2 Samueli 14:14 - U TIENU MAAMA TILI 2013

¹⁴ Li tie moamoani ke ti kuli baa kpe dayenli ki tua nani ban wuli yaa ñima tiipo, ke mi kan go tuo ki wodi yeni. Ama moala po, U Tienu daa bua lan tua yeni Abisalomi po. O pia wan jagi ki bili yaala, ke Abisalomi n da foagi leni o.

Gourmanchéma Bible

¹⁴ Li tie moamoani ke tikuli baa kpe dayenli ki tua nani ban wuli yaa ñima tiipo ke mi kan go tuo ki wodi yeni. Ama moala po, U Tienu daa bua lan tua yeni Abisalomi po. O pia wan jagi ki bili yaala ke Abisalomi n da foagi leni o.

2 Samueli 14:14 ပူးပေါင်းရင်းမြစ်များ

2 Samueli 11:25

Davidi den yedi o tondo: «Goa ki ban paagi Joabi pali ki yedi o: ‹Da yagi a yama laa bonla po, kelima yogunuba ki jugisiega baa kpa napo yaa niba, yogunuba mo napo yaa yaaba. Paagi a pali ki go tuogi leni u dogu yeni ki bolini u.› »

2 Samueli 14:15

Min cua moala ki yedi line kuli yeni, li tie ke bi jieni nne. Lane ke n yedi n yama nni: ‹N baa maadi leni o bado. Daalinba o baa cengi n maama, ki tuo mini o yonbo n yedi yaala.

1 Bi Badiba 11:39

N baa tieni yeni ki jiini Davidi yaabila, ama li kan yaa tie hali yaa yogunu kuli po.› »

Jobi 14:14

Naani yaa nisaalo n kpe, Go baa faadi ki guani ki fii? N yebiadima kuli nni n baa yaa guu, Hali ŋan baa cua ki faabi nni yaa yogunu.

Jobi 30:23

N bani ke a li caani nni mi kuuma nne, Bi niba kuli n baa taani ki kadi naani.

Jobi 34:15

Yaala n pia miali ki fo kuli, Baa taani ki bodi yenma, O nisaalo mo n guani mi tama nni.

Jobi 34:19

Waa diidi bi badijaba nunbu, Waa tiendi gagidima o piado leni o luodo siiga, Kelima wani n tagi bikuli.

Pisomi 22:14

Bi yaadi bi ñoana ki teli nni, Nani yaa yangbanli n dia ki toadi Ki nan buoni yeni.

Pisomi 22:15

N fidu gbeni nani yaa ñima n wuli yeni. N kpaba kuli tugidi tugidi leni aya. N papaali nandi nani ti sindi yeni.

Pisomi 58:7

U Tienu n kua bi ñina bi ñoana nni. O Diedo n mudi a yangbanbila lanyaagi.

Pisomi 77:8

Naani o Diedo baa lu ti cain? Naani o kan go tieni ti mi ŋanma?

Pisomi 79:3

Bi wuli a niba soama, Jerusalemi gaanilindima kuli Nani mi ñima yeni, Ke baa baa yua n baa piini ba.

Pisomi 90:10

Ti miali bina kuli ki cie bina piilele, Yaaba n pia u fidu bebe, N baa pundi bina piinii. Laa bina kuli kpendinni ti po, Duoli leni fala bebe, Kelima laa bonla kuli yen pendi, Ti mo n yaa ban caa.

Pisomi 90:3

A yen teni o nisaalo n guani mi tama nni, Ki yedi bi nisaaliba bila mo: ‹Guani mani yin ñani naanpo!›

Mi Ñama 21:13

Ama li yaa tie jalibu, kaa tie li daano yanbuama, U Tienu n yaa teni ke o kpe o nuu nni, n baa waani o wan baa sani ki wuoni naankani.

O Yanfuodaano 9:5

Yaaba n fo bani ke bi baa kpe. Ama bi tinkpiba wani ki bani liba kuli. Baa pia kuli ban go daani yaala, kelima bi sundi bi po.

Jeremi Bubula 3:31

Kelima o Diedo kan lu, O nisaalo yaa yogu kuli po.

Esekieli 18:23

Mini o Diedo U Tienu yedi: ‹Naani n bua o nibiado kuuma yo? Min sugini yaala tie wan lebidi o tagu ki yaa ye ki fo.›

Levi 26:40

Lanyogunu, bi baa tuo bi tagili leni bi baanba mo yaa tagili, ki go tuo ban den miidi n bali maama, ki yiedi nni maama.

Mi Coadima 35:15

Laa dogi baa yaa tie wuonkaanu Isidayeli yaaba po, o nilamo leni o caano yua n ye yi siiga po. Yua n kpa nilo ke li tie jalibu kuli, baa fidi ki sani ki gedi lankani.

Mi Coadima 35:25

Li nitaanli baa faabi o nikpalo yeni, yua n baa tuu o kpiemo panli yeni nuu nni. Li nitaanli baa teni wan guani u wuonkaanu dogu nni, wan den sani ki ban wuoni naankani yeni. O baa yaa ye lankani, hali ban den wuli mi kpama yua yaa yuli po, ki gagidi o ke o tie bi kopadicianba bado yeni yaa kpe.

Mi Coadima 35:28

O nikpalo baa yaa ye o wuonkaanu dogu yeni niinne, hali bi kopadicianba bado kuuma. Bi kopadicianba bado yaa kpe, o nikpalo baa fidi ki guani o tinga nni.

Matie 22:16

Bi den soani o kani bi ŋoadikaaba leni o bado Herodi buakaaba, ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Jesu Tondiba Tuona 10:34

Pieli den yaadi ki yedi: «Moamoani, n bandi moala ke U Tienu ki gagidi bi niba leni biyaba.

LOMA YAABA 2:11

U Tienu naa tiendi gagidima bi niba siiga.

Mi Tiadima 10:17

Li Miali Diedo yi Tienu tie ban pugi yaala kuli Tienu, bi diediba kuli Diedo. O tie yaa Tienu yaa yeli n yabi, ki pia u paalu leni i jeje. Waa tiendi gagidima bi niba siiga, waa gaani suuli mo.

Hebilunba 9:27

Nani lan bili ke nisaalo kuli baa kpe yenma maama, li yaa pendi ti buudi n cua,

1 Pieri 1:17

Yi yaa miadi U Tienu ki go yini o yi Baa, wani, waa tiendi gagidima bi niba siiga, ki ja yuakuli buudi nani o tuona n tie maama. Lani yaa po, yin yaa ye leni li fangili o nintuali yin ye ŋanduna nni ki tie canba yaa yogunu bianu kuli.