2 Pieri 1:19 - U TIENU MAAMA TILI 2013

¹⁹ Lanwani, ti dugi ke bi saawalipuaba maama tie moamoani cain. Li pundi yin fangi laa maama bonŋanla. Mi tie nani yaa fidisanga n yendi yaa kaanu n biigi nni yeni, hali lan baa faa mi yenma n yendi, ki tiŋaaŋmabiga mo n pudi yi pala nni.

Gourmanchéma Bible

¹⁹ Lanwani ti dugi ke bi sawalipuaba maama tie moamoani cain. Li pundi yin fangi laa maama bonŋanla, kelima mi tie nani yaa fidisanga n yieni yaa kaanu n biigi niinni yeni hali lan baa fandi, mi yenma n yendi, ke ki tiŋaŋmabiga mo n pudi yi pala nni.

2 Pieri 1:19 ပူးပေါင်းရင်းမြစ်များ

Pisomi 119:105

A maama tie fidisanga n taana po, Ki go tie yenma n sanu nni.

Mi Kpanjama 6:23

Kelima li ñoamabonbilikaali tie nani ki fidisanga yeni, Mi bangima mo nani mi yenma yeni, Tundifala mo tie li miali sanu.

Esayi 14:12

Li gaa lede ke a ñani tanpoli ki baa, Fini ku tiŋaagu ŋmabicoancoanli. Bi pua ki luni a tiipo, Fini yua n den paani i nibuoli.› »

Esayi 41:26

Ŋme n den puni o li laabaalo hali mi cilima? Ti bua ki bandi o. Ŋme n den tuodi hali yogu ki maadi o maama? Ke tin waani o ke o maama tie moamoane.› Niloba ki den maadi la, Niloba ki den puni li laabaalo, Niloba kuli mo ki den gbadi Ke yi maadi li maama.

Esayi 8:20

Bi yaa buali yi, yi baa guani ba: Li tie ban guani li bali maama leni siedi kane. Bi yàá tieni yeni, suginmiba kuli kan yaa ye bi niba po.

Esayi 9:2

A teni ke u buolu yabidi, Ke a puni u niba li pamancianli. Bi pala mangi a nintuali nani U jetaagu pamanli, bi nani bi niba N yen mangidi bi pala Ti fagidi boagidima yogunu maama yeni.

Matie 4:16

Yinba yaaba n den ye li biigili nni, Yi laa mi yencianma. Laa yenma yendi bani, Yaaba n den kaa mi kuuma biigili diema nni.»

Jan n diani U Tienu Laabaaliŋamo maama 5:35

Wani Jan n den tie yaa fidisanga n co ki yieni. Yi den tuo ki mangi yi pala o yenma nni u yogunu waamu.

Jan n diani U Tienu Laabaaliŋamo maama 5:39

Yi cogi ki kpaagi i Diani po bonŋanla, kelima yi tama ke yi baa baa yaa miali n kan gbeni lienni. Laa Diani n tiendi n po siedi.

Jan n diani U Tienu Laabaaliŋamo maama 8:12

Jesu go den yedi bi niba: «Mini n tie ŋanduna yenma, yua n ŋua nni kuli, kan go cuoni li biigili nni, ama o baa baa li miali yenma.»

Jesu Tondiba Tuona 15:29

‹Yin kubi yi yula ki da je i buli padijiedi, ki da ŋmani mi soama leni ti yansoadikaadi, ki go kubi yi yula leni conconbuolu kuli. Li baa yaa ŋani yi po yin yaa kubi yi yula, ki da tieni lani kuli. U Tienu n waani ti tiyaba!› »

Jesu Tondiba Tuona 17:11

Yaa Jufinba n ye laa dogu nni den tie nimoanba ki cie Tesaloniki yaaba. Bi den kuani bi yama ki gaa U Tienu maama, ki lingi daali kuli i Diani nni, ki baa le ban wangi ba yaala yaa tie moamoani.

Hebilunba 2:2

Ti bani ke malekinba n den wangi yaa maama, den sedi bonŋanla, ki go tiendi mo. Yua n den miidi kaa tuo ki ŋua man bili yaala kuli, den baadi yaa panpaani n dagidi.

Jaki 2:8

Yi yaa kubi U Tienu diema bali maama, nani lan diani maama li ŋani. Mi yedi: «Ŋan bua a lielo nani ŋan bua a yuli maama.»

1 Pieri 1:10

Bi saawalipuaba yaaba n den pua saawali, U Tienu n bili yi po yaa ŋanbili po, den lingi ki buali, ki bua ki bandi laa tindima maama fuuli.

1 Jan 5:10

Yua n daani U Tienu Bijua pia laa siedi o niinni. Ama yua n naa daani U Tienu, o yedi ke U Tienu pua faama, kelima waa daani U Tienu n tieni yaa siedi o Bijua po.

3 Jan 1:6

Bi den togidi Kilisiti Nitaanli siiga, ŋan pia yaa buama. Li baa yaa ŋani ŋan todi ba ban suagi liiga bi sancenli po, nani lan dagidi U Tienu po maama.

Mi Doagidima 2:28

N go baa pa o ki tiŋaaŋmabiga.

Mi Doagidima 22:16

Mini Jesu den soani n maleki, ke wan doagidi yi po laa bonla kuli n Nitaana nni. N tie Davidi benkpeli leni o puoliŋuanu, ki go tie ki tiŋaaŋmabiga yaaga n yendi ki ñuliti.»