2 Samueli 14:25 - U TIENU MAAMA TILI 2013

²⁵ Isidayeli kuli nni ki den pia yua n ŋani ki pundi Abisalomi, laa den pia ban ñuadi yua nani wani. Ki cili o taafaagu ki yaa caa hali o yuli siiga, waa den pia poadoba kuli.

Gourmanchéma Bible

²⁵ Isalele nni kuli ki den pia yua n ŋani ki pundi Abisalomi, laa den pia ban ñuadi yua nani wani. Ki cili o taafaagu ki yaa caa hali o yuli siiga, waa den pia sugidiba kuli.

2 Samueli 14:25 ပူးပေါင်းရင်းမြစ်များ

1 Bi Badiba 1:6

Li den sua ke hali wan ye, o baa ki den funi leni o ki yedi o: «Be yaa po ke a tieni nanda.» Adonija den pia mi jawaama boncianla, wani n den duogi Abisalomi.

Jobi 2:7

Lanwani, Sutaani den ñani o Diedo kani, ki cua ki luni Jobi po, yaa gbansoama n bia boncianla, ki cili o taajenfaadi ki ban do hali o yuli siiga.

Mi Kpanjama 31:30

Ki nunmanga pia i boandi, U ŋamu mo baa pendi, Ama yaa pua n fangi o Diedo n tie Ban baa pagi yua.

Esayi 1:6

Ki cili a taana ki ban pundi Hali li yuli siiga, Puu kuli ki pia laafia. Mi poagilima, a binbila leni a nala N ye i kaani kuli. Baa ŋuudi a nala yeni, baa fini a, Baa wuli a po mi kpama.

Esekieli 23:15

Bi den ñagini bi ciamu leni ti gbanñagiditi, ki fini bi yula leni ti finfinjuadi. Bi den pia jakoandimoanba yaa sedima. Li den naani cain leni Babilonni yaaba. Kalide mo n den tie bi diema.

Danieli 1:4

Laa jawaaba kan yaa pia bi gbanu po poadoba kuli. Bi baa yaa pia mi jawaama ki fani, ki pia mi yanfuoma leni mi bancianma. Bi baa yaa tuuni wani o bado diegu nni. Bi baa bangi ba, Kalide yaaba diani leni bi maama.

Matie 23:27

Fala baa yaa ye leni yinba li bali maama banda leni Farisieninba palalie danba, kelima yi tie nani ban pendi yaa takula ke a ŋani boncianla bi niba nuni po, ama ke a tugu nni nan gbie a tinkpikpaba leni joagindi buoli kuli.

Efesa 5:27

Lani ke wan teni o Nitaanli yeni, n pundi ki sedi o kani ki pia ti kpiagidi, kaa pia joagindiba, golimiba leni yaala n gundi kuli. Ama lin gagidi ki yaa ŋani cain, kaa pia ban baa fidi ki kuli li leni yaala.

Mi Tiadima 28:35

O Diedo baa ŋaa yi a sinakpinbiada, yin kan fidi ki buu ya, yaa n baa cili yi duna, yi pana, yi taafaadi, ki yaa caa hali yi yula po.

1 Samueli 16:7

Ama o Diedo den yedi Samueli: «Ŋan da diidi o bugima leni wan foagi maama. Mii gandi wani ka. Mini U Tienu, mii nua ki biigidi nani o nisaalo n nua ki biigidi maama ka. O nisaalo nua i nuni n laa yaale, ama mini o Diedo nua li pali nne.»

1 Samueli 9:2

O den pia o bijua ke o yi Sayuli. O den ŋani, ki go pia mi jawaama. Isidayeli yua n den cie o ŋamu ki den ye. O go den caadi bikuli li yuli.