2 Timote 1:5 - U TIENU MAAMA TILI 2013

⁵ N go tuondi U Tienu kelima n tiadi a dandanmoanli po. N bani cain, ke a naa Yunisa leni a yaa Lowisa n den kpa pia yaa dandanli, fini moko pia laa dandanle.

Gourmanchéma Bible

⁵ N go tuondi U Tienu kelima n tiadi a dandanmoanli po, a yaa Lowisa leni a naa Yunisa n den kpa pia yaa *dandanli buolu, n bani cain ke a moko pia laa dandanli.

2 Timote 1:5 ပူးပေါင်းရင်းမြစ်များ

Pisomi 116:16

N mia ŋa o Diedo kelima n tie a naacemo, A naacemo, a puotuado n mali yua! A den lodi n po n yonbidi baabi.

Pisomi 17:1

Davidi jaandi. O Diedo, cengi yaala n tiegi, Cengi n miabu bonŋanla. Diadi a tubili ki cengi min jaandi Yaa jaandi leni li payenli.

Pisomi 18:44

A faabi nni leni bi niba janjanma. A tuni nni i nibuoli yuli, Min kaa den bani yaa nibuolu, tua n yonbi.

Pisomi 22:10

Moamoani de, fini n ñani nni N naa tugu nni, ki babini nni o biili.

Pisomi 66:3

Yedi mani U Tienu: «A bontienkaala pia i jeje!» A yibalinba gunbi a kani leni ti ñoamamandi, Kelima a paalu n yabi maama po.

Pisomi 77:6

N tiadi yaa dana n pendi Leni puoli po bina po.

Pisomi 81:15

Se min bi jaligi ki fiagi bi yibalinba, Se min pua bi koanginkaaba.

Pisomi 86:16

Noanli nni, ki gbadi n po n mi ninñima. Pa a naacemo u fidu, Ki faabi a puotuado bijua.

Jeremi 3:10

Ba leni lani kuli, o naataanpuoga Juda i janbi daano naa guani n kani leni o pali kuli, se faama bebe. O Diedo n yedi yeni.»

Jan n diani U Tienu Laabaaliŋamo maama 1:47

Jesu n den laa Natanayeli ke o kpendi o kani, o den yedi: «Diidi, yua n kpendi na tie Isidayeli buolu yua moamoani, waa pia boandiba kuli o pali nni.»

Jesu Tondiba Tuona 16:1

Poli den pundi Deba dogu nni ki suagi ki gedi Lisitri dogu nni. Lankani den pia ŋoadika yendo ke bi yi o Timote. O naa den tie Jufi ki tuo ki daani, o baa den tie Gireki.

Jesu Tondiba Tuona 26:26

O bado Agilipa mo bani laa bonla maama fuuli. Lani n teni ke n maadi o kani leni li papaali, kelima n bani ke laa maama siiga baa bonyenla ki boani o, kelima laa den tieni wuoli nni.

LOMA YAABA 14:14

N daani ki go bani cain o Diedo Jesu nni, ke liba kuli ki joagini li yuli po. Ama o nilo yaa nua ke bonliba joagini, li joagini laa nilo yaa po.

LOMA YAABA 14:5

One nua ke daaliba gagidi ki cie liyali, one mo nua ke a dana kuli tie yenma. Nilo kuli n kpaagi ki bandi cain wan daani yaala.

LOMA YAABA 15:14

N kpiiba, n bani ke yi pala gbie leni li ŋanbili, ke yi bani cain yin baa yaa tiendi yaala kuli, ki go baa fidi ki tundi yiyaba.

LOMA YAABA 4:21

O den daani ki go bani cain ke U Tienu n niani yaala, o go pia li fidu ki baa kuani o ñoanianu.

LOMA YAABA 8:38

Moala, n bani cain ke bonliba kuli kan fidi ki paadi ti leni U Tienu buama. Ba mi kuuma, ba li miali, ba malekinba, ba mi fawaama paaciami danba, ba yaala n ye moala ne, ba yaala n baa ti cua,

2 Korenti 6:6

Ti moandi ki pia laa siediŋamo, kelima ti yantugupiendi po, mi bancianma po, li juunli po, li ŋanbili po, U Tienu Fuoma Yua po leni mi buamoanma po.

1 Timote 1:5

Laa tundi n baa cuani yaala tie mi buama, yaama n ña li papienli, yaa pali siedi n ŋani leni li dandanmoanli nni.

1 Timote 4:6

A yaa tundi ti kpiiba laa tundi kuli, a baa yaa tie Jesu Kilisiti naacenŋamo, yua n dindi o yuli leni li dandanli maama leni mi bangiŋanma, ŋan ŋoadi yaama cain yeni.

2 Timote 1:12

Li tie lani yaa po ke n laadi yaa fala n tie ne moala, ama mii jie i fe li po ba waamu, kelima n bani min daani yua, ki go bani ke o pia u paalu ki baa fidi ki kubi n pianli, hali li daali n pundi.

2 Timote 3:15

Hali a biwaama nni a bani i Diani. I baa fidi ki pa ŋa mi yanfuoma, yaama n baa ciani a mi tindima nni, kelima a daani Jesu Kilisiti.

Hebilunba 11:13

Laa niba kuli den kpe ki kubi li dandanli. Bi daa den baa U Tienu n den niani ba yaala. Ama bi den tuodi ki laa la hali foagima, ki mangi bi pala li po. Bi den tuo yeni ke bi tie canba, ki ye ŋanduna nni u yogunu waamu po.

Hebilunba 6:9

Ama n buakaaba, ba ke ti maadi yeni, ti bani cain ke yi se u sanŋamu nni yaala n tie mi tindima po.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.