2 Samueli 11:1 - U TIENU MAAMA TILI 2013

¹ Li binli lebidima, bi badiba n yen caa bu toabu yaa yogunu n den pundi, Davidi den soani o toatieba yudaano Joabi, wani leni o naacenba leni Isidayeli toatieba kuli, ke ban ban bolini Anmoni buolu ki lindi ki cebini bi dociamu Raba, ki paadi u. Ama Davidi den sedi Jerusalemi.

Gourmanchéma Bible

¹ Li binli lebidima, bi badiba n yen caa bu toabu yaa yogunu n den pundi, Dafidi den soani o guudikaaba yudaano Joabi, wani leni o naacenba leni Isalele toatieba kuli, ke ban ban bolini Amoni buolu ki lindi ki cebini bi dociamu Laba ki paadi u. Ama Dafidi den sedi Jelusalema.

2 Samueli 11:1 ပူးပေါင်းရင်းမြစ်များ

2 Samueli 10:14

Anmoni buolu n den laa ke Siiri yaaba lebidi ki sani, bani moko den lebidi ki sani Abisayi nintuali, ki kua u dogu nni, Joabi den lebidi ki cedi Anmoni buolu ki guani ki kuni Jerusalemi.

1 Bi Badiba 20:22

Lanwani, o saawalipualo den cua Isidayeli diema bado kani ki yedi o: «Paagi a pali, kpaagi ki le ŋan baa tieni yaala, kelima li binli lebidima, Siiri bado baa guani ki cua ki tuogi leni a bu toabu.»

1 Bi Badiba 20:26

Yaa binli n ŋua, Beni-Hadadi den caligi Siiri toatieba ki coadi ba. Bi den gedi Afeki ki baa n tuogi leni Isidayeli yaaba.

1 Bi Badiba Jama 20:1

Yaa binli n ŋua, bi badiba n den bogindi bu toabu po yaa yogunu, Joabi den gobidi toagocianli ke bi bolini Anmoni yaaba diema, ki fie Raba dogu. Ama Davidi wani den ye Jerusalemi dogu nne. Joabi den pua ki mudi Raba dogu.

2 Bi Badiba Jama 36:10

Li binpanli n den baa pundi, o bado Nebukanesa den teni ke bi cuani Babilonni diema nni, o Diedo diegu nni tiadi yaadi n den pia mayuli. O den dini Jeoyakimi waalo Sedesiasi li bali Juda diema po leni Jerusalemi po.

Pisomi 60:9

Mini n die Galaadi diema, Mini go die Manase diema moko. Efrayimi diema tie n kusancibinkaali, Juda diema mo n tie n badigbiamu.

O Yanfuodaano 3:8

Mi buama yaa yogunu ye, Ki nanga mo yaa yogunu ye. Bu toabu yaa yogunu ye, Mi yanduanma mo yaa yogunu ye.

Jeremi 49:2

Li tie lani yaa po ke o Diedo yedi: «A dana kpendi ke n baa teni Bu toabu bubula n fii ki loli Anmoni yaaba dociamu nni. Raba baa tua paboanli kaanu. U mu baa je likani n die yaa tinbuona kuli. Isidayeli yaaba baa guani ki gaa ban den die yaala. O Diedo n yedi yeni.

Jeremi 49:3

Hesibon, buudi kelima Ayi pua nufanu! Yinba yaaba n kaa ki kuu Raba, Kuudi mani! Yie mani li paboanli tiadi! Mua mani i kumoe, Ki ña ki yaa baali i bilini kunkuni, Kelima o bulo Milikom baa gedi ti yonbidi, Wani, o kopadicianba leni o koanbala kuli.

Esekieli 21:20

Lan baa tieni maama Ti jawaandi n cuo ba po yo, Ke n teni ke yuakuli digibi leni i jeje. N sieni mi bolinma jugisiega Buliñoabu kuli nintuali, Yaaga n pelini nani mi tañigima yeni, Bi luani ka kan kpa po yo.

Amosi 1:14

Lani yaa po, n baa soani u mu Raba dogu bilini nni, Wun je likani dieŋama mi janjanma daali, Bu toabu kuudi siiga, Li baa yaa tie nani ku tafaabiadigu siiga yeni.

Sakari 14:3

Li yaa puoli, o Diedo baa fii I nilanbuoli yeni po, Ki pua ki paadi ba, Nani wan den kpa tieni maama Mi janjanma leni bu toabu daali yeni.

Mi Tiadima 3:11

Basan bado bebe n tie yua n den sieni Refayimi yaaba siiga. O duanu den tie kudi duanu, yuu n ye Anmoni yaaba dociamu Raba nni. U foaginu den tie nukpanduna yia, u pianu mo nukpanduna naa, joa yaa nukpanduna.

1 Samueli 18:30

Filisiti yaaba yudanba den ña ki togidi leni Isidayeli yaaba bu toabu. Bi yaa ñani yaama kuli, Davidi yen paadi ba ki cie Sayuli toatieba yaaba n sieni kuli. O yeli den ñani boncianla.