2 Pieri 2:1 - U TIENU MAAMA TILI 2013

¹ Nani bi saawalipua-faadanba n den ye Isidayeli yaaba siiga maama, bi bangi-faadanba moko baa yaa ye yi siiga yene. Bi baa boandi ki kuani mi bangifaama yaama n bia yi siiga. Laa bangima baa bolini bi niba. Bi baa yie ba o Diedo yua n den daa ki faabi ba, ki jaligi ki cuani bi yula po mi bolinma.

Gourmanchéma Bible

¹ Bi sawalipua-faadanba mo den ye Isalele yaaba siiga. Bi bangi-faadanba baa ye yi moko yaa siiga yene. Bi baa boandi ki kuani mi bangitudikaama yi siiga nni, yaama n baa bolini bi niba. Bi baa yie o Diedo yua n den da ki faabi ba, ki cuani bi yula po yaa bolinma n baa baa bipo tontoni.

2 Pieri 2:1 ပူးပေါင်းရင်းမြစ်များ

1 Bi Badiba 22:6

Lani yaa po, Isidayeli diema bado den yini ki taani bi saawalipuaba ke bi bua ki pundi niba kobinaa, ki yedi ba: «Min gedi ki ban baa Galaadi diema yaa Ramoti bu toabu, bi min da gedi?» Bi den guani ki yedi o: «Fii ki gedi, kelima o Diedo baa taa u ki tieni a nuu nni.»

Mi Ñama 15:16

I jeje leni ti jawaandi baa cuo ba. A buagu paalu baa teni ban tua muula nani li tanli yeni. Bi kan fidi ki tieni liba kuli hali a niba, Ŋan faabi yaaba yeni n baa pendi.

Esayi 9:15

Bi naa niba gobidikaaba baa biani ba. Yaaba n teni ke bi gobidi ba mo baa bodi cain.

Jeremi 29:21

Li Miali Diedo U Paaciamu Kuli Daano, Isidayeli Tienu maadi Kolaya bijua Akabi leni Maaseya bijua Sedesiasi, yaaba n pua mi saawalifaama n yeli nni: «N baa lu ba Babilonni bado Nebukanesa nuu nni. Bi baa pua ki kpa ba yi nunbu nni.

Jeremi 37:19

Yi saawalipuaba yaaba n den pua saawali ki tua: ‹Babilonni bado kan cua ki baa yi, o kan cua ki baa mi diema yeni ye le?›

Jeremi 6:13

A bonwaala leni a nikpela kuli, Lingi bi yucela ŋamu bebe yo. Ki cili o kopadiciamo ki ban tuoni o saawalipualo, Bikuli ye i janbi po yo.

Jeremi Bubula 2:14

A saawalipuaba baa a po li bonlekaala, Yaa bonlekaala n ki pia ñuadiba, Kaa pia fuomiba kuli mo. Baa kadi ki waani a tagili kuli cain, Ki baa ñani a ti yonbidi nni. Bi baa a po yaa bonlekaala n kaa mani, Ki go pia i boandi.

Ose Tili 9:8

U Tienu ye leni yua n se ki guu Efrayimi buolu, O saawalipualo yeni, Ama bi ŋua ki dia o ti dadi o sani nni kuli. Ba o Tienu diegu nni, bi fii ki sedi o po.

Mise 2:11

Yaa nibuolu n tie ne bua yaa nilo n tiini, Ki ŋua u faalu ki pua mi faama ki tua: ‹N baa maadi yi po duven maama Leni mi dabiadima yaa maama.›

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Mise 3:5

O Diedo yedi yaa saawalipuaba n boandi o niba, Ke bi yaadi ki ŋaa o sanu: «N niba yaa puni yi bonŋmankaala, Se yin yaa tua ba ke mi yemanma baa yaa ye. Ama bi yàá puni yi bonŋmankaaliba mo, Yin yaa tua ba ke bu toabu baa cua.

Malaki 3:5

Li Miali Diedo U Paaciamu Kuli Daano yedi: «N baa cua yi siiga ki jia ti buudi. N baa taa a lingida leni mi conconma danba tagili. N baa fii ki sedi yaaba n polini ki pua mi faama leni yaaba n mabindi bi tuonsoanba kaa pa ba bi ligi po. N baa fu leni yaaba n faligidi a kpepuona, a kpienbila leni bi canba.»

Matie 10:33

Ama yua n nia nni bi niba nintuali, nmoko baa nia o n Baa yua n ye tanpoli nintuali.

Matie 24:11

Bi saawalipua-faadanba baa fii boncianla, ki boandi bi niba boncianla.

Matie 24:24

A tuonanda yaaba n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi i sinankeenciami leni li bonlidinkaala, hali ke bi yaa bi baa fidi, bi baa boandi ba U Tienu n gandi yaaba moko.

Matie 24:5

Bi niba boncianla baa ti cua n yeli nni ki yedi: ‹Mini n tie U Tienu n Gandi Yua.› Lani, bi baa boandi bi niba boncianla.

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

Marki 13:22

Yaa tuonanda n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi sinankeeninba leni li bonlidinkaala, hali ke bi yaa bi baa fidi, bi bi baa boandi U Tienu n gandi yaaba.

Luki 12:9

Ama yua n nia bi niba nintuali ke waa tie n yua, nmoko baa nia U Tienu malekinba nintuali ke waa tie n yua.

Luki 21:8

Jesu den guani ki yedi: «Fangi mani yi yula ke ban da boandi yi, kelima bi niba boncianla baa ti cua n yeli nni ki yedi: ‹Mini n tie U Tienu n Gandi Yua›, ki go yedi: ‹U yogunu nagini.› Yin da ŋoadi ba mani.

Luki 6:26

Fala baa yaa ye leni yi bi niba kuli yaa ti pagi yi, bi yaajanba moko den pagi bi saawalipua-faadanba yene.

LOMA YAABA 16:18

Laa nibuolu naa tuuni ti Diedo Kilisiti po ka, bi tuuni bi tugidi po yo. Bi maadi mi madingima leni mi mamanma, ki boandi yaaba n ki fani.

1 Korenti 11:19

kelima li tie tiladi mi paadima n yaa ye yi siiga, ke yaaba n se i moamoani nni n doagidi.

1 Korenti 6:20

Moamoani o daa yi leni yaa dunga n pa. Lanwani, yin yaa kpiagidi U Tienu yi gbanandi nni.

1 Korenti 7:23

U Tienu den daa yi yaa dunga n pa, lanwani da tua mani bi nisaaliba yonbi.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa faabima Jesu Kilisiti nni, ke ban fidi ki go kuani ti li bali maama yonbidi nni.

Galati 3:13

Kilisiti den daa ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Galati 4:17

Yaaba n kpali ke bi bua yi yeni, jaga ki ŋani. Bi bua ke yin paadi leni nni ki ŋoadi bani.

Galati 5:20

i buli ŋoadima, u ñoagubiadu lingima, ti yibalindi, li koanli, li nunponli, li pabienli, mi niagima yantiali, mi paadima,

Efesa 1:7

Ti baa mi daafaabima o niinni kelima o soama po leni ti tuonbiadi sugili, nani o ŋanbili n yabi maama po.

Efesa 4:14

Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Mi Tiadima 32:6

Naani yi tungi o Diedo yo yi tagili, Yinba yaa buolu n luo mi yama, kaa go pia yanfuoma yeni? Naani wani ka tie yi baa leni yi Tagido? Naani wani ka den tagi yi, ki den puni yi u fidu?

Filipi 3:19

Bi juodima baa yaa tie mi bodima. Bi tugidi n die ba. Ban tama ke yaala n tie bi po ti jigidi yeni, tie bi po i fe yo. Bi kuandi bi yama ŋanduna bonla nni bebe.

Kolosi 2:18

Yin da tuo niloba kuli n fie yi nuama panpaani, nani wan bua maama, ba yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po.

Kolosi 2:8

Fangi mani yi yula, ki da tuo oba kuli n cuo yi yama leni o nisaalo yanfuoma, yaama n ŋua bi nisaaliba bangima yaama n tie fanma fanma, ki tie boandi, ki ŋua bi nisaaliba danbogida leni ŋanduna paaciami, ki naa ŋua Kilisiti.

1 Timote 5:8

O nilo yàá kubi o niba, yaala n tugi li yuli tie o dieceli niba, o nia li dandanli. O bia ki cie ba yua n kaa daani.

2 Timote 4:3

U yogunu baa ti cua ke bi niba kan go tuo ki yaa ŋua mi bangiŋanma. Ama bi baa yaa bua yaala n mani bi po bebe, ki lingi bi bangikaaba ki pugidi, yaaba n baa bangi ba ban bua ki yaa gba yaala.

Titi 1:11

Li tie tiladi ŋan mubini bi ñoana, kelima bi yagini ti dietiandi yama, ki bangi ki bua ki baa i janbi ñuadi.

Titi 3:10

Yaa nilo n fiindi mi paadima, ŋan tundi o yenma, ki go pugini mi liema. Lani yaa pendi, ŋan paadi leni o,

Hebilunba 10:29

Lanwani, yua n fali U Tienu Bijua, ki nua ke o ŋantaado yaa soama yaama den n ŋuudi ki ŋanbi o yeni tie fanma, ki go sugi li ŋanbili paabu Fuoma, naani o yaa cuonu ka baa yaa bia ki cie?

1 Pieri 1:8

Ba ke yi daa laa o, yi bua o. Ba ke moala yii nua o, yi daani o, ki pia yaa pamancianli n pia ti kpiagidi, ki pendi bu ñoabu yedima,

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.

1 Jan 2:26

N den diani yi po mi naa maama, kelima yaaba n bua ki yaani yi po.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.

Jude 1:18

Bi den tua yi: «Mi juodima yogunu li ñuali danba baa yaa ye, yaaba n ŋua bi gbanandi bonbuakaala, ki yie U Tienu.»

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Mi Doagidima 13:14

O den boandi ki tinga yaaba leni wan den tiendi yaa bancianma, ki fuayankpiaga nintuali. O den teni ke ki tinga yaaba n tagi ki fuayankpiaga, yua n den baa ki jugisiega poagilima ki go paagi yeni, nannanli.

Mi Doagidima 2:13

‹N bani a deni n ye naankani. Likani tie Sutaani bali kalikaanu n ye naani. A kubi n yeli, ŋaa den nia li dandanli ba ban den kpa n nidugika Antipasi yaa dana nni yi dogu nni. Bi den kpa o yi dogu nni, Sutaani n ye naani yeni.

Mi Doagidima 2:9

‹N bani ŋan ye leni yaa fala leni a luoma. Ama moamoani po, a pia. N go bani yaaba n tua ke bi tie Jufinba ki naa tie, n sugidi a yaa sugidi. Ama bi tie Sutaani nitaanli yaaba.

Mi Doagidima 3:8

‹N bani a tuona. Diidi, n luodi ki yaani a po bu buliñoabu, niloba n kan luoni yaabu, kelima a pia u paalu waamu bebe. Ama ba yeni, a kubi n maama ki naa nia n yeli.

Mi Doagidima 5:9

Bi den yiini bu yanpanbu ki tua: «A pundi ki gaa li tili ki tabidi mi maalima, Kelima bi den kodi a, Ke a daa bi niba U Tienu po leni a soama. Lani, a faabi ba i buoli leni i mabuoli kuli nni, Ki go faabi ba i nibuoli leni mi diema kuli siiga.

Mi Doagidima 6:10

Bi den kpaani ki tua: «Canbaa yua n gagidi ki ŋani ki tie moamoandaano, hali u laa yogunu ke a go baa waagi, ki daa jia ti buudi leni ki tinga niba, ki guani ba bi panpaani ti soama po?»