2 Samueli 22:32 - U TIENU MAAMA TILI 2013

³² Ŋme n tie U Tienu, li yàá tie Li Miali Diedo yaa ka? Ŋme n tie ti tanciangu, li yàá tie ti Tienu yaa ka?

Gourmanchéma Bible

³² Ŋme n tie U Tienu, li yaa tie Li Miali Diedo yaaka? Ŋme n tie ti Tanciangu, li yaa tie ti Tienu yaaka?

2 Samueli 22:32 ပူးပေါင်းရင်းမြစ်များ

2 Samueli 23:3

Isidayeli Tienu yedi nni, Wani Isidayeli yaaba Tanciangu maadi nni mine: ‹O die bi niba leni mi teginma, Ki gobidi ba leni U Tienu fangili.

2 Samueli 7:22

A kpiagi hali moamoani, o Diedo U Tienu pia ti kpiagidi hali boncianla, oba kuli ki naani leni a. Nani tin ko li gba maama, tientoa kuli ki ye, se fini.

Esayi 44:6

O Diedo Isidayeli bado, Wani Li Miali Diedo U Paaciamu Kuli Daano Yua n daa ki faabi ba, Yedi yaa maama n tie ne: «N tie o kpialo leni o juodika Mini yaa ka, toa ki ye.

Esayi 44:8

Da jie mani, da digibi mani, Mii den teni ke yi gbadi Ke n go waani yi la hali yogu te? Yinba n tie n siedinba: Naani toa go ye ke laa tie mini? Tanciantoagu kuli ki ye Min ki bani yaagu yaa po.»

Esayi 45:21

Cua mani ki doagidi yi moamoani. Bani mo n tundi biyaba. Ŋme n den puni li laabaalo hali mi cilima? Ŋme mo n den waani laa bonla hali yogu? Naani laa tie mini Li Miali Diedo ka? Mini yaa ka, tientoa ki ye. N tie yaa Tienu n tiegi ki go faabidi, Min yaa ka, tientoa ki ye.

Jeremi 10:16

Ama Isidayeli Tienu, Yua n tagi tanpoli leni ki tinga Naa tie nani i buli yeni ka, Wani n die Isidayeli yaaba. O yeli n tie Li Miali Diedo U Paaciamu Kuli Daano.

Mi Tiadima 32:31

Kelima bi yaa tanciangu naa tie, Nani ti yaa Tanciangu yeni ka, Ba ti yibalinba bani ke li tie yene.

Mi Tiadima 32:39

Lanwani, moala, diidi mani ki bandi Ke mini bebe n tie U Tienu. Mini yaa ka mo, tientoa ki ye. Mini n puuni li miali, mini n go kpaani. Mini n poagiliti, mini n go buu. Niloba mo kan fidi ki lobidi la n nuu nni.

Mi Tiadima 4:35

Yinba wani baa li yumanli ki bandi laa bonla kuli. O Diedo tieni yi po yeni, ki bua yin bandi ke Li Miali Diedo tie U Tienu, ke tiento ki ye kali wani.

1 Samueli 2:2

Yua n Gagidi ki ŋani nani fini o Diedo kuli naa ye. Toa kuli ki ye ke laa tie fini. Oba ki guu ti nani fini U Tienu ti Tanciangu.