2 Timote 3:2 - U TIENU MAAMA TILI 2013

² Bi niba baa yaa bua bi yula ŋamu bebe, ki tua i ligi buakaaba. Bi baa yaa tie ñoakpalidanba leni japaadanba, nisugida, danyiekaaba leni ŋanwaadanba, ki go tie yaaba n kaa fangi U Tienu.

Gourmanchéma Bible

² Kelima bi niba baa bua bi yula ŋamu bebe, ki tua i ligi buakaaba. Bi baa tie ñoakpalidanba leni japaadanba, ki tie a nisugida, leni bi danyiekaaba, leni ŋanwaadanba, ki go tie yaaba n kaa fangi U Tienu.

2 Timote 3:2 ပူးပေါင်းရင်းမြစ်များ

Pisomi 10:3

O nibiado pagi o yuli leni wan jagi ki tieni yaala. O yaa tieni i janbi ki baa yaala, Se wan soli ki go ñuadi o Diedo.

Pisomi 49:6

Be yaa po yo ke i jeje baa cuo nni fala daali, N koanginkaaba tagili yaa gaani Ki lindi nni yaa yogunu?

Pisomi 52:1

Bi yanyinba yudaano yani siiga yanbu. Davidi yanbu.

Mi Kpanjama 6:17

Mi kafaama, Yaa lanbu n pua mi faama, Yaa nii n kpaani yaaba n ki pia tagili,

Esayi 10:15

Naani li yali baa jigini li yuli Yua kubi li ki tuuni kani? Naani ku sasaagu baa yaa pia, Kafaama leni yua n tuuni leni ku? Naani u gbiamu n baa mubini, Ki yoagi yua n yugidi u? Naani li gbadunduli n baa Yugidi yua n muubi li?

Danieli 11:36

Nujienu po diema bado yeni, baa yaa tiendi wan bua yaala kuli. O baa gbengi oba ki kpiagi o yuli, ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi mabiadima. Wan tieni yaala kuli baa cuoni o po bonŋanla hali U Tienu pabienli n doagidi. Lani, U Tienu n den bili yaala kuli baa tieni.

Danieli 7:25

O baa maadi ki sugi tanpolijoma Tienu, ki yaa mabindi o nigagidiŋanba. O go baa jagi ke o baa lebidi wani U Tienu niba jaanma yogini leni bi bali maama. Bi baa lu U Tienu nigagidiŋanba yeni o nuu nni, hali lan pundi binataa leni boagidima.

Matie 15:6

Yeni, yi bolini U Tienu maama ki nan kubi yi bogida.

Luki 12:15

O go den yedi bi niba kuli: «Fangi mani yi yula bonŋanla leni mi ŋalimanbuama, kelima o nilo miali ki ŋua o ŋalimano n yabi maama ka.»

Luki 16:14

Farisieninba yaaba n den bua i ligi ke li kandi, den gbadi lani kuli ki ñuadi Jesu.

Luki 6:35

Ama yin yaa bua mani yi yibalinba, yaa ŋanbidi mani bi niba po, ki yaa ledi ba ki da daani ke yi baa guani ki gaa bi kani liba. Yeni, yi panpaani baa yaa yabi, yi baa yaa tie U Tienu yua n ye hali tanpolijoma bila, kelima wani, o ŋanbidi bi ŋanwaadanba leni bi nibiadiba kuli po.

Jesu Tondiba Tuona 5:36

Laa waagi ke ban den yi yua Tudasi, den fii ki jigini o yuli ke o tie niciamo, ke yaa niba n bua ki pundi niba kobinaa den taani ki ŋoadi o. Bi den kpa o, ke yaaba n tuo ki ŋua o kuli den yadi, ke liba kuli ki sieni.

LOMA YAABA 11:18

da kpiagi a yuli, ki fali ban den jia ki ñani yaa beni. A yaa kpiagidi a yuli, ŋan kpaagi line, a tie benu bebe, fini ka tugi u jiinu, u jiinu n tugi a.

2 Korenti 5:15

O den kpe bikuli po, ke yaaba n fo n da go yaa ye bi yucela po ka, ama wani yua n den kpe ki go fii bi tinkpiba siiga yeni yaa po.

Filipi 2:21

Yaaba n sieni kuli kuani bi yama bi ŋantaadiceli nni, baa kuani bi yama Jesu Kilisiti yaa ŋantaadi nni.

Kolosi 3:5

Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

2 Tesaloniki 2:4

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu diegu nni, ki yini o yuli U Tienu.

1 Timote 1:20

Imene leni Alekisandri tie laa niba siiga yaaba. N den teni ba Sutaani, ke lan bangi ba ban da go sugidi U Tienu.

1 Timote 1:9

Ti go bani ke baa bili li bali maama yeni o niteginka po ka. Ama bi bili ma bi nibiadiba leni yaaba n yie li bali maama, U Tienu yiekaaba, ti tuonbiadi danba, yaaba n kaa ŋua U Tienu sanu, kaa fangi o mo, yaaba n kpaani bi baanba leni bi naanba, nikpalo kuli,

1 Timote 3:3

Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

1 Timote 6:10

I ligi buama tie bonbiadila buoli kuli yaa jiinu. Bi nitianba den kuani bi yama mi ligibuama nni, ki yaadi ki ŋaa li dandanli, ki kuani bi yula li pabiidicianli nni.

1 Timote 6:4

o gbie leni ti japaadi ki naa bani puu. O pia i buali leni mi niama mi maama po, ke li tie o po nani u yianu yeni. Lani kuli cuani li nunponli, li koanli, ku tuotabigu leni mi yanmaalibiadima.

2 Timote 3:4

janbi danba, yanjegibidanba leni bi yusiedanba, ki bua yaala n mani bi po ki cie U Tienu.

Jaki 2:8

Yi yaa kubi U Tienu diema bali maama, nani lan diani maama li ŋani. Mi yedi: «Ŋan bua a lielo nani ŋan bua a yuli maama.»

Jaki 4:16

Ama moala yi maadi mi japaamaama, ki kpiagidi yi yula. Yi yaa kpiagidi yi yula yeni, li tie yaa bonla n bia.

Jaki 4:6

U Tienu n tieni ti po yaa ŋanbili yabi ki cie, kelima i Diani yedi: «U Tienu yie bi japaadanba, Ama o puuni bi yumiindanba o ŋanbili.»

1 Pieri 5:5

Yinba bi jawaaba mo, yin yaa miindi yi yula a nikpela kani. Yikuli n yaa miindi yi yula yiyaba kani, ki yaa la li yumiinli, ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o ŋanbili.»

2 Pieri 2:10

O buudi cuonu n baa cuo yaaba ki cie, tie yaaba n ŋua bi gbanandi bonbuakaala yaala n joagini, ki go fali o Diedo bali. Laa bangi-faadanba pia ti japaadi leni yaa tuli n pa, kaa jie, ki sugidi ba malekinba yaaba n pia ti kpiagidi.

2 Pieri 2:12

Ama laa niba tie nani ti yandi yeni, yaadi n ye ban cuo ki kodi po. Bi sugidi ban ki bani yaala. Bi baa kpa ba nani ti yandi yeni.

2 Pieri 2:18

Bi pia ti japaadi, ki maadi yaa macianma n ki pia mayuli. Bi boandi ki dia leni ti gbanandi bonbuakaala, yaaba n faabi leni bi niyaadikaaba yeginu, ke li daa waagi.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.

Jude 1:16

Laa niba tie yaaba n yenbidi, yaaba yaa pala n biidi bi yema po. Bi ŋua bi gbanandi bonbuakaala, ki maadi mi japaamaama, ki banbidi bi niba ki bua ki baa bi kani li baali.

Mi Doagidima 13:1

Lani n den laa ki fuayanga ke o ña mi ñincianma nni. O den pia yina piiga leni yula lele. O yinpiiga yeni siiga yinli kuli den ciibi ki badifogiliga. Yaa yela n tie sugidi U Tienu po den taabi o yula po.

Mi Doagidima 16:11

ki sugidi tanpoli Tienu, kelima bi funfunma leni bi sinala po. Ama baa den lebidi bi pala bi tuonbiada po.

Mi Doagidima 16:21

A tatanciama, ya n den kpiagi hali boncianla mo den ñani tanpoli ki baa bi niba po. Bi niba den sugi U Tienu, kelima a tatana yeni falabiado po. Laa fala den bia hali ke li kandi.

Mi Doagidima 16:9

Ku tontonbiadigu den fulini ba ke bi sugidi U Tienu yeli, wani yua n die laa falabiadi yeni. Baa den lebidi bi pala ki kpiagi U Tienu.