2 Timote 1:4 - U TIENU MAAMA TILI 2013

⁴ N tiadi a nunsiidi ki bua ki le ŋa bonŋanla, n pali n go mangi lan kandi.

Gourmanchéma Bible

⁴ N tiadi a ninsiidi ki bua ki le ŋa boncianla n pali n go mangi lan kandi.

2 Timote 1:4 ပူးပေါင်းရင်းမြစ်များ

Pisomi 126:5

Yaaba n coagi leni ti nunsiidi, Baa yendi leni li pamanli yigimi.

Esayi 61:3

N baa lebidi Siyon yaaba paboanli maalima, Ki teni ba ti kpiagidi lan lebidi Mi fantanpienma kaanu. N baa teni li pamanli tulale n gaa Li paboanli kaanu, Ti kpiagidi tiayiekaadi mo n gaa Li pabiidili kaanu Ke ban yaa yi ba mi teginma ticiandi, O Diedo tiŋuuke, yii n baa doagidi o kpiagidi.

Jeremi 31:13

Lanwani, bi jafanba baa jeli ki mangi bi pala, Bani leni bi jawaaba leni a jakpela kuli. N baa teni bi paboanli n tua pamanli. N baa baagi ba. Bi falabiado yeni puoli po, N baa teni bi pala n mangi.

Jan n diani U Tienu Laabaaliŋamo maama 16:22

Li baa yaa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yi kani laa pamanli.

Jan n diani U Tienu Laabaaliŋamo maama 16:24

Hali moala yi daa mia liba kuli n yeli nni. Mia mani, yi baa baa la, ke yi pamanli n pugini ki dagidi cain.

Jesu Tondiba Tuona 20:19

Yi bani ke n den tuuni o Diedo po leni li yumiinli leni ti nunsiidi, ki go laadi fala, kelima Jufinba n den lu yaa janbi ki bua ki cuo nni yaa po.

Jesu Tondiba Tuona 20:31

Lani yaa po, yin yaa guu mani, ki yaa tiani ke hali binataa banlu, n tuodi ki tundi yi siiga yuakuli leni ti nunsiidi ku ñiagu leni u yensiinu kuli, mii cedi.

LOMA YAABA 1:11

N bua hali bonŋanla ki le yi, ki boagidi leni yi U Tienu Fuoma Yua n puni yaa paabu, ke yin yaa se ki pa,

Filipi 1:8

U Tienu tie n siedo, ke n bua yikuli leni Jesu Kilisiti yaa buamoanma.

Filipi 2:26

O den bua hali bonŋanla ki le yikuli. Wan den bandi ke yi gbadi ke o yia, o yama den yagi li po boncianla.

1 Tesaloniki 2:17

N kpiiba, ti den paadi leni yi u yogunu waamu po ti gbanandi nni, laa tie ti yantiana nni ka. Ti go den bua hali bonŋanla ki le yi nunmu, ki moandi lipo moko.

2 Timote 4:21

Ŋan moandi ki cua n kani ke ku fawaagu daa pundi. Ebulusi, Puda, Linusi, Kilodia leni ti kpiiba yaaba n sieni kuli fuondi a.

2 Timote 4:9

Ŋan moandi ki cua n kani tontoni.

1 Jan 1:4

Ti diani yi po yaala n tie ne, Ki bua ti pamanli n dagidi cain.

Mi Doagidima 21:4

O baa duuni ki ñani ti nunsiidi kuli bi nuni nni. Mi kuuma kan go yaa ye, li paboanli, a bubula leni mi funfunma moko kan go yaa ye, kelima li bonkpiala pendi.»

Mi Doagidima 7:17

kelima ki Pebiga, yua n ye li bali kalikaanu siiga baa yaa tie bi yankpaalo, ki gobidi ki caani ba li miali ñinbuna kani. U Tienu mo baa duuni ki ñani bi nunsiidi kuli bi nuni nni.»