2 Timote 2:6 - U TIENU MAAMA TILI 2013

⁶ O kpakpaalo yua n tuuni o tuonli leni fala, n tie yua n baa kpa baa o tuonli ñuadi.

Gourmanchéma Bible

⁶ O kpakpaalo yua n tuuni o tuonli leni fala, n tie yua n baa kpa baa o tuonli ñuadi.

2 Timote 2:6 ပူးပေါင်းရင်းမြစ်များ

Mi Kpanjama 27:18

Yua n guu bu kankanbu, Baa ŋmani bu bonluonkaala, Yua n kubi o canbaa mo baa baa ti kpiagidi.

Matie 20:1

Jesu den yedi: «Tanpoli diema tie nani yaa koadaano n den ñani ku tiŋaapanpangu, ki baa taa bi tuonsoanba o duventiidi kuanu tuonli po.

Matie 25:16

Yaa naacemo n den gaa wula kujapiena kobimuu den fii ki ban tieni u kpendu, ki baa wula kujapiena kobimuu ki pugini.

Luki 10:2

O den yedi ba: «U jetaagu yabi, ama bi tuonsoanba nan wa. Lanwani, yin mia mani u jetaagu Diedo wan soani bi tuonsoanba o jetaagu po.

1 Korenti 9:23

N tiendi lani kuli o Laabaaliŋamo po, ki baa baa nmo yaa biinu o Laabaaliŋamo ŋalimano nni.

2 Timote 2:7

Ŋan gaa min yedi a yaala na, kelima o Diedo baa pa ŋa mi yanfuoma, ŋan fidi ki bandi likuli.

Hebilunba 10:36

Li pundi ke yin yaa pia li juunli ki se ke li pa, ke yin tieni U Tienu yanbuama ki dudi, ki baa wan den niani ke o baa pa yi yaala.

Hebilunba 6:7

Yaa tinga n baadi ki taaga boncianla, yaa pudi yaala n pia mi fuoma yaaba n ko ga po, laa tinga baadi U Tienu seli.