2 Samueli 18:9 - U TIENU MAAMA TILI 2013

⁹ Abisalomi den kadi leni Davidi toatieba siiga bi tianba. O den jagi buomo. O buomo yeni den kua yaa ticianbu n yi telebinti tiipo ke i beni cuo Abisalomi yuli. O den juani tanpoli leni ki tinga siiga. Wan den jagi yaa buomo den pendi.

Gourmanchéma Bible

⁹ Abisalomi den kadi leni Dafidi toatieba siiga bi tianba. O den jagi *buomo. O buomo yeni den kua yaa ticianbu n yi telebinti tiipo ke i beni cuo Abisalomi yuli. O den juani tanpoli leni ki tinga siiga. Wan den jagi yaa buomo den pendi.

2 Samueli 18:9 ပူးပေါင်းရင်းမြစ်များ

2 Samueli 13:29

Bi naacenba den tieni Abisalomi n yedi ba yaala ki kpa Aminoni. Lanwani, o bado bijaba yaaba n sieni den fii ki jagini bi buomi ki sani.

2 Samueli 14:26

Binli kuli o yen lebi o yudi kelima ti den kpiagi o po boncianla. O yaa lebi, o yudi kpiagu yen cie kilo bonbilie, nani o bado bonbiigikaala po.

2 Samueli 17:23

Ahitofeli n den laa ke baa ŋoadi o tundi, o den paani o ŋunbo li gaali ki fii ki kuni o denpo, o dogu nni. O den teni o niba o ñoamabona ki yuandi ki soadi o yuli. O den kpe yeni ke bi piini o o baa kuli nni.

2 Samueli 18:10

O nilo den laa lani ki gedi ki waani Joabi ki yedi: «Diidi ki le, n laa Abisalomi ke o juani bu tibu.»

2 Samueli 18:14

Joabi den yedi: «N kan fidi ki yaa se a kani ki biandi n yogunu.» O den taa kpanbilataa ki muu Abisalomi pali wan den juani bu tibu ki da fo yaa yogunu.

2 Samueli 18:8

Bu toabu den yadi laa tinbuoli kuli nni, ke li fuali n den dini yaa niba den yabi ki cie mu jugisiemu n kpa yaaba.

Jobi 31:3

Naani mi yebiadima ki tie Ti tuonbiadi daano po ka? Siiga nni yema mo yaaba n tiendi Yaala n ki tiegi po.

Mi Kpanjama 20:20

Nilo yaa soli o baa leni o naa, O fidisanga baa gbindi li biigili nni.

Mi Kpanjama 30:17

Yaa nunbu n ñuadi bu baamado, Ki yie ke bu kan cengi bu naa maama, U kpenu nni kankala baa fiadi bu, Jiebani bila mo baa je bu.

Jeremi 48:44

Ti jawaandi n deli yua, Baa baa ku buogu nni. Yua n ñani ku buogu nni mo, Baa baa i taali nni, Kelima n baa teni o falaciamo n cua Moabi po. Laa binle ke o baa togidi yaala n ye. O Diedo n yedi yeni.

Matie 27:5

Juda den luni i ligi yeni U Tienu diegu nni ki ñani, ki gedi ki ban soadi o yuli.

Marki 7:10

Musa den yedi: ‹Jigini a baa leni a naa,› ki go yedi: ‹Yua n soli o baa yaa ka o naa, ban kpa o.›

Galati 3:13

Kilisiti den daa ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Mi Tiadima 21:23

o tinkpilo kan dua ki juani ku daagu yeni po. Ama yi baa piini o landaali lige, kelima ban joani yua ku daagu po kuli, tie ti solindi bonla U Tienu nintuali. Lani n tie yin da joagini o Diedo yi Tienu n puni yi, ke yin diedi yaa tinga yeni.»

Mi Tiadima 27:16

‹Ti solindi n baa yua n fali o naa leni o baa!› Lani, bi niba kuli baa taani ki gaa: ‹Amina!›

Mi Tiadima 27:20

‹Ti solindi n baa yua duani leni o baa pua, kelima o fiidi o baa ŋasiili!› Lani, bi niba kuli baa taani ki gaa: ‹Amina!›