2 Timote 2:26 - U TIENU MAAMA TILI 2013

²⁶ Lani n tie ban go guani ki baa bi yama ki ña Sutaani jogidi nni, yii n den cuo ba ki teni ke bi tiendi o yanbuama.

Gourmanchéma Bible

²⁶ lani n tie ban go goa ki baa bi yama ki ña Sutaani jogidi nni yii n den cuo ba ki teni ke bi tiendi o yanbuama.

2 Timote 2:26 ပူးပေါင်းရင်းမြစ်များ

Jobi 1:12

O Diedo den yedi Sutaani: «Diidi wan die yaala kuli ye a nuu nni. Ama ŋan da sii wani o ba!» Lanwani, Sutaani den ñani o Diedo kani.

Jobi 2:6

O Diedo den yedi Sutaani: «Diidi o ye a nuu nni, ama ŋan da sii o miali wani.»

Pisomi 124:7

Ti den fondi ki ñani nani, Ki nuanga n yen fondi u taalu nni maama yeni. U taalu den kadi ke ti baa ki ñani.

Esayi 28:13

Lanwani, o Diedo maama baa yaa tie bi po: «Hee, daa, oo, yiee, yeni yo!» Lani n tie bi yaa cuoni, Ban tuudi ki baa, ki kua kua, Ku diagu mo n kpadi ki cuo ba.

Esayi 53:12

Li tie lani yaa po ke n baa teni Wan kali ti kpiagiciandi danba siiga, O baa taani leni bi paatieba Ki boagidi ti fagidi. Wan den puni o miali ki kpe yeni, Bi den coadi ki taani o leni i tagili danba, Kelima o den tugi niba boncianla tuonbiadi, Ki baa i tagili danba po ti candandi.

Esayi 8:15

Bi niba boncianla baa tuudi Ki baa ki kua kua biba. Bi baa baa ku diagu nni kun cuo ba.

Luki 11:21

O gbanmandaano yaa kubi o jatiadi ki guu o diegu, wan pia yaala kuli, waa bangi li po.

Luki 15:17

Lani, o den kpaagi ki laa o yama nni, ki yedi o pali nni: ‹N baa tuonsoanba pia li bonjekaala ke li kandi, ke n ti ye ne ki baa kpe mi koma.

Luki 5:10

Li go den tie yeni Sebede bijaba Jaki leni Jan po, bani Simon jankpaanlieba. Jesu den yedi Simon: «Da jie liba. Nani ŋan lingi i jami maama, dinla liiga a baa yaa lingi bi niba U Tienu po yene.»

Jan n diani U Tienu Laabaaliŋamo maama 13:2

Jesu leni o ŋoadikaaba den dini mi yenjuajiema. Li sua ke Sutaani den kua Simon Isikarioti bijua Judasi pali nni no, ke wan janbi Jesu.

Jan n diani U Tienu Laabaaliŋamo maama 13:27

Jesu n den teni o li yaa yogunu liga, Sutaani den kua o pali nni. Jesu den yedi o: «Ŋan baa tieni yaala, tieni la tontoni.»

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

Jesu Tondiba Tuona 5:3

Pieli den yedi o: «Ananiasi, be n teni ke Sutaani gbieni a pali ke a pua U Tienu Fuoma Yua mi faama, ki wuoni u kuanu yeni ligi boagidima?

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni, ke i fe n cuo yi li po.

2 Korenti 2:11

ke Sutaani n da ti fidi ti, kelima ti bani o jagibiada po.

Efesa 5:14

Lani yaa po yo, ke li yedi: «Ŋan fundi, fini yua n goa, Ki fii bi tinkpiba siiga, Ke Kilisiti baa yendi a po.»

Kolosi 1:13

O faabi ti ki ñani ti li biigili paalu nni, ki kuani ti o Bibuadiga diema nni.

1 Timote 1:20

Imene leni Alekisandri tie laa niba siiga yaaba. N den teni ba Sutaani, ke lan bangi ba ban da go sugidi U Tienu.

1 Timote 3:7

Li go tie tiladi yaaba n kaa tie Kilisiti Nitaanli yaaba n yaa tiendi o po yaa siedo n ŋani, ke wan da ti le i fe, ki baa Sutaani jogidu nni.

Mi Doagidima 12:9

Bi den luni o bonfuodi-biadiciamo yeni, wani o Waakpelo, ban go yi yua ku Tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga po, wani leni o malekinba.