2 Timote 1:13 - U TIENU MAAMA TILI 2013

¹³ Ŋan den gbadi n kani yaa mamoanma baa yaa tie a po li bontogidikaala. Ŋan yaa ŋua ma, ki se ke li pa li dandanli leni mi buama nni, tin pia yaala Jesu Kilisiti nni.

Gourmanchéma Bible

¹³ Ŋan den gbadi n kani yaa mamoanma baa tie apo li bontogidikaala. Ŋan yaa ŋua ma, ki se ke li pa li dandanli leni mi buama nni, tin pia yaala Jesu Kilisiti nni.

2 Timote 1:13 ပူးပေါင်းရင်းမြစ်များ

Mi Kpanjama 23:23

Lingi ki baa i moamoani, A yaa baa yi ŋan da kuadi i mo. Lan tua yeni mi yama, mi bangima Leni mi yanfuoma mo yaa po.

Mi Kpanjama 3:18

Mi yanfuoma tie miali tibue yaaba n baa ma po, Ki tie yemanma yaaba n pia ma kuli po.

Mi Kpanjama 3:21

N bijua, ŋan kubi mi yanfuoma leni li kpaagili bonŋanla, Ki da tuo lan foagidi a kani.

Mi Kpanjama 4:13

Ŋan da ŋaa ban bangi a yaala. Ŋan kubi la bonŋanla, Kelima lani n tie a miali.

Mi Kpanjama 8:14

Mini n die i tundi leni li kpaagili. N tie mi yanfuoma, mini n go die u paalu.

LOMA YAABA 2:20

A go nua a yuli ke a tie tundika bi yanpiidanba leni bangika a biwaala po. A nua ke a pia li bali maama nni, yaala n wangi mi bandima leni i moamoani kuli.

LOMA YAABA 6:17

Tin yaa tuondi U Tienu, kelima ba ke yi den kpa tie ti tuonbiadi yonbi, yi den tuo ki ŋoadi ban den bangi yi yaa bangima leni payenli.

Filipi 1:27

Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Filipi 4:9

Yin go yaa tiendi min den bangi ki tundi yi yaala, yin den gbadi ke n yedi yaala ki go laa ke n tiendi yaala. Lanwani, mi yanduanma Tienu baa yaa ye leni yi.

Kolosi 1:4

kelima tin gbadi ke yi pia yaa dandanli Jesu Kilisiti po leni yaa buama bi nigagidiŋanba kuli po.

1 Tesaloniki 5:21

Yin yaa biigidi li bonla kuli, ki yaa kubi yaala n ŋani.

1 Timote 1:10

mi conconma danba, yaa jaba n taagi leni biyaba, yaaba n kuadi bi niba, bi tuofaadanba, yaaba n tiendi mi siedifaama leni yaala n nia leni mi bangiŋanma po kuli.

1 Timote 1:14

Ti Diedo den ŋanbi n po hali ke li kandi, ki puni nni yaa dandanli leni yaa buama n ñani Jesu Kilisiti kani.

1 Timote 6:3

Niloba yaa bangi bangitoama, kaa ŋua ti Diedo Jesu Kilisiti mamoanma, yaama tuugi leni U Tienu tuoma,

2 Timote 1:1

Mini Poli, yua n tie Jesu Kilisiti tondo kelima U Tienu yanbuama po. U Tienu den soani nni, min yaa wangi wan den niani yaa miali Jesu Kilisiti nni yaa maama.

2 Timote 1:14

Ŋan yaa kubi U Tienu n den piani a yaa pianmoanli, kelima U Tienu Fuoma Yua yua n ye ti niinni yaa paalu po.

2 Timote 2:2

Ŋan den gbadi n kani yaala siedinba boncianla nintuali, amo n piani la bi nidugikaaba, yaaba mo n baa fidi ki yaa bangi nitoaba.

2 Timote 3:14

Ama fini wani, ŋan yaa se ke li pa ŋan den bandi yaala, ki go daani la nni. A bani ŋan den bandi la yua yaa kani.

2 Timote 4:3

U yogunu baa ti cua ke bi niba kan go tuo ki yaa ŋua mi bangiŋanma. Ama bi baa yaa bua yaala n mani bi po bebe, ki lingi bi bangikaaba ki pugidi, yaaba n baa bangi ba ban bua ki yaa gba yaala.

Titi 1:9

Wan yaa kubi i moamoani maama, yaama n tie mi madugikaama nani ban den bangi o maama. Lani n tie wan fidi ki bangi mi bangiŋanma, ki yaa paagidi bi niba pala. O go baa fidi ki maadi ki guli yaaba n bua ki nia ma kuli.

Titi 2:1

Ama fini wani, ŋan yaa bangi yaala n ŋua mi bangiŋanma.

Titi 2:8

Ŋan maadi yaa maama kuli n yaa ŋani, bi niba n kan fidi ki jaligi yaama. Lani n tie yibali n fiagi, ki da baa kuli, wan baa fidi ki maadi ti po yaa mabiadima.

Hebilunba 10:23

Tin yaa se ke li pa, ki tiendi siedi tin pia yaa suginma po ki da cedi, kelima yua n niani ti u ñoanianu yeni, tie dugika.

Hebilunba 3:6

Ama Kilisiti, wani n tie nidugika kelima o tie Bijua ki die U Tienu diegu. Tinba n tie o diegu li yaa tie ke ti kubi leni li papaali hali mi juodima tin kpiagidi ti yula yaa suginma yaa po.

Hebilunba 4:14

Lani yaa po, ti pia bi kopadicianba bado, yua n den kua tanpoli po, lani n tie Jesu U Tienu Bijua. Lani yaa po, tin yaa se bonŋanla tin tiendi siedi yaa dandanli po nni.

Jude 1:3

N buakaaba, n den bua hali boncianla ki diani yi po yaala n tie tikuli n taani ki pia yaa tindima po. Ama n den sua ke li tie n po tiladi min diani ki tundi yi, ke yin koani li dandanli koanli, U Tienu n den teni o nigagidiŋanba yaali, yenma u yogunu kuli po.

Mi Doagidima 2:25

yin yaa kubi yin pia yaala kankani hali min cua.

Mi Doagidima 3:11

N baa cua, li kan waagi. Ŋan yaa kubi ŋan pia yaala kankani ke oba kuli n da fie a badifogiliga.

Mi Doagidima 3:3

Ŋan tiadi ŋan den baa ki go gbadi yaa bangima, ki kubi ma, ki lebidi a yama. A yàá guu bonŋanla, n baa cua a kani nani o suudo yeni, a kan bandi min baa cua ki ludi a yaa yogunu.