2 Timote 2:22 - U TIENU MAAMA TILI 2013

²² Ŋan sani ki ŋaa bi nipanba bonbuaka-biadila, ki yaa lingi mi teginma, li dandanli, mi buama, mi yanduanma, ki taani leni yaaba n jaandi o Diedo leni li papienli.

Gourmanchéma Bible

²² Ŋan sani ki ŋa bi nipanba bonbuaka-biadila, ki yaa lingi mi*teginma, li dandanli, mi buama, mi yanduanma ki taani leni yaaba n jaandi o Diedo leni li papienli.

2 Timote 2:22 ပူးပေါင်းရင်းမြစ်များ

Pisomi 119:9

O Jawaalo baa tieni lede o tagu n yaa tiegi? Se wan kubi a maama n yedi yaala.

Pisomi 17:1

Davidi jaandi. O Diedo, cengi yaala n tiegi, Cengi n miabu bonŋanla. Diadi a tubili ki cengi min jaandi Yaa jaandi leni li payenli.

Mi Kpanjama 15:8

O Diedo nani bi nibiadiba pada, Ama o pali mani bi niteginkaaba jaandi po.

Mi Kpanjama 6:5

Soadi ki ñani a yuli nani o pialo n ŋmadi ku diagu nni, Bi nani o nuano n fondi mi joma nni maama.

Mi Kpanjama 7:8

O den cuoni u sanu nni, ki ban poani ki dagini li puoconconli deni. O jadi ki tagini o denpo sanu.

Levi 15:18

O joa yaa duani leni pua, bikuli baa wali ki yaa ye leni bi joagindi hali ku yenjuagu.

Jesu Tondiba Tuona 7:59

Ban den lugidi Etienni a tana yaa yogunu, o den jaandi ki yedi: «N Diedo Jesu, ŋan gaa n naano.»

Jesu Tondiba Tuona 9:14

Bi kopadicianba yudanba puni o li bali u naa dogu nni moko, ke wan cuo ki loli yaaba n jaandi, ki taagi a yeli kuli.»

LOMA YAABA 14:17

U Tienu diema naa tie mi jiema leni li bonñokaala bebe ka. Ama, mi teginma, mi yanduanma leni li pamanli, U Tienu Fuoma Yua n teni ke ti pia yaala.

LOMA YAABA 14:19

Lanwani, tin moandi ki yaa tiendi yaala n baa teni tin yaa mani leni ti lieba, ki go paagidi tiyaba pala U Tienu sanŋoadima nni.

1 Korenti 1:10

N kpiiba, n mia yi ki go tundi yi, kelima ti Diedo Jesu Kilisiti yeli po, ke yikuli n yaa mani leni yiyaba, ke paadimiba kuli n da ye yi siiga. Lani n tie yin yaa taa yenma yi yantiana leni yi jaga kuli nni.

1 Korenti 1:2

ki diani li tili U Tienu Nitaanli, yaali n ye Korenti dogu nni po. O den gagidi ki ŋanbi yi Jesu Kilisiti nni, ke yin yaa tie o nigagidiŋanba. N fuondi yi leni yaaba n jaandi ki miadi ti Diedo Jesu Kilisiti i kaani kuli, wani yua n tie bi Diedo leni ti yaa Diedo.

1 Korenti 10:14

Lani yaa po, n buakaaba, yin sani ki foagidi leni i buli ŋoadima.

1 Korenti 14:1

Yin moandi ki yaa pia mi buama. Yin yaa lingi U Tienu Fuoma Yua paabu moko, ama yin yaa lingi mi mawangima yaa paabu ki cie.

1 Korenti 6:18

Yin sani ki foagidi mani leni mi conconma. Tuonbiatoadi kuli ye ti gbanandi niinpo, ama yua n puni o yuli mi conconma po, tudi o gbanandi po yo.

1 Timote 1:14

Ti Diedo den ŋanbi n po hali ke li kandi, ki puni nni yaa dandanli leni yaa buama n ñani Jesu Kilisiti kani.

1 Timote 1:5

Laa tundi n baa cuani yaala tie mi buama, yaama n ña li papienli, yaa pali siedi n ŋani leni li dandanmoanli nni.

1 Timote 2:8

Lani yaa po, n bua ke bi jaba n yaa jaandi i kaani kuli, ki yugidi yaa nii n ŋani cain, ki naa pia pabienli leni niamiba kuli.

1 Timote 4:12

Ŋan da tuo niloba kuli n fali a kelima a tie nipaano. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu kuli nni.

1 Timote 6:11

Ama fini U Tienu nilo, ŋan sani ki ŋaa laa bonla, ki yaa ŋua mi teginma, U Tienu tuoma, li dandanli, mi buama, li juunli leni mi dingima.

Hebilunba 12:14

Yin lingi mani mi yanduanma leni bi niba kuli, ki go lingi mi gagidiŋanma, kelima yua n naa pia mani, kan le o Diedo.

1 Pieri 2:11

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana.

1 Pieri 3:11

Wan foagidi leni yaala n bia ki yaa tiendi yaala n ŋani, Ki lingi mi yanduanma, ki yaa ŋua ma.

3 Jan 1:11

N buado, ŋan da togidi yaala n bia, ama ŋan yaa togidi yaala n ŋani. Yua n tiendi yaala n ŋani tie U Tienu yua, ama yua n tiendi yaala n bia daa laa U Tienu.