2 Samueli 24:14 - U TIENU MAAMA TILI 2013

¹⁴ Davidi den guani ki yedi Gadi: «N ye paboancianli nni. N yaa baa o Diedo yaa nuu nni, li cie kelima o ninñingbadima yabi. Ama min da baa bi nisaaliba yaa nuu nni wani.»

Gourmanchéma Bible

¹⁴ Dafidi den goa ki yedi Gada: «N ye paboancianli nni. N yaa baa Li Miali Diedo yaa nuu nni li cie kelima o niñingbadima yaba. Ama min da baa bi nisaaliba yaa nuu nni wani.»

2 Samueli 24:14 ပူးပေါင်းရင်းမြစ်များ

2 Samueli 9:8

Mefiboseti den pugi o ki yedi: «Mini a naacemo tie be ke a nuali ki laa n po, mini yua n tie nani o sangbankpiemo yeni?»

2 Bi Badiba 6:15

U Tienu nilo Elise naacemo den yagidi ki ñani niinpo, ki diidi ki laa ke li toagoli, bi tandanba leni ti toateliti kuli lindi ki cebini u dogu. O naacemo yeni den yedi U Tienu nilo: «Ŋain, n daano, ti baa tieni lede?»

1 Bi Badiba Jama 21:13

Davidi den guani ki yedi Gadi: «N ye li paboancianli nni. N yaa baa o Diedo yaa nuu nni li cie, kelima o ninñingbadima yabi. Ama min da baa bi nisaaliba yaa nuu nni wani.»

Pisomi 119:156

O Diedo, a ninñingbadima yabi, Teni min yaa ye kelima a ñoamabona po!

Pisomi 130:4

Ama sugili ye fini yaa kane. Lani n teni ke li pundi ban fangi a.

Pisomi 130:7

Yinba Isidayeli yaaba, Yaa dugi mani o Diedo po, Kelima li ŋanbili ye o kani, Mi faabima moko ye o yaa kane.

Pisomi 145:9

O Diedo ŋani bi niba kuli po, O ninñingbadima mo ye o tuona kuli po.

Pisomi 51:1

Bi yanyinba yudaano yani siiga yanbu. Davidi yanbu.

Pisomi 86:15

Ama fini, o Diedo, a tie Yaa Tienu n gba mi ninñima, Ki go pia ti bulicindi. A pali ki be tontoni, ki pia li ŋanbili, Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li ŋanbili yaaba n jaandi a kuli po.

Mi Kpanjama 12:10

O niteginka kubi o yandi bonŋanla. Ama bi nibiadiba wani gbie leni mi biadime.

Esayi 47:6

N pali den beni n niba po, Ke n teni ke bi laa i fe, Ki den taa ba ki tieni yi nuu nni. Ama yii den gbadi bi po ninñimiba kuli. Yi den tuni ba o jakpelo yaala n kpiagi.

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Jeremi 39:17

Ama landaali n baa faabi a. O Diedo n yedi ke bi kan taa ŋa ki teni a ŋan jie yaaba.

Jeremi Bubula 3:22

N bani ke o Diedo ŋanma ki gbeni cain, Ke o ninñingbadima mo ki tuoni mi bianu.

Danieli 9:9

Ama fini ti Diedo ti Tienu, a gba ti po mi ninñima, ki tiendi ti po sugili, ba ke ti yie a bali maama.

Jonasi 4:2

ke o mia o Diedo, ki yedi: «O Diedo, hali min den ye n diema nni, min den li jie yaala ka ne. N den bani ke a tie yaa Tienu n juogidi, ki gba mi ninñima, ke a pali ki be tontoni, ki go tiendi mi ŋanma. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo, ke n den tiini ki caa Tarsisi.

Mise 7:18

Ŋme n naani leni fini U Tienu, Fini yua n duundi ki ñandi ti tuonbiadi, Ki puuni sugili a niba yiema po. Ŋaa kubi a pabienli yogunu kuli a niba yaaba n sieni po, Kelima mi ninñingbadima mani a po.

Mise 7:19

A go baa gbadi ti po mi ninñima, Ki ŋmaa ti tuonbiadi a taana tiipo, Ki lu ti tin tingi mi ñincianma nni.

Sakari 1:15

Ama n pali be yaa nilanbuoli n jigini bi yula po boncianla, kelima n pali n da den be Isidayeli yaaba po waamu waamu yaa yogunu, i nilanbuoli yeni den taani ki cuani bi tingbali.

Jan n diani U Tienu Laabaaliŋamo maama 12:27

Moala n yama yagi. Naani n baa yedi: ‹N Baa, faabi nni leni u naa yogunu fala? Ama li nan tie laa fala po ke n cua ki ye hali moala.

Filipi 1:23

Laa bonliedila miabi nni. N bua ki ña ki gedi ki ban yaa ye leni Kilisiti, lani n cie n po hali boncianla.

1 Samueli 13:6

Isidayeli yaaba n den laa ke Filisiti yaaba mabini ba ke folu ki ye, bi den wuoni ti joaloandi nni, ti tuudi nni, ti tanlondi nni, ti faliti nni leni ti luakuondi nni.