2 Samueli 20:21 - U TIENU MAAMA TILI 2013

²¹ Laa tie yeni ka ba. Efrayimi juana po yaa nilo, yua n yi Seba ki tie Bikili bijua n fiini o bado Davidi po mi yiema. Yin taa o mani ki teni ti, wani o bebe, lanwani ti baa fuadi ki cedi yi dogu.» O pua yeni den yedi Joabi: «To, ti baa lugidi o yuli ki kandi u bilinu ki teni a.»

Gourmanchéma Bible

²¹ Laa tie yeni ka ba. Efilayima juana po yaa nilo, yua n yi Seba ki tie Bikili bijua n fiini o bado Dafidi po mi yiema. Yin taa o mani ki teni ti, wani o bebe, lanwani ti baa fuadi ki cedi yi dogu.» O pua yeni den yedi Joabi: «To, ti baa lugidi o yuli ki kandi u bilinu ki teni a.»

2 Samueli 20:21 ပူးပေါင်းရင်းမြစ်များ

2 Samueli 20:1

O joa den ye Giligali yeni ki tie niyuogu. O den tie Benjamen buolu yua Bikili bijua. O den yi Seba. O den piebi kakaci ki kpaani ki yedi: «Tii pia ŋantaadoba kuli leni Davidi. Ti baga ki ye leni wani Isayi bijua, Isidayeli yaaba, yuakuli n yaa kuni o denpo!»

2 Samueli 20:2

Lanwani, Isidayeli yaaba den yadi ki ŋaa Davidi, ki ŋoadi Bikili bijua Seba. Ama Juda yaaba wani den sedi leni Davidi. Bi den ciani o ke o ñani Jurden ki gedi hali Jerusalemi.

2 Samueli 20:20

Joabi den guani ki yedi: «Kalam! Mii pia yaa yantiali n baa bolini bi ki mudi liba!

2 Samueli 23:18

Joabi naataanu Abisayi, Tiseruya bijua den tugi bi nitaadiba yeni yuli. Wani n den yua o kpaanli niba kobitaa po, ki kpa ba. O yeli mo den ñani bi nitaadiba yeni siiga.

1 Bi Badiba 11:26

Jeroboami, yua n den tie o bado naacemo, moko den fiini o bado Salomon po mi yiema. O den tie Nebati bijua, Efrayimi buolu yua, ki ñani Tiseleda dogu nni. O naa den tie kpepuoli ki yi Tiseruya.

2 Bi Badiba 10:7

Li tili n den pundi ba, bi den taa o bado bila jaba piilele yeni kuli ki kodi ba. Bi den taa bila piilele yeni yula ki kpieni ti baabuodi nni, ki soani a Yisireyeli Jehu po.

2 Bi Badiba 5:22

Gehasi den guani ki yedi o: «Laafia lige! N canbaa n soani nni ke min ti waani a ke bi saawalipuaba cagili siiga, jawaabilie ñani Efrayimi juana po ki cua moala ne ki cani o. Lane ke o soani nni ke ŋan baa bi po ŋanjilifa kilo piitaa leni ti baditiadi bondilie.»

Jeremi 4:15

O laabaalibiado ñani hali Dan diema. Hali Efrayimi juana po yo, Ke bi puuni laa laabaalo.

Jeremi 50:19

N baa teni Isidayeli n lebidi Ki guani o yankpaakaanu. N baa yaa kpaa o Karimeli leni Basan po. O baa je ki guo Efrayimi leni Galaadi juana po.»

Josue 24:33

Alono bijua Eleasari moko den kpe ke bi piini o Gibeya nni, ban den puni o bijua Finea yaa dogu, ke u ye Efrayimi juana nni.

Bi Bujiaba 2:9

Bi den piini o wan den baa yaa tinga ke ki tie o faali yaa niinni, Timinati-Helesi dogu nni, Efrayimi juana nni, Gaasi juali jienu po.

Bi Bujiaba 7:24

Gedeon den soani a tonda Efrayimi juana kuli nni, ki yedi: «Yin jiidi ki tuogi Madiani yaaba, ki liidi ba a duona kani, ki yaa caa hali Beti-Bara dogu leni Jurden yaa duonli kani.» Lanwani, Efrayimi buolu jaba kuli den taani ki gedi ki ban liidi Madiani yaaba a duona kani, ki yaa caa hali Beti-Bara dogu leni Jurden yaa duonli kani.

Bi Bujiaba 9:55

Isidayeli yaaba n den laa ke Abimeleki kpe, yuakuli den lebidi ki kuni o denpo.

1 Samueli 24:6

Lanyogunu o tugusoama den sani kelima o jia Sayuli kpalibu tiipo.

1 Samueli 26:9

Ama Davidi den yedi Abisayi: «Da kpa o, kelima ŋme n baa fidi ki tandi o nuu ki pua o Diedo n gandi yua, ke wani U Tienu kan cuo o?»