2 Pieri 2:2 - U TIENU MAAMA TILI 2013

² Bi cancaginyema nni, niba boncianla baa ti ŋoadi ba, ki teni bi niba n yaa sugidi i moamoani sanu.

Gourmanchéma Bible

² Niba boncianla baa ti ŋoadi ba bi cancaginyema nni, ki teni bi niba n sugidi i moamoani sanu.

2 Pieri 2:2 ပူးပေါင်းရင်းမြစ်များ

Mi cilima 19:5

Bi den yini Loti ki yedi o: «Yaa niba n kua a diegu nni dinla ñiagu yeni, bi ye le? Teni ban ña ti kani tin taani leni ba.»

Pisomi 18:21

O Diedo tieni n po nani min tiegi maama, Nani n nii n ki pia biadima maama,

Esayi 35:8

U sanu baa yaa ye likani, Bi baa yaa yi li sanu: «Yaa sanu n gagidi.» Yaa nilo n joagini kuli kan poandi likani. U baa yaa tie bani bebe yaa po yo. Ba bi yanluodanba yaa tagini u, bi kan bodi.

Jeremi 6:16

O Diedo yedi nanda: «Sedi mani i sani nni ki diidi bonŋanla. Buali mani yi yaajanba sani n ye naani. U sanŋamu ye le yo? Lanwani, tagini mani wuni, Ki baa yi yula po mi fuodima. Ama bi guani ki yedi: ‹Ti kan tagi u niinni ba!›

Matie 22:16

Bi den soani o kani bi ŋoadikaaba leni o bado Herodi buakaaba, ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Matie 24:24

A tuonanda yaaba n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi i sinankeenciami leni li bonlidinkaala, hali ke bi yaa bi baa fidi, bi baa boandi ba U Tienu n gandi yaaba moko.

Matie 7:14

Ama yaa buliñoabu n miabi leni yaa sanu n miabi kuli caa yaa miali n kan gbeni kani, yaaba n laadi laa sanu mo naa yabi.

Marki 12:14

Bi den cua ki yedi o: «Canbaa, ti bani ke a tie moamoandaano, ŋaa jie oba kuli, ŋaa gagidi oba kelima bi niba n nua ke o tie maama po, a bangi bi niba U Tienu sanŋoadima leni i moamoani mo. Naani li pia u sanu tin pa Loma badiciamo Sesari li lubili, bi laa pia? Tin pa, bi tin da pa yo?»

Marki 13:22

Yaa tuonanda n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi sinankeeninba leni li bonlidinkaala, hali ke bi yaa bi baa fidi, bi bi baa boandi U Tienu n gandi yaaba.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jesu Tondiba Tuona 13:10

ki yedi o: «Fini yua n gbie leni bu nunfanbiadibu leni i janbi buoli kuli, ki tie Sutaani bijua, ki tie mi teginma kuli yibali, a kan cedi ki da go moandi ke a baa golini o Diedo jaga?

Jesu Tondiba Tuona 14:2

Ama Jufinba siiga yaaba n den yie kaa tuo ki daani, den fiini bi nilanba pala ki teni ke baa go mani leni li dandanli yaaba.

Jesu Tondiba Tuona 16:17

O den cili ki ŋua Poli leni tikuli ki tangi: «Yaa jaba n tie ne tie U Tienu yua n ye hali tanpolijoma naacenba. Bi wangi yi U Tienu tindima sanu maama.»

Jesu Tondiba Tuona 18:26

Wan den cua Efesi yeni, o den cili ki maadi li bali maama bangima dieli nni leni li papaali. Akilasi leni Prisili n den gbadi o maama, bi den taa o ki gedini o bi denpo, ki doagidi o po U Tienu sanŋoadima maama, ke o bandi ma ki pugini.

Jesu Tondiba Tuona 19:9

Ama bi tianba pala den juagi, baa tuo ki gaa o maama ke mi tie moamoani. Bi go den sugidi o Diedo Jesu sanŋoadima bi niba kuli nintuali. Lani yaa po, Poli den ŋaa ba, ki taa bi ŋoadikaaba ki piadi ki maadi leni ba Tilanusi cogidieli nni.

Jesu Tondiba Tuona 22:4

N den waani yaaba n ŋua Jesu sanŋoadima na fala hali ki kpaani ba. N den loli bi jaba leni bi puoba kuli, ki kuani ba a kpaadidiena nni.

Jesu Tondiba Tuona 24:14

Ama ban yini yaa jaanma jaanbuocaanu yeni, n tuo a nintuali ke n ŋua ma, ki jaandi ti yaajanba Tienu, ki dugi yaala n diani li bali maama nni leni bi saawalipuaba tila nni po.

LOMA YAABA 2:24

Nani lan diani maama: «Yinba yaa po n teni ke bi nilanba sugidi U Tienu yeli.»

1 Timote 5:14

Lani yaa po, n bua ke yaa kpepuona n da paani n kuni bi jaba, ki maa a bila, ki kubi bi diegu ŋantaadi, ki da pa yibali u sanu ban sugi ba.

Titi 2:5

ki kubi bi yula, ki yaa pia yaa yantiali n ŋani, ki yaa tuuni bi diedi tuona bonŋanla, ki go yaa ŋanbidi bi niba po, ki miindi bi yula bi ciaba kani, ke oba kuli n da sugidi U Tienu maama.

Titi 2:8

Ŋan maadi yaa maama kuli n yaa ŋani, bi niba n kan fidi ki jaligi yaama. Lani n tie yibali n fiagi, ki da baa kuli, wan baa fidi ki maadi ti po yaa mabiadima.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

2 Pieri 2:12

Ama laa niba tie nani ti yandi yeni, yaadi n ye ban cuo ki kodi po. Bi sugidi ban ki bani yaala. Bi baa kpa ba nani ti yandi yeni.

2 Pieri 2:15

Bi ŋaa yaa sanu n tiegi, ki yaadi ki ŋoadi Beori bijua Balaam n den tagi yaa sanu, wani yua n den bua ki baa yaa panpaani n ki tiegi.

2 Pieri 2:18

Bi pia ti japaadi, ki maadi yaa macianma n ki pia mayuli. Bi boandi ki dia leni ti gbanandi bonbuakaala, yaaba n faabi leni bi niyaadikaaba yeginu, ke li daa waagi.

2 Pieri 2:21

Bi yàá den bandi mi teginma sanu, li den baa yaa tu bi po ki cie ban bandi ki lebidi ki ŋaa ban den baa yaa bali maama, yaama n gagidi ki ŋani.

2 Pieri 2:7

Ama o den gaa Loti miali, wani yua n den tie niteginka, ki yagini o yama boncianla kelima laa nibiadiba cancaginyema po.

Jude 1:10

Ama laa niba sugidi ban kaa bani yaala. Ba ban bani yaala mo, bi ŋua la nani ti yandi yeni, ke li caani ba mi bodima po.

Jude 1:15

O baa jia bi niba kuli buudi, ki cuo yaaba n yie o kuli, kelima ban yie o ki tieni yaala yaa po. O go cuo ti tuonbiadi danba yaaba n yie o yeni, kelima ban sugidi o yaa sugidi po kuli.»

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Jude 1:7

O go den tieni yene, Sodomi, Gomori leni li dobila yaaba po. Bani yaaba n den tieni nani laa malekinba yeni, ki puni bi yula mi conconma leni ti cagindi buoli kuli po. Ba moala bi laadi yaa mu n kan gbindi buudi fala, ki tie bi niba kuli po nannanli, ki tuodi ki tundi ba.

Mi Doagidima 12:9

Bi den luni o bonfuodi-biadiciamo yeni, wani o Waakpelo, ban go yi yua ku Tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga po, wani leni o malekinba.

Mi Doagidima 13:14

O den boandi ki tinga yaaba leni wan den tiendi yaa bancianma, ki fuayankpiaga nintuali. O den teni ke ki tinga yaaba n tagi ki fuayankpiaga, yua n den baa ki jugisiega poagilima ki go paagi yeni, nannanli.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.