2 Samueli 17:17 - U TIENU MAAMA TILI 2013

¹⁷ Jonatan leni Ahimaatisi den se Eni-Rogeli dobiga po kelima bi kan den tuo ki kua Jerusalemi nni ke ban da ti le ba. Jafaano n yen cua bi kani ki caa i tondi, bani mo n ban waani Davidi yaala n tieni.

Gourmanchéma Bible

¹⁷ Jonatan leni Ahimaatisi den se Eni-Logeli dobiga po kelima bi kan den tuo ki kua Jelusalema nni ke ban da ti le ba. Jafaano n den yen cua bikani ki caa i tondi, bani mo n ban waani Dafidi yaala n tieni.

2 Samueli 17:17 ပူးပေါင်းရင်းမြစ်များ

2 Samueli 15:27

O bado go den yedi o kopadiciamo Sadoki: «A gbadi, ŋan lebidi ki guani u dogu nni leni mi yanduanma, fini leni a bijua Ahimaatisi leni Abiatari bijua Jonatan.

2 Samueli 15:35

Bi kopadicianba Sadoki leni Abiatari baa yaa ye leni a likani. Ŋan bandi yaala o bado diegu nni kuli, ŋan togidi ba.

2 Samueli 15:36

Bi bijaliediba ye likani, Sadoki bijua Ahimaatisi leni Abiatari bijua Jonatan. Yi yen baa soani bane ban waani nni yin pia yaa laabaali.»

1 Bi Badiba 1:42

Hali ke o daa maadi ki gbeni, o kopadiciamo Abiatari bijua Jonatan den pundi bi kani. Adonija den yedi o: «Nagini ne, kelima a tie nimoano, n bani ke a kpendinni laabaaliŋamoe.»

1 Bi Badiba 1:9

Adonija den kodi i pe, a naatona leni a naatonbiwubida yaa tangu n ŋaligi, yaagu n kuu leni Eni-Rogeli ñinbunli. O den yini o waamu, bani o bado bila kuli leni Juda diema koanbala kuli.

Josue 15:7

U den poandi Akori joaloangu nni, ki gedi Debiri dogu. Nujienu po, u den gondi ki teli Giligali, Adumim gbangbanli nintuali, u kpenu ganu po. U den bali Eni-Semesi ñima, ki ban pundi hali Eni-Rogeli.

Josue 18:16

U den ñani lankani, ki jiidi ki ban pundi yaa juali n kaagi Hinomi joaloangu, ki ye Refayimi yaaba yaa joaloangu jienu po. U den bali Hinomi joaloangu, Jebusi yaaba juaga ganu po, ki jiidi ki ban pundi hali Eni-Rogeli ñinbunli kani.