2 Samueli 15:18 - U TIENU MAAMA TILI 2013

¹⁸ Bi naacenba kuli, Keleti yaaba leni Peleti yaaba kuli den tagini ki pendi o bado nintuali. Gati dogu po yaaba, yaaba n den yegi leni o ki ñani Gati den pundi kobiluoba. Bimoko den tagini ki pendi o nintuali.

Gourmanchéma Bible

¹⁸ Bi naacenba kuli leni Keleta yaaba leni Peleti yaaba kuli den tagini ki pendi o bado nintuali. Gati dogu po yaaba yaaba n den yegi leni o ki ñani Gati den pundi kobiluoba. Bimoko den tagini ki pendi o nintuali.

2 Samueli 15:18 ပူးပေါင်းရင်းမြစ်များ

2 Samueli 15:17

O bado den ñani u dogu nni ke bi niba kuli ŋua o. Bi den sedi yaa diegu n ban juodi kani.

2 Samueli 18:2

O den boagidi o toatieba golataa, ki teni ke Joabi die goyenli, Tiseruya bijua Abisayi, Joabi waalo goyenli, Gati yua Itayi mo goyenli. O bado den yedi o toatieba: «Mini n ba moko baa ña ki yegi leni yi.»

2 Samueli 20:23

Joabi den tie li toagoli yudaano. Yeoyada bijua Benaya den tugi Keleti leni Peleti yaaba yuli.

2 Samueli 20:7

Lane Abisayi den fii ki gedi, wani leni Joabi toatieba, Keleti diema yaaba, Peleti diema yaaba leni a jakoanda kuli. Bi den ñani Jerusalemi ki ŋoadi Bikili bijua Seba.

2 Samueli 6:10

Waa go den bua ki kuani o Diedo kpaku o deni, wani Davidi n ye yaa kaanciamu nni. O den teni ke bi gedini ku Obedi-Edomi, yua n den tie Gati yua, yaa denpo.

2 Samueli 8:18

Seraya den kubi a tila tuonli. Yeoyada bijua Benaya den tugi Keleti leni Peleti yaaba yuli. Davidi bijaba mo den tie wani Davidi todikaaba.

1 Bi Badiba 1:38

Lanwani, o kopadiciamo Sadoki, o saawalipualo Natan, Yeoyada bijua Benaya, Keleti yaaba leni Peleti yaaba den gedi ki ban jagini Salomon o bado Davidi buomo, ki gedini o Gihoni.

1 Bi Badiba Jama 18:17

Yeoyada bijua Benaya n den tie Keleti leni Peleti yaaba yaa yudaano. Davidi bijaba mo n den duogi wani o bado.

1 Samueli 23:13

Lane Davidi den fii leni o niba yaaba n den pundi nani niba kobiluoba, ki ñani Keyila ki gedi ban den baa fidi ki gedi naankani. Sayuli n den gbadi ke Davidi ñani Keyila ki sani, o den kpadi o sancenli.

1 Samueli 25:13

Lani, Davidi den yedi o niba: «Yuakuli n yie o jugisiega.» Bikuli den yie bi jugisiemu. Davidi mo den yie o yaaga. Yaaba n den fii ki ŋua Davidi ki caa den bua ki pundi jaba kobinaa, ke jaba kobilie mo den sedi ki guu ti tiadi.

1 Samueli 27:3

Davidi leni yaaba n den yegi leni o yeni den ye Akisi kani Gati dogu nni. Yuakuli den ye leni o niba. Davidi den ye leni o puoliediba, Yisireyeli yua Ahinoami leni Nabali kpepuoli Abigayili, Karimeli yua.

1 Samueli 27:4

Sayuli n den gbadi ke Davidi sani ki gedi Gati, o den cedi ki naa go lingi o.

1 Samueli 30:1

Davidi leni o toatieba n den pundi Tisikilagi li dataali daali, bi den sua ke Amaleki yaaba baa Filisiti yaaba diema ganu po leni Tisikilagi kuli. Bi den cuo bi puoba leni yaaba n den ye lienni kuli, a nikpela leni a bila kuli, ki mudi Tisikilagi ki juu u. Baa den kpa ba niyendo. Bi den cuo bikuli, ki guani ki taa bi sanu.

1 Samueli 30:14

Ti den baa Filisiti buolu Keleti yaaba diema ganu po, Juda diema nni leni Kalebi diema ganu po. Ti go den juu Tisikilagi dogu.»

1 Samueli 30:9

Lanwani, Davidi den taa u sanu, wani leni yaa nikobiluobidi n den ye leni o. Bi den pundi Besori kpenu ke yaaba n den ŋua puoli den sedi lankani.