2 Samueli 4:8 - U TIENU MAAMA TILI 2013

⁸ Bi den gedini Isi-Boseti yuli Hebiron dogu, Davidi kani ki yedi o: «Sayuli bijua Isi-Boseti, a yibali nne, wani yua n den bua ki ñani a miali. Dinla o Diedo tuu fini n daano o bado po li panli Sayuli leni o puoliŋuani kani.»

Gourmanchéma Bible

⁸ Bi den gedini Isi-Boseti yuli Ebiloni dogu, Dafidi kani ki yedi o: «Sayula bijua Isi-Boseti, a yibali nne, wani yua den bua ki ñani a miali. Dinla Li Miali Diedo tuu fini n daano o bado po li panli Sayula leni o puoliŋuani kani.»

2 Samueli 4:8 ပူးပေါင်းရင်းမြစ်များ

2 Samueli 18:19

Sadoki bijua Ahimaatisi den yedi: «Cedi min sani ki ban waani o bado o laabaalimano ke o Diedo pani o po o teginma panpaani ki faabi o o yibalinba nuu nni.»

2 Samueli 18:31

Lanyogunu Etiopi yua yeni den nagini ki pundi. O den yedi: «Fini o bado, n daano, cengi o laabaalimano. Dinla o Diedo pani a po a teginma panpaani ki faabi a yaaba n den fiini mi janjanma ki tuogi leni a kuli yaa nuu nni.»

2 Samueli 2:8

Neri bijua Abineri, yua n den tie Sayuli toatieba yudaano, den taa Sayuli bijua Isi-Boseti ki gedini o Mahanayimi dogu nni.

2 Samueli 22:48

Wani U Tienu yua n tuugi n po li panli, Ki tendi ke n diedi i nilanbuoli.

Pisomi 71:24

Daali kuli n lanbu baa maadi A teginma maama, Kelima yaaba n lingi n fala kuli, I fe cuo ba ke bi fiagi.

Matie 2:20

ki yedi o: «Fii ki taa ki biga leni o naa ki guani Isidayeli diema po, kelima yaaba n den bua ki kpa ki biga yeni kpe.»

Mi Doagidima 18:20

Tanpoli, mangi a pali u bodima po. Yinba bi nigagidiŋanba, Bi tondiba leni bi saawalipuaba kuli Mo n mangi yi pala, Kelima U Tienu tuu yi po li panli ki jia u buudi.»

Mi Doagidima 6:10

Bi den kpaani ki tua: «Canbaa yua n gagidi ki ŋani ki tie moamoandaano, hali u laa yogunu ke a go baa waagi, ki daa jia ti buudi leni ki tinga niba, ki guani ba bi panpaani ti soama po?»

1 Samueli 18:11

O den yugidi o kpaanli ki tua o pali nni: «N baa muu ki tabini o li goanli.» Ama taalimilie kuli Davidi den lia ke waa baa o.

1 Samueli 19:1

Sayuli den maadi leni o bijua Jonatan leni o koanbala kuli ke o bua ki kpa Davidi. Ama Sayuli bijua Jonatan pali den mani Davidi po hali boncianla.

1 Samueli 19:15

Lanwani, Sayuli go den soani o naacenba ban ban le Davidi. O den yedi ba: «Yin tugi o mani leni u duanu ki cuani o n kani min kpa o.»

1 Samueli 20:1

Davidi den fii Nayoti ki kuu leni Rama, ki sani ki guani ki cua Jonatan kani, ki yedi o: «N tieni be? N tagili tie ile? N tudi a baa po be ke o lingi ki bua ki kpa nni?»

1 Samueli 23:15

Davidi n den laa ke Sayuli kpendi ki bua ki kpa o, o den sedi Sifi fanpienma nni, Orsa kani.

1 Samueli 24:4

O den pundi yaa yandiena n kuu u sanu kani. Likani den pia ku tanlongu, ke o jadi ki ñanmuaga. Li den sua ke Davidi leni o niba wuo laa tanlongu nni.

1 Samueli 25:29

O nilo yaa fii ki baa deli a ki bua ki ñani a miali, o Diedo a Tienu baa gaa ŋa ki kubi a miali wani o ba kani. Ama o baa taa a yibalinba miana ki lugidi a foagima, nani ban lugidi ku tanbuncaangu maama.