2 Timote 1:12 - U TIENU MAAMA TILI 2013

¹² Li tie lani yaa po ke n laadi yaa fala n tie ne moala, ama mii jie i fe li po ba waamu, kelima n bani min daani yua, ki go bani ke o pia u paalu ki baa fidi ki kubi n pianli, hali li daali n pundi.

Gourmanchéma Bible

¹² Li tie lani yaa po ke n laadi yaa fala n tie na moala, ama mii jie i fe lipo baa waamu kelima n bani min daani yua, ki go bani ke o pia u paalu ki baa fidi ki kubi n pianli hali li daali n pundi.

2 Timote 1:12 ပူးပေါင်းရင်းမြစ်များ

Pisomi 25:2

N Tienu n dugi a yaa po yo. Da teni min le i fe! N yibalinba n da mangi bi pala n po!

Pisomi 31:5

A baa faabi nni leni ban dia nni yaa diagu, Kelima fini n guu nni.

Pisomi 56:9

A coadi n lianliantaabuona, Ki kuodi n nunsiidi mo a dayuagu nni. Naani n nunsiidi yeni kuli ki ye a tili nni?

Pisomi 9:10

O Diedo n tua kaanpaalu Ban mabindi yua po, Ki tua kaanpaalu li paboanli daali.

Esayi 12:2

N faabima Tienu, N baa dugi a po, n kaa jie, Kelima Li Miali Diedo n tie n fidu leni n yanbu. Wani n tua n faabima.»

Esayi 50:7

Ama o Diedo U Tienu todi nni. Li tie lani yaa po yo ke baa den faligi nni. Li go tie lani yaa po yo ke n den juagi N nunga nani ku tangu yeni, Ki bani ke n kan fiagi.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a. A baa sundi a jafandi yogunu. A kan go tia a kpepuodi yogunu fe,

Nahumi 1:7

O Diedo tie yua n ŋani, Ki go tie wuonkaanu li pabiidili daali. O kubi yaaba n cua ki wuoni o kani bonŋanla,

Matie 12:21

I nibuoli kuli baa bili bi dugidi o kani.»

Matie 24:36

Oba kuli ki bani laa bonla n baa ti cua yaa daali leni yaa yogunu, ba tanpoli malekinba ki bani, ba Bijua, se Baa bebe.

Matie 7:22

Li bujiali daali, bi niba boncianla baa yedi nni: ‹O Diedo, o Diedo, tii den wangi U Tienu maama a yeli po ka? Tii den deli mu cicibiadimu a yeli po ka? Tii go den tiendi mi bancianma boncianla a yeli nni ka?›

Luki 10:12

Jesu den pugini ki yedi o ŋoadikaaba: «N yedi yi ke ti buudi daali, Sodomi yaa buudi kaa bia ki pundi laa dogu yaaba buudi.

Luki 23:46

Jesu den kpaani ki yedi: «N Baa, n guani n miali a nuu nni.» Wan den yedi yeni, o den fuo ki jiidi.

Jan n diani U Tienu Laabaaliŋamo maama 17:15

Mii mia ke ŋan ñani ba ŋanduna nni ka. Ama ke ŋan yaa kubi ba, o Biado n da paadi ba.

Jan n diani U Tienu Laabaaliŋamo maama 6:44

Oba kuli kan fidi ki cua n kani, li yàá tie Baa yua n soani nni n dadi yua yaa yama yaa ka. Yua n cua n kani, n baa fiini o bi tinkpiba siiga, li juodidaali.

Jesu Tondiba Tuona 13:46

Poli leni Barnabasi den paagi bi pala ki yedi ba: «Li den tie tiladi ke U Tienu maama n kpa pundi yinba yaa kani, ama kelima yi yie yii gaa ma, yi nua yi yula ke yii pundi ki baa yaa miali n kan gbeni. Lani yaa po, ti baa lebidi ki gedi bi nilanba po.

Jesu Tondiba Tuona 13:50

Ama Jufinba den moandi ki fiini yaa puoba n tie nilanba ki pia ti kpiagidi pala, bani yaaba n lebidi ki ŋoadi U Tienu nani Jufinba yeni leni u dogu nikpiaga kuli pala. Bi den fiini bi niba ke bi faligi Poli leni Barnabasi, ki deli ki ñani ba bi diema nni.

Jesu Tondiba Tuona 21:13

O den guani ki yedi: «Be yaa po ke yi buudi, ki bua ki biidi n pali? N baa tuo ban loli nni Jerusalemi, ba ki kpa nni moko, o Diedo Jesu yeli nni.»

Jesu Tondiba Tuona 7:59

Ban den lugidi Etienni a tana yaa yogunu, o den jaandi ki yedi: «N Diedo Jesu, ŋan gaa n naano.»

Jesu Tondiba Tuona 9:16

N baa waani o wan baa le yaa fala kuli kelima n yeli po.»

LOMA YAABA 1:16

Mii jie i fe o Laabaaliŋamo wangima po. Li tie U Tienu paalu yaaba n daani kuli yaa tindima po, ki cili Jufinba, ki ŋoadi bi nilanba.

LOMA YAABA 9:33

nani lan diani maama: «Diidi ki le, n bili Siyon juali kani Yaa tanli n baa teni bi niba n tuudi, Yaa tancianli n baa teni bi niba n baa yeni, Ama yua n dugi o po kuli, O kan le i fe abada.»

1 Korenti 1:8

Wani U Tienu n baa teni yin yaa se ki pa hali mi juodima yogunu, ke ban da fidi ki kuli yi leni liba kuli, ti Diedo Jesu Kilisiti cuama daali.

1 Korenti 3:13

kelima ti buudi daali baa waani la. U mu baa doagidi yuakuli n soani yaala. U baa biigi yuakuli tuonli ki waani lani n tie yaala.

Filipi 1:20

Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Filipi 3:10

Min bua yaala tie min bandi wani Kilisiti leni o fiima bi tinkpiba siiga paalu. Min go bua yaala tie, ki taani leni o o fala nni, ki yaa naani leni o o kuuma nni.

Filipi 3:21

O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.

Filipi 3:8

N go nua li bonla kuli, ke li tie nani li bonbodikaala yeni. Yaala n tie n po li bonmoanla tie: Ki bandi Jesu Kilisiti n Diedo. Wani yaa po yo, ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

1 Tesaloniki 2:16

Bi yiedi ti po ke tin da waani bi nilanba U Tienu Laabaaliŋamo ke wan faabi ba. Bi tieni yeni ke bi tuonbiadi n pundi ti bianu. Moala, U Tienu pabienli juodi ki cuo ba.

1 Tesaloniki 5:4

Ama yinba ti kpiiba, yii ye li biigili nni, ke landaali baa ludi yi nani o suudo yeni.

1 Timote 6:20

Fini Timote, ŋan yaa guu U Tienu pianli, ki foagidi leni yaaba ki ŋua U Tienu, n pia yaa mafanma. Ŋan foagidi leni yaa niama n ñani bi niba banma, yaama n tie faama yeni kani.

2 Timote 1:14

Ŋan yaa kubi U Tienu n den piani a yaa pianmoanli, kelima U Tienu Fuoma Yua yua n ye ti niinni yaa paalu po.

2 Timote 1:16

O Diedo n yaa gba Onesifori leni o deni yaaba po mi ninñima, kelima o yen duandi n yama, ki mangidi n pali. Waa jie i fe n kpaadi po.

2 Timote 1:18

O Diedo n gbadi o po mi ninñima o guacuama daali. A bani ki cie nilo kuli wan den todi nni yaa todima kuli, min den ye Efesi dogu nni ya yogunu.

2 Timote 1:8

Lanwani, ŋan da jie i fe ŋan tiendi yaa siedi ti Diedo po leni mini o kpaadili po moko. Ŋan taani leni nni o Laabaaliŋamo fala nni, kelima U Tienu paalu po.

2 Timote 2:9

Laa Laabaaliŋamo yaa po yo, ke n laadi fala hali ke bi kpaa nni ti kpaadi, nani n tie o nibiado yeni. Ama baa kpaa U Tienu maama wani.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Titi 3:8

Laa maama tie mi madugikaama. N bua ŋan bangi ki go ñii li po bonŋanla, ke yaaba n daani U Tienu n yaa tiendi ania a tuonŋama tienma po. Lani n ŋani, ki go pia mi fuoma bi niba kuli po.

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Hebilunba 2:18

O baa fidi ki todi ban tulini yaaba, kelima wani o ba den laa fala ban tulini o yaa yogunu.

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu, kelima o yaa todima po yaa yogunu kuli. O ye ki fo yogunu kuli, ki miadi U Tienu bi po.

1 Pieri 1:5

O bili la yinba yaa po, wani U Tienu paalu n kubi yaaba kelima li dandanli po, yaa tindima n baa yuandi ki doagidi mi juodima yogunu.

1 Pieri 4:16

Ama o yaa laa fala kelima o tie Kilisiti yua, wan da jie i fe li po, wan kpiagi U Tienu leni ban yini o laa yeli yeni.

1 Pieri 4:19

Lanwani, li pundi ke yaaba n laadi fala kelima U Tienu yanbuama po n suagi ki yaa tiendi yaala n ŋani, ki teni bi yula wani o Tagido yua n tie o dugika.

Jude 1:24

U Tienu yua n baa fidi ki kubi yi, ke yin da tuudi ki baa, ki go sieni yi o kpiagidi kani li pamancianli nni, ke yi naa pia ban baa fidi ki kuli yi leni yaala, n baa ti pagidi.