2 Samueli 23:22 - U TIENU MAAMA TILI 2013

²² Lani n tie Yeoyada bijua Benaya n den koani yaa jama. Jakoanda piitaa goli yeni niinni, o yeli den ñani.

Gourmanchéma Bible

²² Lani n tie Yeoyada bijua Benaya n den koani yaa jama. Jakoanda piitaa goli yeni niinni o yeli den ñani.

2 Samueli 23:22 ပူးပေါင်းရင်းမြစ်များ

2 Samueli 20:7

Lane Abisayi den fii ki gedi, wani leni Joabi toatieba, Keleti diema yaaba, Peleti diema yaaba leni a jakoanda kuli. Bi den ñani Jerusalemi ki ŋoadi Bikili bijua Seba.

2 Samueli 23:20

Yeoyada bijua Benaya den tie jakoandimoano yaa yaabili, yua n den bili jama boncianla, ki tie Kabitiseeli domaabiga. Wani n den pua ki paadi Moabi jakoanda nibilie yaaba n yi Arieli. Wani n go den jiidi ku ñinbuogu nni, ki kpa o yangbanlo ti waciandi daali.

2 Samueli 23:21

Wani n go den kpa Ejipiti yua ke o tie niciangu ki kubi li kpaanli. O den tuogi leni o leni gbiamu ki fie o kpaanli ki kpa o leni lini.

2 Samueli 23:23

O den tie “Niba piitaa” goli yeni niinni yaaba yaa yela n ñani ki cie siiga yendo. Ama waa den pundi bi nitaadikpiaba. Davidi den teni ke o tua o guudikaaba yudaano.

2 Samueli 8:18

Seraya den kubi a tila tuonli. Yeoyada bijua Benaya den tugi Keleti leni Peleti yaaba yuli. Davidi bijaba mo den tie wani Davidi todikaaba.