2 Samueli 21:1 - U TIENU MAAMA TILI 2013

¹ Davidi n den tie bado yaa yogunu, mi koma den tieni ki waagi hali binataa. Davidi den mia o Diedo ki buali o lan tie yaala. O Diedo den guani ki yedi: «Li tie Sayuli leni o diegu nikpali po yo ke mi koma tieni, kelima Sayuli den kpa Gabaon yaaba.»

Gourmanchéma Bible

¹ Dafidi n den tie bado yaa yogunu, mi koma den tieni ki waagi hali bina taa. Dafidi den mia Li Miali Diedo ki buali o lan tie yaala. Li Miali Diedo den goa ki yedi: «Li tie kelima Sayula leni o diegu kukpama po yo ke mi koma tieni, li tie kelima Sayula kpa Gabaono yaaba.»

2 Samueli 21:1 ပူးပေါင်းရင်းမြစ်များ

Mi cilima 12:10

Mi koma den tieni mi diema nni, ke Abalama den jiidi ki kua Ejipiti diema nni, ki ye lankani, kelima mi koma den bia Kanana diema nni hali boncianla.

Mi cilima 26:1

Mi koma den tieni mi diema nni, ke laa taa leni yaa konkpiama n den tieni Abalahama yogunu. Isaaka den fii ki gedi Filisiti yaaba bado Abimeleki kani, Gerari dogu nni.

Mi cilima 41:57

Yaa diema n sieni kuli yaa niba den kpendi Ejipiti nni ki baa magi ŋalikama Josefi kani, kelima mi koma den biagi boncianla ki tinga nni kuli.

Mi cilima 42:5

Nani biyaba kuli n den tiendi maama, Jakob bijaba moko den gedi Ejipiti nni ki baa daa ŋalikama, kelima mi koma den ye Kanana diema nni kuli.

Mi cilima 43:1

Mi koma den biagi ki pugini mi diema nni.

2 Samueli 16:8

O Diedo n teni ke Sayuli diegu nni yaaba soama kuli guani ki baa fini Davidi yuli po. A den gaa o kani li bali ki dini, lani yaa po yo ke o Diedo taa mi diema bali ki teni a bijua Abisalomi ke a mo ji ye leni fala moala, kelima a tie nikpalo.»

2 Samueli 20:26

Yayiiri yaabili Ira mo den tie Davidi todika.

2 Samueli 21:5

Bi den guani ki yedi o: «Sayuli den jagi wan bolini ti cain ki da ŋaa ba yendo leni miali Isidayeli nni.

2 Samueli 24:1

O Diedo pali go den beni leni Isidayeli yaaba ke o den tigini Davidi ke wan tieni yaala n baa cuani bi po yaala n bia, ki yedi ke wan coadi Isidayeli leni Juda yaaba.

2 Samueli 5:19

Davidi den buali o Diedo: «Min tuogi leni Filisiti yaaba bu toabu bi? A baa taa ba ki teni nni?» O Diedo den yedi o: «Gedi, kelima n baa taa Filisiti yaaba ki teni a.»

2 Samueli 5:23

Davidi den buali o Diedo o yaa baa gedi ki tuogi leni ba bu toabu. O Diedo den yedi o: «Ŋan da teli ki tuogi ba. Ama, lindi bi puoli po, ki ban baa ba i tiidi kani.

1 Bi Badiba 17:1

Elia, yua n den ñani Tisibe dogu nni ki ye Galaadi diema nni, den yedi Isidayeli bado Akabi: «N tie Li Miali Diedo Isidayeli Tienu yua n ye ki fo yaa naacemo. Hali U Tienu po, taaga kan go mi, mangu mo kan go luoni yaa bina n tie ne, se n mia.»

1 Bi Badiba 18:2

Elia den fii ki gedi o bado kani. Mi konbiadima den ye Samari.

2 Bi Badiba 6:25

Mi koma den tieni Samari boncianla. Bi den mabini u hali maama ke ŋunyuli den baa da kujapiena piinii, ti kpaajebindi kilo boagidima den baa da kujapienamuu.

2 Bi Badiba 8:1

Elise den maadi leni wan den faadi o pua yua yaa biga yeni ki yedi: «Fii, fini leni a niba ki gedi ki ban kali ŋan baa fidi ki gedi naankani kuli, kelima o Diedo baa teni mi koma n baa. Mi baa tieni mi diema nni hali binalele.»

Jobi 10:2

N yedi U Tienu: ‹Da jia n buudi ki cuo nni.› Teni min bandi yaala yaa po Ke a koani leni nni!

Pisomi 27:8

N kpaagi a maama po, Yaama n yedi: «Lingi mani n nunga!» O Diedo, n lingi a yaa nunge.

Pisomi 50:15

Yi yaa tieni yeni, Yin mia nni mi todima yi paboanli daali, N baa faabi yi, yimo n kpiagi nni.

Pisomi 91:15

O yaa jaandi ki mia nni, N baa gaa o jaandi! Mini n ba n baa yaa ye leni o o fala nni, Ki faabi o ki go kpiagi o.

Levi 26:26

N baa muni yi mi jiema hali yaala ke puoba piiga baa pua bi dupen dupenpuakaanyendu. Bi baa cabidi cabidi ki boagidi, hali yaala ke yi baa je ki kan go guo.

Mi Coadima 27:21

O yen baa cua o kopadiciamo Eleasari kani, wan diidi Urim ki buali nni ki bandi n yanbuama. Wani o ba, Isidayeli yaaba leni li nitaanli kuli baa tuo ki yaa tiendi Eleasari ñoamabona, ki yen ña wan yedi ban ña yaa yogunu, ki kua wan didi yedi ban kua yaa yogunu.»

Josue 7:1

Isidayeli yaaba den tudi tudicianma. Bi den miidi U Tienu n den kuani ba yaa kuali ki yedi, ke ban da taa wan yedi ban bolini yaala yeni niinni bonla. Juda buolu yua Akan den taa ban den baa bolini yaala siiga bonliba. Akan den tie Sela puoliŋuanu. Sela den mali Sabidi, ke Sabidi mo mali wani Akan baa Karmi. Akan n den taa yaala n kua yeni, o Diedo pali den fii Isidayeli yaaba po.

Josue 9:20

Ti kan kpa ba, ke U Tienu pali n da fii ti po, kelima tin den poli yaa poli po. Ama, diidi tin baa tieni ba maama:

Ruti 1:1

Bi bujiaba n den gobidi Isidayeli yaaba yaa yogunu, mi koma den tieni Isidayeli diema nni. Laa diema tinbuoyenli, yaali n yi Juda yaa joa den fii leni o pua leni o bijaliediba, ki ñani Betelemi dogu nni ki gedi Moabi diema nni. Bi den ban kali lanpo yogunuba po.

1 Samueli 10:22

Bi go den buali o Diedo ki yedi: «O nilo yeni cua ti siiga bi?» O Diedo den guani ki yedi: «Diidi, o wuo ti tiadi nni.»

1 Samueli 23:11

Keyila yaaba baa taa nni ki teni o bi? Sayuli baa cua nani min gbadi maama bi? O Diedo, Isidayeli Tienu, n mia ŋa, ŋan doagidi ki waani mini a naacemo.» O Diedo den guani ki yedi o: «O baa cua.»

1 Samueli 23:2

Davidi den buali o Diedo: «Min gedi ki baa Filisiti yaaba yeni bi?» O Diedo den guani ki yedi o: «Gedi ki baa ba ki gaa Keyila yaaba.»

1 Samueli 23:4

Lani, Davidi go den buali o Diedo. O Diedo den guani ki yedi o: «Ŋan fii ki gedi Keyila kelima n baa taa Filisiti yaaba ki teni a.»