2 Timote 2:21 - U TIENU MAAMA TILI 2013

²¹ Lanwani, o nilo yaa ŋanbi o yuli ki paadi leni min maadi yaa biadima maama na kuli, o baa yaa tie nani yaa tadiga n tie a tuonkpiaga po yeni. O canbaa gagidi laa tadige o tuonli po. Laa tadiga pia mi fuoma, ki bogini ki dagidi yaa tuonli n ŋani kuli po.

Gourmanchéma Bible

²¹ Lanwani o nilo yaa ŋanbi o yuli ki paadi leni min maadi yaa biadima maama na kuli, o baa tie nani yaa tadiga n tie a tuonkpiaga po yeni, o canbaa n gagidi yaaga o tuonli po ke ki pia mi fuoma ki bogini ki dagidi yaa tuonli n ŋani kuli po.

2 Timote 2:21 ပူးပေါင်းရင်းမြစ်များ

Pisomi 119:9

O Jawaalo baa tieni lede o tagu n yaa tiegi? Se wan kubi a maama n yedi yaala.

Esayi 1:25

Jerusalemi, n baa soani a tuonli, N baa puli a u mu nni, Ki ñani a joagindi kuli, Ki ŋuudi ki ñani a cidi leni bu ciebu.

Esayi 52:11

Gedi mani, gedi mani, Ña mani Babilonni diema nni! Da sii mani yaala n joagini kuli! Ña mani mi diema yeni siiga! Ŋanbi mani yiba, Yinba yaaba n tugi o Diedo tadimu yeni!

Jeremi 15:19

Lani n teni ke o Diedo yedi daa: «A yaa guani n kani, N baa guani ki taa ŋa, Ŋan yaa tuuni n po. A yaa gagidi yaala n pia li mayuli leni yaala n ki pia, A baa yaa tie nani n ñoabu yeni. Lani, bani n baa guani a kani, Laa tie fini ka n guani bi kani.

Malaki 3:3

O baa kali u maafanu nni nani yua duadi ŋanjilifa yeni. O baa ŋanbi Levi puoliŋuani, ki ñani bi po bi joagindi, nani ban ñandi wula leni ŋanjilifa Joagindi maama yeni. Yeni, bi go baa fidi ki padi yaa pada n tiegi o Diedo po.

Jesu Tondiba Tuona 9:15

Ama o Diedo den guani ki yedi o: «Gedi, kelima n gandi laa joa, ke wan yaa tuuni n po ki gedini n yeli i nilanbuoli, ŋanduna badicianba leni Isidayeli yaaba kuli po.

1 Korenti 5:7

Yin ñani mani yi siiga li dabinkpeli, ki tua nani ti yonbupandi yaadi n ki pia dabinli yeni. Moamoani yi tie laa yonbudi, kelima bi padi Kilisiti yua n tie ti Pendima jaanma pebiga no.

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

2 Korenti 9:8

U Tienu baa fidi ki teni o ŋanbili n yaa wuli yi po li bonla kuli nni, ke yogunu kuli yin yaa pia ke li kandi, ki fidi ki soani tuonŋanli kuli,

Efesa 2:10

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

1 Timote 6:11

Ama fini U Tienu nilo, ŋan sani ki ŋaa laa bonla, ki yaa ŋua mi teginma, U Tienu tuoma, li dandanli, mi buama, li juunli leni mi dingima.

2 Timote 2:16

Ŋan sani ki foagidi leni mi mafanma, yaama n nia li dandanli. Yaaba n kubi ma baa suagi liiga U Tienu yiema nni yogunu kuli.

2 Timote 2:20

Li diecianli nni, a kan le yaa tadimu n tie wula leni ŋanjilifa bebe ka, a go baa le yaamu n tie ti daadi leni ti tandi moko. Mu taditianmu ye yaa tuona n pia ti kpiagidi po, mu tianmu mo a tuonfana po.

2 Timote 3:17

Lani n tie U Tienu nilo n ŋanbi cain, ki bogini ki fidi ki yaa tiendi a tuonŋama kuli.

2 Timote 4:11

Luki bebe n ye leni nni. A yaa kpendi, ŋan taa Marki wan yegi leni a, kelima o baa yaa pia n po mi fuoma boncianla li tuonli po.

Titi 3:1

Ŋan yaa tiadi ba, ban yaa fangi mi diema gobidikaaba leni li bali danba kuli, ki tuo ki yaa ŋua bi maama, ki go bogini tuonŋanli kuli po.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po. Yeni, bi baa fidi ki yaa baadi yaala n tie bi po tiladi. Lani, bi kan yaa tie nani yaa tibu n kaa luoni yeni.

Titi 3:8

Laa maama tie mi madugikaama. N bua ŋan bangi ki go ñii li po bonŋanla, ke yaaba n daani U Tienu n yaa tiendi ania a tuonŋama tienma po. Lani n ŋani, ki go pia mi fuoma bi niba kuli po.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.