2 Samueli 8:12 - U TIENU MAAMA TILI 2013

¹² I nilanbuoli yeni tie Siiri yaaba, Moabi yaaba, Anmoni bijaba, Filisiti yaaba leni Amaleki yaaba. Wan den fagi Tisoba bado Rehobi bijua Hadadeseri kani yaa fagidi moko, o den puni ti U Tienu.

Gourmanchéma Bible

¹² I nilanbuoli yeni tie Sili yaaba, Moabi yaaba, Amoni bijaba, Filisiti yaaba leni Amaleki yaaba. Wan den fagi Tisoba bado Lehobi bijua Hadadeseli kani yaa fagidi moko, o den puni U Tienu yene.

2 Samueli 8:12 ပူးပေါင်းရင်းမြစ်များ

2 Samueli 10:11

O den yedi o naataanu: «Siiri yaaba yaa pa ki cie nni, ŋan cua ki todi nni. Anmoni buolu mo yaa pa ki cie ŋa, n baa cua ki todi a.

2 Samueli 10:14

Anmoni buolu n den laa ke Siiri yaaba lebidi ki sani, bani moko den lebidi ki sani Abisayi nintuali, ki kua u dogu nni, Joabi den lebidi ki cedi Anmoni buolu ki guani ki kuni Jerusalemi.

2 Samueli 8:2

O go den paadi Moabi yaaba moko. O den teni ke bi duani tiipo, ke o kpa nibitaa siiga kuli nibilie. Nibitaa siiga kuli o den ŋaa niyendo leni li miali. Davidi den diedi ba ki teni ke bi pa o li lubili.

1 Bi Badiba Jama 18:11

O bado Davidi den gagidi ti o Diedo po leni wan den fagi Edomi yaaba, Moabi yaaba, Anmoni yaaba, Filisiti yaaba leni Amaleki yaaba kani yaa ŋanjilifa leni yaa wula.

1 Samueli 15:8

O den cuo Amaleki yaaba bado Agagi ke o fo, ki bolini Amaleki niba kuli cain leni mu jugisiemu.

1 Samueli 27:8

Davidi leni o toatieba den caa Gesuri, Gisiti leni Amaleki yaaba po, ki baali ba bu toabu. Hali yogu laa niba den ye laa fuuli ki goa Suli dogu po, ki yaa caa hali Ejipiti diema bianu.

1 Samueli 30:17

Davidi den pua ki kpaani ba, ki cili ku tiŋaapanpangu ki yaa caa hali saala yaa yenjuagu. Oba kuli ki den ciadi, li yàá tie yaa jawaaba kobinaa bebe n den jagini ti yuoyuodi ki sani yaa ka.

1 Samueli 30:20

Davidi go den gaa ti yanbidi leni a yangbenga kuli. Yaaba n den pigi li yangoli yeni den tua: «Davidi fagidi nne!»