2 Samueli 19:39 - U TIENU MAAMA TILI 2013

³⁹ O bado den yedi o: «Kimami baa yegi leni nni, n baa tieni o po nani ŋan bua maama. Ŋan bua min tieni yaala kuli, n baa tieni la.»

Gourmanchéma Bible

³⁹ O bado den yedi o: «Kimami baa yegi leni nni, n baa tieni opo nani ŋan bua maama. Ŋan bua min tieni yaala kuli, n baa tieni la.»

2 Samueli 19:39 ပူးပေါင်းရင်းမြစ်များ

Mi cilima 14:19

O den gaali Abalama ki yedi: «Tanpolijoma Tienu, Yua n tie tanpoli leni ki tinga tagido, Wan seligi Abalama.

Mi cilima 28:3

U Tienu yua n pia u paalu kuli n seligi a, ki teni ŋan yaa pugidi boncianla, ke ŋan tua i nibuoli boncianla.

Mi cilima 45:15

O den bibi o kpeliba kuli ki buudi. Lan den pendi, o kpeliba den boni leni o.

Mi cilima 47:10

Jakob go den gaali Faraon ki ñani Faraon kani.

Mi cilima 47:7

Josefi den teni ke o baa Jakob cua ke o waani o Faraon. Jakob den gaali Faraon.

2 Samueli 13:25

O bado den yedi Abisalomi: «Aa-a, n bijua. Ti kuli kan gedi, kelima ti kuli yaa gedi ti baa n tua a po tugile.» Abisalomi den tigini o ke wan gedi, ama o den yie ke o kan gedi. O den gaali o.

2 Samueli 14:33

Joabi den gedi ki ban togidi o bado Abisalomi n yedi yaala kuli. Lanwani, o bado den teni ke bi yini Abisalomi. O den cua ki labini ki pugi o. O bado den gobini o leni mi buama.

2 Samueli 19:38

Cedi min lebidi ki guani ki kpe n dogu nni, ban piini nni n baa leni n naa n pii naani. Ama diidi a naacemo Kimami, wani n baa yegi leni a. Tieni o po nan lan mani a po maama.»

2 Samueli 6:18

Wan den padi a padijuukaana leni i jaandi pada ki gbeni, o den taa Li Miali Diedo U Paaciamu Kuli Daano yeli, ki gaali bi niba kuli.

2 Samueli 6:20

Davidi moko den kuni ki baa n gaali o diegu nni yaaba. O pua Mikali, Sayuli bisalo, den ñani ki tuogi o ki yedi: «Dinla, fini Isidayeli diema bado bi baa ti kpiagidi de, ŋan bi landi a tiadi ki se benbili nani yaa joa n ki pia fuoma ke a naacenba puotuada nua ŋa yeni.»

1 Bi Badiba 19:20

Elise den ŋaa o ne ki sani ki nandi o ki yedi o: «Cedi min kuni ki ban cabi n baa leni n naa. Lani yaa pendi n baa ŋoadi a.» Elia den guani ki yedi o: «Gedi ki ban yaa tuuni, mini mo nan tieni a be yo?»

Mi Coadima 24:25

Balaam den fii ki guani ki kuni o denpo, ke Balaki mo taa o yaa sanu ki ban caa o yaa kaanu.

Luki 2:34

Simeon den gaali ba ki yedi o naa Mariyama: «Diidi ki le, U Tienu bili ke ki naa biga baa teni ke Isidayeli buolu siiga, niba boncianla n baa, niba boncianla mo n fii. O go baa yaa tie U Tienu sinankeene bi nitianba n baa yie yua,

Jesu Tondiba Tuona 20:37

Bikuli den buudi boncianla, ki gobini Poli leni mi buama.

1 Tesaloniki 5:26

Fuondi mani ti kpiiba kuli, ki gobini ba leni mi buamoanma.

Ruti 1:14

Mu biyualiedimu yeni go den buudi ki pugini. Olipa den gobini o yaanaa Noemi ki cabi o leni mi buama. Ama Ruti wani den yie ke o kan paadi leni o.

1 Samueli 24:22

Lanwani, ŋan taa o Diedo yeli ki poli ke a kan bolini n buolu n puoli po, ki kan didi bolini n yeli n baadiegu nni mo.»