2 Timote 1:10 - U TIENU MAAMA TILI 2013

¹⁰ Ti Candaano Jesu Kilisiti cuama ŋanduna nni doagidi ti po laa ŋanbili moala. Wani Jesu den paadi mi kuuma paalu, ki doagidi ti po li miali, yaali n baa ye, hali yaa yogunu kuli, kelima o Laabaaliŋamo wangima po.

Gourmanchéma Bible

¹⁰ Ti Candaano Jesu Kilisiti cuama ŋanduna nni doagidi tipo laa ŋanbili moala. Wani Jesu den paadi mi kuuma paalu ki doagidi tipo li miali, yaali n baa ye hali yaa yogunu kuli, kelima o Laabaaliŋamo wangima yaa po.

2 Timote 1:10 ပူးပေါင်းရင်းမြစ်များ

Esayi 43:3

N tie Li Miali Diedo yi Tienu, Isidayeli Tienu yua n Gagidi ki ŋani, Yi Candaano. N daa yi Ejipiti kani ki faabi yi. Etiopi leni Seba mo n lebidi ki gaa yi kaanu.

Esayi 45:15

Moamoani, a tie yaa Tienu n wuondi u yuli, Fini Isidayeli Tienu o Candaano!›

Esayi 45:21

Cua mani ki doagidi yi moamoani. Bani mo n tundi biyaba. Ŋme n den puni li laabaalo hali mi cilima? Ŋme mo n den waani laa bonla hali yogu? Naani laa tie mini Li Miali Diedo ka? Mini yaa ka, tientoa ki ye. N tie yaa Tienu n tiegi ki go faabidi, Min yaa ka, tientoa ki ye.

Ose Tili 13:14

Mini o Diedo, n baa faabi Laa niba bi tinkpiba yekaanu nni? Naani n baa faabidi laa niba mi kuuma nuu nni? Fini mi kuuma, a jatiadi ye le? Fini mi kuuma, waani a paalu yuu n bolindi yeni. N kan gbadi laa niba po ninñimiba kuli.

Luki 11:36

A gbanandi kuli yaa yieni bonŋanla, ke li biigili ki ye kaanuba kuli, tikuli baa yaa yieni nani ki fidisanga n yen yendi a po maama.»

Luki 13:7

Lanwani, o den yedi o koaguudo: ‹Diidi ki le, binataa ke n kpendi ki lingi bu kankanbu na po a kankana, mii laadi puu. Pedi bu. Be yaa po ke bu miabi u kaanu fanma fanma?›

Luki 2:11

Dinla, Davidi dogu nni, bi mali yi po o Candaano, yua n tie Kilisiti, o Diedo.

Jan n diani U Tienu Laabaaliŋamo maama 1:9

Mi den tie mi yenmoanma, yaama n cua ŋanduna nni, ki yendi nisaalo kuli po.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 20:31

Ama yaama n tie ne diani ke yin daani ke Jesu tie U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 4:42

Bi den yedi o pua yeni: «Moala, laa ji tie ŋan bi waani ti yaa maama bebe ka teni ke ti tuo ki daani o, tinba ti ba gbadi o maama, ki bandi ke moamoani wani n tie ŋanduna Candaano.»

Jan n diani U Tienu Laabaaliŋamo maama 5:40

Ba yeni, yii bua ki cua n kani ki baa li miali.

Jesu Tondiba Tuona 13:23

U Tienu den tieni wan den niani yaa ñoanianu, ki teni ke bi mali Jesu ke o tie Davidi puoliŋuanu, ki tie Candaano Isidayeli buolu po.

Jesu Tondiba Tuona 5:31

U Tienu kpiagi o ki teni ke o ye o jienu kani ki tie Yudaano leni Candaano, kelima o bua Isidayeli yaaba n lebidi bi pala, wan pa ba sugili bi tuonbiadi po.

LOMA YAABA 16:26

U Tienu yua n ye yogunu kuli ñani o ñoamabonli, ki yedi ke o bondoaginkaala n doagidi i nibuoli kuli po, kelima o saawalipuaba n diani yaa tila po. U Tienu tieni yeni ki bua ke i nibuoli kuli n tuo li dandanli.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi, ti jigidi leni yaa miali n ki pia kuuma, U Tienu baa pa ba yaa miali n kan gbeni.

LOMA YAABA 3:31

Naani tin wangi li dandanli maama yeni, li bua ki yedi ke ti teni ke U Tienu bali maama ki go pia mayuli bi? Kalam! Ti doagidi li bali maama n pia yaa mayuli moamoani.

LOMA YAABA 6:6

Ti bani ke bi den joani ti tagikpelu leni Kilisiti li dapoanpoanli po ke u kpe. Ti gbanankpiadi, ti tuonbiadi n die yaadi, kan go fidi liba. Lani n tie tin da go ye ti tuonbiadi yonbidi nni.

1 Korenti 15:26

Wan baa juodi ki bolini yaa yibali tie mi kuuma.

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

2 Korenti 5:4

Ama, tin da ye li naa gbandieli nni, ti duni ki laadi fala ki go coagini. Laa tie ke ti bua ki landi ti naa gbanandi ka, ama ti bua ki la ti gbananpandi, ke li miali n nali yaala n baa kpe.

Galati 5:4

Yinba yaaba n lingi li moamoansaali li bali maama nni, yi paadi leni Kilisiti, ki luo U Tienu ŋanbili.

Efesa 1:18

N go miadi o ke wan yendi yi yantiana nuni, ke yin fidi ki bandi yaa suginma n tuugi leni o yiinu leni wan bili o nigagidiŋanba po yaa ŋalimano, ke o pia ti kpiagidi.

Efesa 1:9

O den doagidi ti po o yanbuama bondoaginkaala, wan den tuodi ki bili yaa yanjagiŋanli Kilisiti nni.

2 Tesaloniki 2:8

Lanyogunu, mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

2 Timote 1:1

Mini Poli, yua n tie Jesu Kilisiti tondo kelima U Tienu yanbuama po. U Tienu den soani nni, min yaa wangi wan den niani yaa miali Jesu Kilisiti nni yaa maama.

2 Timote 1:8

Lanwani, ŋan da jie i fe ŋan tiendi yaa siedi ti Diedo po leni mini o kpaadili po moko. Ŋan taani leni nni o Laabaaliŋamo fala nni, kelima U Tienu paalu po.

2 Timote 4:1

N teni a yaa ñoamabonli n tie ne U Tienu nintuali leni Jesu Kilisiti yua n baa jia ti buudi leni yaaba n fo leni yaaba n kpe kuli nintuali, ki puogi a kelima o cuama leni o diema kuli po,

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Titi 2:11

U Tienu ŋanbili yaala n cuani mi tindima bi niba kuli po doagidi.

Titi 2:13

ki go guu tin sugini yaala ke li pia li pamancianli yeni. Lani n tie ti Tienu, yua n tie Tienciamu leni ti Candaano Jesu Kilisiti kpiagidi doagidima.

Titi 3:4

Ama U Tienu ti Candaano ŋanbili leni o buama bi niba po n den doagidi yaa yogunu,

Hebilunba 10:32

Yin yaa tiani mani lan den tie yi po maama yaa dana n pendi, U Tienu n den kpa yendi yi yama yaa yogunu. Ba ke bi den waani yi fala boncianla, yi den juuni ki moa li muacianli, ki se ke li pa lienni.

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.

2 Pieri 1:11

Yeni, yi baa baa ki kua U Tienu n luodi ki yaani yi po ti Diedo leni ti Candaano Jesu Kilisiti diema, yaama n kan pendi abada yaa niinni.

2 Pieri 1:3

U Tienu paalu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti, o kpiagidi leni o ŋanbili po.

2 Pieri 2:20

Li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa yaa bia ki cie bi cilima.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa ŋanbili nni leni o yaa bandima nni, ki pugidi. Wani n yaa baadi ti kpiagidi moala leni yaa yogunu kuli. Amina!

2 Pieri 3:2

Yin yaa tiadi bi saawalipuaba yaaba n gagidi ki ŋani n den soagindi yaa maama hali yogu po, ki go yaa tiadi o Diedo ti Candaano bali maama, yi tondiba n den wangi yaama.

1 Jan 1:2

Li miali yeni den doagidi ke ti laa li. Ti tiendi li po siedi, Ki wangi yi yaa miali n kan gbeni, Yaali n den ye Baa kani, Wan den doagidi ti po yaali yeni.

1 Jan 4:14

Tinba n den laa ki tiendi siedi ke Baa soani o Bijua, ke o tie ŋanduna Candaano.

Mi Doagidima 18:1

Li yaa puoli, n den laa malekitoa ke o ñani tanpoli po ki ji. O den pia li bali boncianla, o kpiagidi mo den yendi ki tinga.

Mi Doagidima 2:7

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o wan yaa di li miali tibu, yaabu n ye ŋalijani nni, bonluonkaala.› »

Mi Doagidima 20:14

Bi den luni mi kuuma leni bi tinkpiba diema u fantankpenu nni. U fantankpenu yeni n tie mi kuliedima.

Mi Doagidima 22:14

Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani.

Mi Doagidima 22:17

Mi Fuoma leni o Puocaano kuli yedi: «Cua na!» Yua n gba kuli moko n yedi: «Cua na!» U ñuñuunu n pia yua kuli, n cua. Yua n bua kuli n cua, ki yaa ñu li miali ñima, ke panpaani ki ye.