2 Timote 1:9 - U TIENU MAAMA TILI 2013

⁹ O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

Gourmanchéma Bible

⁹ O den faabi ti ki yini ti yaa yiinu n gagidi. Waa den tieni yeni kelima ti tuonŋama po ka, li tie kelima o yanjagili leni o ŋanbili po, wan den tieni tipo yaala Jesu Kilisiti nni hali ke ŋanduna daa tagi.

2 Timote 1:9 ပူးပေါင်းရင်းမြစ်များ

Matie 1:21

O baa maa bonjaga, ŋan yini o Jesu, kelima wani n baa faabi o buolu yaaba leni bi tuonbiadi.»

Luki 10:21

Lanyogunu liga, U Tienu Fuoma Yua den teni ke Jesu pali mangi hali boncianla, ke o yedi: «Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfuodanba leni bi nunfandanba kuli po, ki doagidi la yaaba n tie nani a bonwaala yeni po. Yeni de! Baa, li tie yeni ki ŋoadi a yanjagiŋanli.»

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa yaa ye naankani, n bua bani moko n yaa ye lankane. Lani n tie ban yaa nua n kpiagidi, ŋan puni nni yaadi, kelima a den bua nni hali ke ŋanduna daa tagi.

Jan n diani U Tienu Laabaaliŋamo maama 17:9

N mia ŋa bi yaa po yo. Mii mia ŋa ŋanduna po ka, ama n mia ŋa ŋan puni nni yaaba yaa po yo, kelima bi tie a yaa yaaba.

Jan n diani U Tienu Laabaaliŋamo maama 6:37

Baa U Tienu n puni nni yaaba kuli baa cua n kani. N kan deli yua n cua n kani kuli.

Jesu Tondiba Tuona 15:18

O Diedo, yua n tiendi wan jagi yaala Hali yogu yeni, n yedi yeni.› »

Jesu Tondiba Tuona 2:47

Bi den pagi U Tienu, ki baadi li seli bi niba kuli nintuali. Daali kuli o Diedo go den faabidi nitoaba ki pugidi Kilisiti Nitaanli.

LOMA YAABA 11:14

ke li yaa baa tuo min yaa ñundi n buolu li mutuoli, ke min fidi ki faabi bi siiga bi tianba.

LOMA YAABA 11:29

U Tienu yiinu leni o paabu naa pia lebidima.

LOMA YAABA 16:25

Tin yaa kpiagidi U Tienu, wani yua n baa fidi ki teni yin yaa se ke li pa o sanŋoadima nni, nani min wangi yaa Laabaaliŋamo, ki doagidi Jesu Kilisiti, n yedi maama. N wangi o nani U Tienu bondoaginkaala, yaala n den duagi ŋasiili nni hali yogu. Laa bondoaginkaala doagidi moala.

LOMA YAABA 3:20

Niloba kuli kan baa li moamoansaali U Tienu kani kelima o tiendi li bali maama n yedi yaala. Li bali maama n teni ke o nilo bandi ti tuonbiadi.

LOMA YAABA 9:11

Hali ke laa bila daa den mali, ki daa tieni yaala n ŋani bi yaala n bia, ke U Tienu n den tuodi ki jagi yaala n yaa ye, ki ŋua o gandima ki naa ŋoadi a tuona, ama ki ŋua U Tienu yiinu,

LOMA YAABA 9:24

Lani n tie tinba, wan yini yaaba. Waa yini ti yaaba n tie Jufinba siiga bebe ka. Ama o go yini ti yaaba n kaa tie Jufinba moko siiga.

1 Korenti 1:18

Li dapoanpoanli yaa mawangima tie yanluoma yaaba n baa bodi po. Ama tinba yaaba n tindi po, li tie U Tienu paalu.

Efesa 1:11

Li tie wani Kilisiti yaa niinne, ke U Tienu tieni li bonla kuli nani wan den kpa jagi ki bili maama. O den gandi ki gagidi ti, ke ti tua o yaaba.

Efesa 1:9

O den doagidi ti po o yanbuama bondoaginkaala, wan den tuodi ki bili yaa yanjagiŋanli Kilisiti nni.

Efesa 2:5

Lani yaa po, tin den tie bi tinkpiba kelima ti tagili po, o den guani ki puni ti li miali leni Kilisiti. Li tie o ŋanbili paabu yaa po, ke yi faabi.

Efesa 3:11

U Tienu den jagi ke o baa tieni la hali yogu, ki go tieni la ki dudi, kelima ti Diedo Jesu Kilisiti yaa po.

Filipi 3:14

Yeni, n tiini ki cuubi n nuama juodima, ki baa baa laa panpaani. Lani n tie U Tienu n yini nni, min baa yaa panpaani tanpoli po Jesu Kilisiti nni.

1 Tesaloniki 4:7

U Tienu ki den yini ti ke tin yaa ye mi conconma nni ka, ama mi gagidiŋanma nni.

1 Timote 1:1

Mini Poli, yua n tie Jesu Kilisiti tondo, kelima U Tienu ti Candaano yaa ñoamabonli po leni Jesu Kilisiti yua n tie ti suginma yaa po.

2 Timote 1:1

Mini Poli, yua n tie Jesu Kilisiti tondo kelima U Tienu yanbuama po. U Tienu den soani nni, min yaa wangi wan den niani yaa miali Jesu Kilisiti nni yaa maama.

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

Hebilunba 3:1

Lani yaa po, n kpiiba, bi nigagidiŋanba, yinba U Tienu n yini yaaba yin kpaagi mani Jesu po, wani yua n tie o Tondo leni tin tiendi siedi yaa dandanli po, yaa kopadicianba bado.

1 Pieri 1:20

U Tienu den tuodi ki gandi wani Kilisiti lani kuli po, hali ke ŋanduna daa tagi, ki doagidi o ŋanduna juodima yogunu yinba yaa po.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

Mi Doagidima 17:8

Ŋan laa yaa fuayanga yeni den kpa ye, waa go ye moala. O baa do ki ña u kulu nni, ki gedi mi bodima nni. Ki tinga nni yaaba siiga, yaaba yaa yela n kaa diani li miali tili nni hali ŋanduna tagima yogunu, bi yaa laa ki fuayanga yua n den kpa ye, kaa go ye moala, ki go baa cua ki yaa ye yeni, li baa paki ba.