2 Samueli 1:16 - U TIENU MAAMA TILI 2013

¹⁶ Davidi den yedi: «Ŋan bi yedi ke a kpa o Diedo n gandi yua yeni, a ñoabu n cuo ŋa. Lani yaa po, a soama tagili n guani ki baa a yuli po.»

Gourmanchéma Bible

¹⁶ Dafidi den yedi: «Ŋan bi yedi ke a ku Li Miali Diedo n gandi yua yeni, a ñoabu n cuo ŋa. Lani yaa po a soama tagili n goa ki baa a yuli po.»

2 Samueli 1:16 ပူးပေါင်းရင်းမြစ်များ

2 Samueli 1:10

N den nagini o ki kpa o kelima wan den baa ki poagili maama, n den bani ke o kan go yaa ye. N den ñani o yuli po ki badifogiliga ki pidi o biali ki cuani li kuli fini n daano kani.»

2 Samueli 16:8

O Diedo n teni ke Sayuli diegu nni yaaba soama kuli guani ki baa fini Davidi yuli po. A den gaa o kani li bali ki dini, lani yaa po yo ke o Diedo taa mi diema bali ki teni a bijua Abisalomi ke a mo ji ye leni fala moala, kelima a tie nikpalo.»

1 Bi Badiba 2:37

Ŋan bandi bonŋanla ke a yaa ñani Jerusalemi ki duodi Sediron fuanu ne yaa daali, a baa kpe. A soama mo baa guani ki baa a yuli po.»

Jobi 15:6

A ñoabu n cuo ŋa. Laa tie mini ka, A maama n cuo ŋa.

Mi Kpanjama 6:2

Naani a maadi ki loli a yuli, Bi a teni ke a maama cuo ŋa?

Esekieli 18:13

ki dindi li panli ki gaani ti ñuadi. Naani laa nilo baa yaa ye? Moamoani, o kan yaa ye, kelima o tieni laa cagindi kuli. Laa pia kuli tama, o baa kpe, o soama mo n guani ki jiidi o yuli po.

Esekieli 33:5

Yua n gbadi li naatuntunli piebima ki naa tuo ke bi waani o, o soama jagi o yuli po. Yua n tuo ke bi waani o, baa faabi o miali.

Levi 20:16

Pua mo yaa nagini yanga ki taani leni ga, bi baa kpa o pua leni ki yanga yeni kuli. Bi baa kpa ba, bi soama n guani ki jagini bi yula po.

Levi 20:27

Joa, yaa ka pua, yua n baa fidi ki maadi leni bi tinkpiba, bi ki bu ku baagu, bi baa kpa o. Bi baa lugidi o a tana ki kpa o. Laa niba soama baa guani ki jagini bi yula po.»

Levi 20:9

Yaa nilo n soli o baa bi o naa kuli, bi baa kpa li daano. O soama baa guani ki jagini o yuli po, kelima o den soli o baa bi o naa.

Matie 27:25

Ku niligu kuli den guani ki yedi o: «O soama n baa tinba leni ti bila po!»

Luki 19:22

O bado den yedi o: ‹O naacenbiado na, n cuo ŋa a maceli nni. A den bani ke n tie yaa nilo n pia ki mabinga, ki taani min kaa bili yaala, ki go yendi min kaa buli yaala.

Jesu Tondiba Tuona 18:6

Ama Jufinba n den nia Poli maama ki sugidi o, o den yoagi o tiadi ki yedi ba: «Yi soama n guani ki wuli yi yula po. Mii pia lienni tagiliba kuli. Dinla liiga, n baa caa ki wangi bi nilanbe o Laabaaliŋamo.»

Jesu Tondiba Tuona 20:26

Li tie lani yaa po, ke n kadi ki waani yi dinla, ke yi siiga oba kuli soama ki go maa n yuli po.

LOMA YAABA 3:19

To, ti bani ke U Tienu bali maama n bili yaala kuli tie li bali maama n die yaaba po, ki baa teni nilo kuli ñoabu n mubini, bi niba kuli n tuo ke bi pia i tagili U Tienu nintuali.

Mi Tiadima 19:10

Yeni, yua n naa pia tagili yaa soama kan wuli, o Diedo yi Tienu n puni yi yaa diema ke mi tua yi yaama yeni niinni. Lani yaa ka, laa soama baa guani ki jiidi yi yaa yula po yo.

Josue 2:19

Bi siiga nni, niloba yaa ñani a diegu nni, o soama baa jiidi o yuli po, o tagili ki ŋua tinba. Ama ti siiga nni, nilo yaa maani o nuu yua n taa ki ye leni a a diegu nni kuli po, ki kpa o, o soama baa yaa ye ti yaa yula po yo.

Bi Bujiaba 9:24

Yeni, bikuli den baa gaa ban tieni Yerubaali bijapiileleediba yaa biadima panpaani. Bi soama baa guani ki jiidi bi naataanu Abimeleki yua n den kpa ba yuli po, ki go jiidi Sikemi yudanba yaaba n den todi o ke o kpa ba mo yaa yula po.

1 Samueli 25:39

Davidi n den gbadi ke Nabali kpe, o den yedi: «N jaandi ki pagi o Diedo yua n den koani ki gaa nni Nabali n den fali nni yaa yogunu. Wani o Diedo n yie ke mini o naacemo n da tieni yaala n bia. O Diedo teni ke Nabali biadima guani ki baa o yuli po.» Li yaa puoli, Davidi den soani ke bi waani Abigayili ke o bua wan tua o pua.

1 Samueli 26:9

Ama Davidi den yedi Abisayi: «Da kpa o, kelima ŋme n baa fidi ki tandi o nuu ki pua o Diedo n gandi yua, ke wani U Tienu kan cuo o?»