2 Samueli 18:5 - U TIENU MAAMA TILI 2013

⁵ O bado den teni Joabi, Abisayi leni Itayi kuli yaa ñoamabonli n tie ne ki yedi: «N mia yi, yin da tieni mani o jawaalo Abisalomi yaala n bia.» Bi toatieba kuli den gbadi o bado n teni bi toatieba yudanba yaa ñoamabonli Abisalomi po.

Gourmanchéma Bible

⁵ O bado den teni Joabi leni Abisayi leni Itayi kuli yaa ñoabonli n tie ne ki yedi: «N mia yi, yin da tieni mani o jawaalo Abisalomi yaala n bia.» Bi toatieba kuli den gbadi o bado n teni bi toatieba yudanba yaa ñoabonli Abisalomi po.

2 Samueli 18:5 ပူးပေါင်းရင်းမြစ်များ

2 Samueli 16:11

Davidi go den yedi Abisayi leni o badibaanba kuli: «N bimadiga yaa bua ki kpa nni daa, yaa joa n tie Benjamen buolu na mo te? Cedi mani wan yaa solini kelima o Diedo n puogi o yeni.

2 Samueli 17:14

Abisalomi leni Isidayeli yaaba kuli den yedi: «Ariki yua Usayi yaa tundi cie Ahitofeli yaa yii.» Ama li tie ke o Diedo den jagi ke o baa bolini Ahitofeli tundiŋami yeni, ki cuani o falaciamo Abisalomi po.

2 Samueli 18:12

Ama o joa yeni den yedi Joabi: «Ba a yaa bi baa pa nni ŋanjilifa kujapiena tudili, n kan tandi n nuu ki kpa o bado bijua, kelima ti den gbadi o bado n teni a yaa ñoamabonli, fini, Abisayi leni Itayi kuli ki yedi: ‹N mia yi yin da tieni mani o jawaalo Abisalomi yaala n bia.›

2 Samueli 19:1

Lanwani, li paboanli den cuo o bado. O den doni yaa dieli n ye u dogu bilinciamu buliñoabu yuli po, ki buudi. O den cuoni ki yieni: «N bijua Abisalomi, n bijua Abisalomi. N sugini n yaa bi gaa a kaanu ki kpe. Abisalomi, n bijua, n bijua.»

Pisomi 103:13

Nani bibaa n gba o bila po Mi ninñima maama, O Diedo moko gba yaaba n fangi o po Mi ninñima yene.

Luki 23:34

Jesu den yedi: «N Baa, tieni bi po sugili, kelima baa bani ban tiendi yaala.» Bi den toani tiatia ki boagidi o tiayiekaadi.