2 Pieri 1:17 - U TIENU MAAMA TILI 2013

¹⁷ O den baa ti jigidi leni ti kpiagidi U Tienu yua n tie Baa kani. Li den tie u nialu ñani U Tienu bali kpiagidi nni yaa yogunu, ki yedi: «One n tie n Bibuadiga, n pali n mani yua yaa po hali boncianla.»

Gourmanchéma Bible

¹⁷ O den baa ti jigidi leni ti kpiagidi U Tienu yua n tie Baa yaa kani. Li tie yaa yogunu ke u nialu den ñani U Tienu bali kpiagidi nni ki yedi: «One n tie n *Bijabuadiga, n pali n mani yua yaa po hali boncianla.»

2 Pieri 1:17 ပူးပေါင်းရင်းမြစ်များ

Esayi 42:1

Diidi n naacemo, Min kubi yua ke o se bonŋanla, Min gandi yua, N pali n mani yua yaa po. N kuani n Fuoma o niinni, O baa yaa wangi i nibuoli mi teginma.

Esayi 53:10

O Diedo den tuo ke bi pua ki moagi o, Ki waani o fala. Wan puni o miali ke li tua li padili yeni, O baa le o puoliŋuani, O miali baa foagidi, O Diedo yanbuama mo n tieni o nuu nni.

Matie 12:18

«Diidi min gandi n naacemo yua, Wani n buado, n pali n mani yua yaa po boncianla. N baa kuani n Fuoma o niinni, Wan yaa wangi i nibuoli kuli mi teginma.

Matie 17:3

Musa leni Eli den doagidi bi yula bi kani, ki maadi leni Jesu.

Matie 17:5

Wan den maadi yeni yaa yogunu, yaa tawaligu n yieni den libini ba. U nialu den maadi ku tawaligu yeni niinni ki yedi: «One n tie n Bibuadiga, n pali n mani yua yaa po hali boncianla. Cengi mani o.»

Matie 28:19

Lanwani, gedi mani ki tieni i nibuoli kuli nni bi ŋoadikaaba, ki batisi ba Baa, Bijua leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Matie 3:17

Lanyogunu u nialu den maadi tanpoli po ki yedi: «One n tie n Bibuadiga, n pali n mani yua yaa po hali boncianla.»

Marki 1:11

Bi den gbadi ke u nialu maadi tanpoli po ki yedi: «A tie n Bibuadiga, n pali mani a po hali boncianla.»

Marki 9:7

Ku tawaligu den libini ba, u nialu den maadi ku tawaligu nni, ki yedi: «One n tie n Bibuadiga, cengi mani o!»

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua, kali Baa bebe. Oba kuli mo ki bani Baa n tie yua, kali Bijua leni wani Bijua n bua ki doagidi o yua yaa po.»

Luki 3:22

ke U Tienu Fuoma Yua ñani lipo ki naani leni ki kpaajiega, ki jiidi ki jagini Jesu po. Bi den gbadi u nialu ke u maadi hali tanpoli po ki yedi: «A tie n Bibuadiga. N pali mani a po hali boncianla.»

Jan n diani U Tienu Laabaaliŋamo maama 10:15

nani n Baa n bani nni ke nmo bani o maama yeni. N puni n miali n pe po.

Jan n diani U Tienu Laabaaliŋamo maama 10:36

Li gaa lede ke yi yedi ke n sugi U Tienu, kelima n yedi ke n tie U Tienu Bijua, mini U Tienu yua n tie ti Baa n gandi ki gagidi yua, ki soani nni ŋanduna nni?

Jan n diani U Tienu Laabaaliŋamo maama 14:11

Daani mani nni ke n ye Baa niinni, ke Baa moko ye n niinni. Lani yaa ka daani mani kelima a naa tuona po.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 17:21

Min mia ŋa bi po yaala tie line: bikuli n yaa tie yendo nani fini Baa n ye n niinni, ke nmoko ye a niinni maama. Bani mo n yaa ye ti niinni, ke ŋanduna yaaba n daani ke fini n soani nni.

Jan n diani U Tienu Laabaaliŋamo maama 20:17

Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po, ki ban waani ba ke n baa do n Baa yua n tie yimoko yaa Baa po, wani yua n tie mini leni yinba kuli Tienu yeni po.»

Jan n diani U Tienu Laabaaliŋamo maama 3:35

Baa U Tienu bua o Bijua, ki dini o li bonla kuli bali ke o die.

Jan n diani U Tienu Laabaaliŋamo maama 5:20

Li tie kelima Baa bua Bijua ki wangi o wani o ba n tiendi yaala kuli. O go baa waani o yaa bonbuolu n cie line ke li baa paki yi.

Jan n diani U Tienu Laabaaliŋamo maama 5:26

Nani Baa n pia li miali o niinni maama, o teni ke Bijua moko pia li miali o niinni yene.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O Joa Bijua n baa pa yi laa jiema kelima Baa U Tienu n tieni o po o maalima.»

Jan n diani U Tienu Laabaaliŋamo maama 6:37

Baa U Tienu n puni nni yaaba kuli baa cua n kani. N kan deli yua n cua n kani kuli.

Jan n diani U Tienu Laabaaliŋamo maama 6:39

Yua n soani nni yanbuama yeni tie line: Min da biani wan puni nni yaa niba kuli siiga ba niyendo, ama ke min fiini ba bi tinkpiba siiga, li juodidaali.

LOMA YAABA 15:6

Lani n tie yin taani yanyenma leni ñoayenbu, ki yaa kpiagidi ti Diedo Jesu Kilisiti Tienu leni o Baa.

2 Korenti 1:3

U Tienu yua n tie ti Diedo Jesu Kilisiti Tienu leni o Baa, wani mi ninñingbadima kuli Baa leni i baagi kuli Tienu, n baa ti pagidi.

2 Korenti 11:31

U Tienu yua n tie o Diedo Jesu Baa, wani yua n pia ti pagidi hali yaa yogunu kuli, bani ke mii pua faama.

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

2 Jan 1:3

U Tienu yua n tie Baa leni Jesu Kilisiti yua n tie Baa Bijua n pa ti li ŋanbili, ki yaa gba ti po mi ninñima, ki go yaa puuni ti mi yanduanma, i moamoani nni leni mi buama nni.

Jude 1:1

Mini Juda, yua n tie Jesu Kilisiti naacemo ki go tie Jaki waalo, n diani li tili yi po, yinba, U Tienu yua n tie Baa n yini yaaba ki bua ba, ki kubi ba Jesu Kilisiti po.