2 Samueli 23:19 - U TIENU MAAMA TILI 2013

¹⁹ O den tie i nipiitaadi goli yeni niinni yaaba yaa yela n ñani ki cie siiga yendo. O den tugi bi yuli, ama waa den pundi bi nitaadikpiaba.

Gourmanchéma Bible

¹⁹ O den tie niba piitaa goli yeni niinni yaaba yaa yela n ñani ki cie siiga yendo. O den tugi bi yuli, ama waa den pundi bi nitaadikpiaba.

2 Samueli 23:19 ပူးပေါင်းရင်းမြစ်များ

2 Samueli 23:13

U jetaagu yogunu, yaa goli n yi “Niba piitaa” siiga yudanbitaa den cua Adulami dogu yaa tanlongu nni, Davidi kani, Filisiti yaaba toagoli den ye Refayimi yaaba joaloangu nni.

2 Samueli 23:16

Lanwani, bi jakoanditaadiba yeni den poandi Filisiti yaaba toagoli nni, ki ban ñani mi ñima ban gbiidi yaa buogu Betelemi buliñoabu kani yeni ki guani ki teni Davidi. Ama o den yie ke o kan ño, ki wuli ma o Diedo nintuali

2 Samueli 23:18

Joabi naataanu Abisayi, Tiseruya bijua den tugi bi nitaadiba yeni yuli. Wani n den yua o kpaanli niba kobitaa po, ki kpa ba. O yeli mo den ñani bi nitaadiba yeni siiga.

2 Samueli 23:20

Yeoyada bijua Benaya den tie jakoandimoano yaa yaabili, yua n den bili jama boncianla, ki tie Kabitiseeli domaabiga. Wani n den pua ki paadi Moabi jakoanda nibilie yaaba n yi Arieli. Wani n go den jiidi ku ñinbuogu nni, ki kpa o yangbanlo ti waciandi daali.

2 Samueli 23:9

O yaa puoli Ahohi nilo yaabili Eleasari, Dodo bijua. Wani leni jakoanditoaba bonbilie den yegi leni Davidi ki ban tuogi leni Filisiti yaaba, ban den taani bu toabu po ke Isidayeli yaaba tiini ki do a juana,

1 Bi Badiba Jama 11:25

Niba piitaa yeni kuli siiga, wani n den baa ti kpiagidi ki cie bikuli. Ama waa den pundi bi nitaadiba yaaba n den kpia yeni wani. Davidi den taa o, ki teni ke o tua yaa toatieba n den n guu o bado yaa yudaano.

Matie 13:23

Yii n den baa ki tinŋanga nni mo, tie yua n gbadi U Tienu maama ki gaa ma. O luoni li bonluonkaala, bonbiyenbu loni kobiga, bune piiluoba, bune mo piitaa.»

Matie 13:8

I tiami mo den baa ki tinŋanga nni. I den loni, bonbiyenbu kobiga kobiga, i tiami piiluoba luoba, i tiami mo piitaa taa.

1 Korenti 15:41

U yienu pia u kpiagidi uba, o ŋmaalo pia o kpiagidi oba, a ŋmabila pia a yaa kpiagidi aba. A ŋmabila moko naa taa kpiagidi buolu leni aya.