2 Samueli 10:19 - U TIENU MAAMA TILI 2013

¹⁹ Hadadeseri n den die yaa badiba kuli n den laa ke Isidayeli yaaba paadi ba, bi den guani ki mangi leni bani Isidayeli yaaba, ki teni ke bi diedi ba. Siiri yaaba ki go den tuo ki todi Anmoni buolu.

Gourmanchéma Bible

¹⁹ Hadadeseli n den die yaa batieba kuli n den laa ke Isalele yaaba paadi ba, bi den goa ki mangi leni bani Isalele yaaba ki teni ke bi diedi ba. Sili yaaba ki go den tuo ki todi Amoni buolu yaaba.

2 Samueli 10:19 ပူးပေါင်းရင်းမြစ်များ

2 Samueli 8:3

Davidi go den paadi Siiri diema yaa diebiga Tisoba yaa bado Rehobi bijua Hadadeseri. O den paadi o, wani Hadadeseri n den moandi ke o baa guani ki diedi u kpenciamu Efrati yaa yogunu.

2 Samueli 8:6

O den kaani a koanbala Damasi, Siiri diema nni. Siiri yaaba mo den tua Davidi naacenba, ki den pa o li lubili. O Diedo den puuni Davidi mi paadima wan gedi naankani kuli.

1 Bi Badiba 20:1

Siiri bado Beni-Hadadi den taani o toatieba kuli. O den yegi leni piitaa n badibilie, i taami leni ti toateliti, ki gedi ki lindi ki cebini Samari dogu, ki baa u.

1 Bi Badiba Jama 19:19

Hadadeseri toatieba n den sua ke Isidayeli yaaba paadi ba, bi den tieni mi yanduanma leni Davidi, ki ji den tua o naacenba. Lani n teni ke Siiri yaaba naa go den bua ki todi Anmoni yaaba.

Esayi 26:11

O Diedo, a nuu yuugi ki baa pua, Ama baa faami a cuu po. Bi baa le a buacianma a niba po, I fe n cuo ba. Yene ke u mu baa je a yibalinba.

Danieli 2:37

A tie bi badiba kuli bado, kelima tanpoli Tienu puni a li bali, u paalu, u fidu leni ti kpiagidi.

Josue 11:10

Josue den lebidi ki guani ki baa Hatisori dogu, yuu n den kpa tie nuganu po diema kuli docianmoanu. O den kpa u bado,

Mi Doagidima 18:10

Ti jawaandi baa cuo ba, kelima u funfunma po, ban piadi ki sedi foagima ki tiani: ‹Fala, fala, fini u dociamu, Fini Babilonni, Yaa dogu n den pia u paalu. A buudi baa a po yenma Ki yoginjenjenga nni.›

Bi Bujiaba 1:7

O den yedi: «Badiba piilele, ban den jia yaaba yaa nibijala leni bi taajenbijala den gandi ti jejoagidi n saajekaanu kani. O Diedo guani nni min den tieni yaala.» Bi den gedini o Jerusalemi, ke o ban kpe lipo.