2 Samueli 12:16 - U TIENU MAAMA TILI 2013

¹⁶ Lanwani, Davidi den jaandi ki miadi U Tienu ki biga po ki luo o ñoabu. O yaa kua o dieli nni o yen duani tinga nni hali lan ban faa.

Gourmanchéma Bible

¹⁶ Lanwani Dafidi den jaandi ki miadi U Tienu ki biga po ki luo bu ñoabu. O yaa kua o dieli nni o yen duani tinga nni hali lan ban faa.

2 Samueli 12:16 ပူးပေါင်းရင်းမြစ်များ

2 Samueli 12:15

Natan den fii ki kuni o denpo. O Diedo den luni Uri kpepuoli n den mali Davidi po yaa biga u yianu.

2 Samueli 12:22

O den guani ki yedi ba: «Ki biga n den ye, n den luo bu ñoabu ki buudi kelima n den yedi: ‹Ŋme bani o Diedo yaa kan gbadi n po mi ninñima ki teni ki biga n yaa ye?

2 Samueli 13:31

O bado den fii ki padi padi o tiadi, ki bali ki duani tiipo. O badibaanba kuli den ye likani ke bi tiadi padi padi.

1 Bi Badiba 21:27

Akabi n den gbadi Elia n yedi yaala, o den padi o tiadi, ki lani li paboanli tiadi, ki loli bu ñoabu. O den dua leni laa tiadi, ki cuoni dindini.

Nehemi 1:4

Min den gbadi laa bonla kuli, n den kali ki buudi. N den ye leni li paboanli ki luo bu ñoabu dana boncianla, ki jaandi ki miadi U Tienu yua n ye tanpoli,

Esiteri 4:16

«Gedi ki ban taani yaa Jufinba n ye Susi kuli nni, yin loli bu ñoabu. Yensiinitaa leni ñiaditaa yin da je, yin da ño, ki yaa miadi n po. Nmoko baa tieni yeni mini leni n puotuada. Ti baa loli bu ñoabu. Lani yaa pendi, n baa kua o bado kani ba ke li kua. N yaa baa bodi, min bodi.»

Pisomi 50:15

Yi yaa tieni yeni, Yin mia nni mi todima yi paboanli daali, N baa faabi yi, yimo n kpiagi nni.

Pisomi 69:10

A diegu yankuali cuo nni hali boncianla. Yaaba n sugidi a yeni, sugidi baali n yaa po yo.

Esayi 22:12

Li Miali Diedo U Tienu U Paaciamu Kuli Daano Yini yi dinla ke yin mua ki wolini, Ki kuo yi yula ki yie li paboanli tiadi.

Esayi 26:16

O Diedo, ti sani Ki cua a kani ti pabiidili yogunu. Ba ŋan faligi ti maama kuli, Ti miadi a yaa todime.

Danieli 6:18

Bi den cuani li tanli ki biini ku buogu ñoabu. O bado den taa o ñoagima yaama n pia o maalima, ki go taa o paatieba yaa ñoagima yaama n pia bi maalima, ki ñii ki tabini, ke liba kuli n da lebidi Danieli po.

Danieli 9:3

Lani n den loli bu ñoabu ki lani li paboanli tiadi, ki wuli n yuli po mi fantanpienma, ki jigidi n nunga ki diidi o Diedo U Tienu, ki jaandi ki miadi o todima.

Jonasi 3:9

Li fidi ke yeni, U Tienu baa ti lebidi o yanjagili, ki jiini o pali ti po, ki kan bolini ti.»

Jesu Tondiba Tuona 9:9

O den tieni danataa kaa nua, waa di, waa ñu mo.

Josue 7:6

Li paboanli po, Josue leni Isidayeli yaaba nikpela den padi bi tiadi, ki wuli bi yula po mi tama. Bi den laabi o Diedo ŋantaadikpaku nintuali, ki yaa caa hali ku yenjuagu.