kilisiti nintuali leni bi malekinba yaaba n gagidi ki ŋani nintuali, ke ŋan yaa ŋua laa maama kuli ki da gagidi bi niba leni biyaba, ŋan tieni bikuli po yenma.

2 Timote 1:10

Ti Candaano Jesu Kilisiti cuama ŋanduna nni doagidi ti po laa ŋanbili moala. Wani Jesu den paadi mi kuuma paalu, ki doagidi ti po li miali, yaali n baa ye, hali yaa yogunu kuli, kelima o Laabaaliŋamo wangima po.

2 Timote 2:14

Ŋan yaa tiadi ba laa maama kuli, ki tundi ba U Tienu nintuali ke ban da nia leni biyaba mi maama bundima po, kelima laa pia todima ba waamu. Ama li baa bolini yaaba n gbadi ma bebe.

2 Timote 4:18

Wani o Diedo n go baa gaa nni leni bonbiadila kuli, ki faabi nni, ki kuani nni o diema nni, tanpoli po. Wani n yaa baadi ti kpiagidi hali yaa yogunu kuli. Amina!

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Titi 2:13

ki go guu tin sugini yaala ke li pia li pamancianli yeni. Lani n tie ti Tienu, yua n tie Tienciamu leni ti Candaano Jesu Kilisiti kpiagidi doagidima.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

1 Pieri 4:5

Ama bi baa togidi bi tuona kuli, wani yua n bogini ki baa jia yaaba n fo leni yaaba n kpe kuli buudi.

1 Pieri 5:4

Lanwani, o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

2 Pieri 1:11

Yeni, yi baa baa ki kua U Tienu n luodi ki yaani yi po ti Diedo leni ti Candaano Jesu Kilisiti diema, yaama n kan pendi abada yaa niinni.

2 Pieri 1:17

O den baa ti jigidi leni ti kpiagidi U Tienu yua n tie Baa kani. Li den tie u nialu ñani U Tienu bali kpiagidi nni yaa yogunu, ki yedi: «One n tie n Bibuadiga, n pali n mani yua yaa po hali boncianla.»

1 Jan 2:28

Lanwani, n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o guacuama daali, n da tua ti po fe.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!