2 Samueli 24:25 - U TIENU MAAMA TILI 2013

²⁵ Davidi den maa li padibinbinli lankani o Diedo po, ki padi o po a padijuukaana leni mi taanyenma pada. Lanwani, U Tienu pali den jiidi mi diema po, ke u yianbiadipuodiko sedi ki ñani Isidayeli yaaba siiga.

Gourmanchéma Bible

²⁵ Dafidi den maa li padibinbinli lankani Li Miali Diedo po ki padi opo a padijuukaana leni mi taanyenma pada. Lanwani U Tienu pali den jiidi mi diema po ke u yianbiadipuodiko sedi ki ñani Isalele yaaba siiga.

2 Samueli 24:25 ပူးပေါင်းရင်းမြစ်များ

Mi cilima 12:7

O Diedo den doagidi Abalama kani ki yedi o: «N baa pa a puoliŋuani mi naa diema.» Lane Abalama den maa li padibinbinli o Diedo po, wani yua n den doagidi o po yeni.

Mi cilima 22:9

Ban den pundi U Tienu n den waani Abalahama yaa kaanu, o den maa li padibinbinli ki maani ti daadi li padibinbinli po. O den loli o bijua Isaaka ki maani o yaa daadi n den maa li padibinbinli po.

Mi cilima 8:20

Nowe den maa li padibinbinli o Diedo po. O den gandi ti yandi leni i nuani siiga yaaba n ŋani ki padi a padijuukaana li padibinbinli po.

2 Samueli 21:14

Bi den piini Sayuli leni o bijua Jonatan kpaba Sayuli baa Kisi kuli nni, Sela dogu nni yuu n ye Benjamen tinga nni. Bi niba den tieni o bado Davidi n yedi ba yaala kuli. Lanwani, U Tienu pali den guani ki jiidi mi diema po.

2 Samueli 24:14

Davidi den guani ki yedi Gadi: «N ye paboancianli nni. N yaa baa o Diedo yaa nuu nni, li cie kelima o ninñingbadima yabi. Ama min da baa bi nisaaliba yaa nuu nni wani.»

1 Bi Badiba 1:1

O bado Davidi den kpeligi ki podi hali boncianla. Bi den pingi o ti tiadi, ama baa yeni laa den gaani o po ti wadi.

Esekieli 16:42

N baa teni n pabienli n tuoni li bianu. Li yaa puoli, n kan go yaa pia a po ponli. N baa jiini n yama, ki kan go fiini n pali a po.

Mi Coadima 17:13

O den poani ki sedi, a tinkpila leni yaaba n fo siiga, ke u yianbolinko yeni den sedi.

Bi Bujiaba 21:4

Lan den fii ki faa, bi niba den yagidi ki fii ki maa likani li padibinbinli, ki padi a padijuukaana leni i tuondi pada.

Bi Bujiaba 6:24

Gedeon den maa li padibinbinli likani o Diedo po, ki yini li yaa yeli n tie ne: “o Diedo tie mi yanduanma.” Hali dinla li baa ki ye Abieseri yaaba dogu Ofiri nni.

1 Samueli 13:9

Lanwani Sayuli den yedi: «Taa mani li padijuukaali leni i tuondi pada yandi ki cuani mani ne.» Bi den cuani ke o padi li padijuukaali.

1 Samueli 14:35

Sayuli den maa li padibinbinli o Diedo po. Lini n tie wan den kpa maa yaali o Diedo po.

1 Samueli 7:17

Li yaa puoli, o yen guani Rama, o diegu n den ye naani. Lankani moko o den gobidi Isidayeli yaaba. O den maa likani li padibinbinli o Diedo po.

1 Samueli 7:9

Samueli den taa yaa pebiga n da ŋaani, ki padi ga ki juu ka bonmunga li padijuukaali o Diedo po. O den kpaani ki mia o Diedo Isidayeli yaaba po, ke wani o Diedo gaa o miabu.