2 Pieri 1:16 - U TIENU MAAMA TILI 2013

¹⁶ Tin den waani yi ti Diedo Jesu Kilisiti guacuama leni o paalu maama, tii den ŋua bi niba n bungi ki ñani yaa telimi leni bi nunfanbu ka. Ama ti den laa o bali kpiagidi leni ti nunceli.

Gourmanchéma Bible

¹⁶ Tin den waani yi ti Diedo Jesu Kilisiti goacuama leni o paalu maama, tii den ŋua bi niba n bungi ki ñani yaa telimi leni bi nunfanbu ka. Ama ti den laa o bali kpiagidi leni ti nunceli.

2 Pieri 1:16 ပူးပေါင်းရင်းမြစ်များ

Malaki 3:2

Ŋme n baa fidi ki yaa ye o cuama daali? Ŋme n baa fidi ki sedi o yaa doagidi yaa yogunu? O baa yaa tie nani ban duadi ti kudi leni yaa mu yeni. O baa yaa tie nani a tiaŋuuda ciebu yeni.

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Matie 16:28

N waani yi i moamoani, yaaba n ye nekanba tianba kan kpe kaa laa ke o Joa Bijua cua o diema nni.»

Matie 17:1

Danaluoba n den pendi, Jesu den taa Pieli, Jaki leni o waalo Jan, ki piadi leni ba ki doni yaa juali n kpedi yuli po.

Matie 24:27

Nani mi tañigima n yen ña puoli ki yendi ki poandi ki gedi hali nintuali maama, o Joa Bijua cuama baa tua yene.

Matie 24:3

Jesu n den kaa Olivie Tiidi juali po, o ŋoadikaaba den cua bani bi bebe ki yedi o: «Waani ti laa bonla n baa ti cua yaa yogunu leni yaa sinankeene n baa waani ti a cuama leni ŋanduna juodima yogunu.»

Matie 28:18

Jesu den nagini ki yedi ba: «U Tienu puni nni u paalu kuli, tanpoli leni ki tinga po kuli.

Marki 13:26

Lani, bi baa le ke o Joa Bijua ye ti tawadi nni, ki kpendi leni u paalu leni ti kpiagiciandi.

Marki 14:62

Jesu den yedi o: «N tie wani. Yi baa ti le ke o Joa Bijua kaa U Paaciamu Daano jienu po, ki go le ke o ñani tanpoli ki kpendi ti tawadi nni.»

Luki 1:2

Bi den diani la ki ŋoadi hali mi cilima, yaaba n den laa laa bonla leni bi nuni, ki tua o Laabaaliŋamo wangikaaba, n togidi ti maama.

Luki 9:43

U Tienu kpiagidi leni o paalu den paki yaaba n ye likani kuli. Bi niba n den laa Jesu n tieni yaala kuli, ke li fangicianli leni li pakili cuo ba, o den yedi o ŋoadikaaba:

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga. Ti den laa wani ki Bonjayenyenga yeni, yua n gbie leni li ŋanbili leni i moamoani kpiagidi. O den baa laa kpiagidi Baa kani.

Jan n diani U Tienu Laabaaliŋamo maama 17:2

A dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

LOMA YAABA 1:4

Ama li doagidi leni U Tienu Fuoma Yua paalu po, ke o tie U Tienu Bijua, kelima o fiima bi tinkpiba siiga yaa po. Wani n tie ti Diedo Jesu Kilisiti.

1 Korenti 1:17

Kilisiti naa den soani nni ke min batisi bi niba ka. Ama o den soani nni ke min yaa wangi o Laabaaliŋamo, ke laa tie min yaa wangi o leni mi yanfuodanmaama ka, ke Kilisiti dapoanpoanli n da tua fanma.

1 Korenti 1:23

Ama tinba wani wangi Kilisiti, ban den kpaa yua li dapoanpoanli po. Laa maama tie tingbali bonla Jufinba po, ki tie yanluoma mo bi nilanba po.

1 Korenti 1:7

Yeni U Tienu paabu kuli siiga, ba bonyenbu ki poadi yi po, yin guu ke U Tienu baa doagidi ti Diedo Jesu Kilisiti yaa yogunu.

1 Korenti 2:1

N kpiiba, min den cua yi kani yaa yogunu, ki wangi yi U Tienu moamoani yii n duagi, mii den cua leni mi mabanma, bi leni mi yanfuocianma ka.

1 Korenti 2:4

N mawangima leni n bangima naa den ŋua bi nisaaliba mabanma ka. Ama li den tie leni U Tienu Fuoma Yua leni o paalu doagidima yaa po,

1 Korenti 5:4

O Diedo yeli po leni o paalu po, yikuli yaa taani, nmoko ye leni yi n yantiali nni.

2 Korenti 2:17

Tii tie nani bi niba boncianla, yaaba n lebidi U Tienu maama, ke man tua baali bi po. Ama tinba, ti maadi U Tienu po leni li payenli, wani U Tienu nintuali, Kilisiti nni.

2 Korenti 4:2

Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.

Efesa 4:14

Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Filipi 3:21

O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.

1 Tesaloniki 2:19

Ŋmenba n go tie ti suginma leni ti pamanli leni ti kpiagidi badifogiliga? Naani laa tie yinba kaa, ti Diedo Jesu nintuali o yaa guani ki cua yaa yogunu?

2 Tesaloniki 2:9

Sutaani paalu baa teni mi biadima daano yeni n cua leni mi bancianma, sinankeeninba leni mi faama bonlidinkaala buoli kuli.

1 Timote 1:4

Ŋan go yie bi po ke ban da pa bi yula i telimi togida leni bi yaajanba togida, ya n ki pia gbenma po, kelima laa bonla kuli fiindi mi niama, ki naa todi ke U Tienu tuonli suagi liiga li dandanli nni.

1 Timote 4:7

Ama ŋan yie yaa togida n tie fanma fanma, ki nia li dandanli. Ŋan moandi ki yaa se ke li pa U Tienu sanŋoadima nni.

Titi 1:14

Lani n tie ban da go ŋua Jufinba telimi leni bi nisaaliba bali maama, yaaba n lebidi ki yie kaa go ŋua i moamoani.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.

1 Jan 4:14

Tinba n den laa ki tiendi siedi ke Baa soani o Bijua, ke o tie ŋanduna Candaano.

Jude 1:14

Li go tie bani yaa po yo, ke Enoki yua n den ŋua Adama, ki tie mi nifiileleedima yua, den pua saawali ki yedi: «Diidi ki le, o Diedo kpendi leni o nigagidiŋanba tuda tuda bam.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!