2 Timote 1:3 - U TIENU MAAMA TILI 2013

³ N tuondi U Tienu min tuuni yua yaa po leni yaa pali siedi n ŋani, nani n yaajanba n den tuuni o po maama. U yensiinu leni ku ñiagu kuli, n yaa jaandi U Tienu, n miadi o a po ki tuondi o kaa cedi.

Gourmanchéma Bible

³ N tuondi U Tienu min tuuni yua po leni yaa pali siedi n ŋani, nani n yaajanba n den tuuni opo maama. U yensiinu leni ku ñiagu kuli n yaa jaandi U Tienu, n miadi o apo ki tuondi o kaa cedi.

2 Timote 1:3 ပူးပေါင်းရင်းမြစ်များ

Luki 2:37

O ji den tie kpepuoli ki pia piinii n binanaa. Waa den ña U Tienu diegu nni. O den tuuni U Tienu po, u yensiinu leni ku ñiagu kuli, mi ñoalolima leni mi jaandi nni.

Jesu Tondiba Tuona 22:3

«N tie Jufi, ki mali Silisi diema Tarsi dogu nni. Ama n den fandi u naa dogu nne. N den kua Gamalieli cogidieli, ke o bangi nni ti yaajanba bali maama cap. N den pia li yankuali boncianla U Tienu po, nani yikuli n tie maama dinla.

Jesu Tondiba Tuona 23:1

Poli den noanli bi cancantieba taancianli ki yedi ba: «N kpiiba, n ye U Tienu nintuali leni yaa pali siedi n ŋani hali dinla.»

Jesu Tondiba Tuona 24:14

Ama ban yini yaa jaanma jaanbuocaanu yeni, n tuo a nintuali ke n ŋua ma, ki jaandi ti yaajanba Tienu, ki dugi yaala n diani li bali maama nni leni bi saawalipuaba tila nni po.

Jesu Tondiba Tuona 24:16

Lani n teni ke n moandi yogunu kuli, ke n pali siedi n da bu leni nni, kelima tagiliba po U Tienu kani leni bi niba kani kuli.

Jesu Tondiba Tuona 26:4

Jufinba kuli bani n yema n den tie maama hali n biwaama yogunu leni hali mi cilima n maadogu nni leni Jerusalemi nni.

Jesu Tondiba Tuona 27:23

U Tienu yua n die nni ke n tuuni o po yeni, maleko doagidi o yuli n po ku naa ñiagu,

LOMA YAABA 9:1

N maadi moamoani Kilisiti nni mii pua faama. U Tienu Fuoma Yua nni, n pali moko saa n po i moamoani.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

Galati 1:14

Jufinba jaanma yeni niinni, n den ŋua ma ki cie n buolu leni yaaba n taa leni nni saala boncianla, kelima min den pia li yankuali ke li pendi maama ti danbogida po.

Efesa 1:16

n tuondi U Tienu yi po kaa cedi, ki taagi yikuli yela min jaandi yaa yogunu.

1 Tesaloniki 3:10

U yensiinu leni ku ñiagu kuli, ti miadi o leni ti pala kuli, wan tuo tin go le yi nunmu, ki yaa todi yi ke yin baa ki biini yaala n poadi yi dandanli nni.

1 Timote 1:19

Ŋan yaa kubi li dandanli leni yaa pali siedi n ŋani. Bi nitianba den ŋaa laa bonla ke bi dandanli bodi.

1 Timote 1:5

Laa tundi n baa cuani yaala tie mi buama, yaama n ña li papienli, yaa pali siedi n ŋani leni li dandanmoanli nni.

1 Timote 5:5

Yaa kpepuoli n ye obebe kaa pia kubika, bili o suginma U Tienu kani, ki miadi o u yensiinu leni ku ñiagu kuli, ke wan yaa todi o.

2 Timote 1:5

N go tuondi U Tienu kelima n tiadi a dandanmoanli po. N bani cain, ke a naa Yunisa leni a yaa Lowisa n den kpa pia yaa dandanli, fini moko pia laa dandanle.

2 Timote 3:15

Hali a biwaama nni a bani i Diani. I baa fidi ki pa ŋa mi yanfuoma, yaama n baa ciani a mi tindima nni, kelima a daani Jesu Kilisiti.

Hebilunba 13:8

Jesu Kilisiti tie yenma wonli, dinla leni yaa yogunu kuli.

1 Samueli 12:23

Mini mo, o Diedo n luoni n po min tieni ti naa yaa tuonbiadi: lani n tie ki cedi ki kan yaa jaandi ki miadi o yi po. N baa yaa bangi yi yaa sanu n ŋani ki go tiegi.