2 Pieri 1:12 - U TIENU MAAMA TILI 2013

¹² Li tie lani yaa po ke n baa yaa tiadi yi laa bonla yogunu kuli, ba ke yi bani la, ki go se ke li pa yin baa yaa moamoani nni.

Gourmanchéma Bible

¹² Li tie lani yaa po ke n baa tiadi yi laa bonla yogunu kuli baa ke yi bani la, ki go se ke li pa yin baa yaa moamoani bangima nni.

2 Pieri 1:12 ပူးပေါင်းရင်းမြစ်များ

Jesu Tondiba Tuona 16:5

Lani, Kilisiti nitaana den se li dandanli nni ke li pa ke a coali mo pugidi daali kuli.

Filipi 3:1

N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yi po yeni ki pugini, li go baa teni yin yaa se ke li pa.

Kolosi 1:5

Yi baa la kelima U Tienu n bili yi po yaa suginma tanpoli po, i moamoani maama, yaama n tie o Laabaaliŋamo n den kpa cua yi kani, ki bangi yi yaama.

Kolosi 2:7

ki yaa pia yi jiini o niinni, ki suagi liiga o sanŋoadima nni. Yin go yaa se ke li pa yi dandanli nni, nani ban den bangi yi maama. Yi pala n yaa gbie leni i tuondi o po, hali ke li kandi.

1 Timote 4:6

A yaa tundi ti kpiiba laa tundi kuli, a baa yaa tie Jesu Kilisiti naacenŋamo, yua n dindi o yuli leni li dandanli maama leni mi bangiŋanma, ŋan ŋoadi yaama cain yeni.

2 Timote 1:6

Lani yaa po, n bua ki tundi a ŋan yaa tigi nani u mu yeni, U Tienu n den puni a yaa ŋanbili paabu, min den maani a po n nii yaa yogunu.

Hebilunba 10:32

Yin yaa tiani mani lan den tie yi po maama yaa dana n pendi, U Tienu n den kpa yendi yi yama yaa yogunu. Ba ke bi den waani yi fala boncianla, yi den juuni ki moa li muacianli, ki se ke li pa lienni.

Hebilunba 13:9

Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Pieri 5:12

Silasi, o nidugika, min nua yua ke o tie ti kpiilo, wani n todi nni ke n diani yi po yaa tijenjenga n tie ne. N bua ki paagi yi pala, ki tieni yi po siedi ke yi se bonŋanla U Tienu ŋanbili yaali n tie i moamoani nni.

2 Pieri 1:13

Hali ke n da ye n gbandieli yaali n tie n gbanandi nni, n sua ke li ŋani min tigini yi leni laa tiadima.

2 Pieri 1:15

N go baa tieni ania ki teni ke n yàá ti ye, yin fidi ki yaa tiani laa bonla po yogunu kuli.

2 Pieri 3:1

N buakaaba, line n tie min diani yi po yaa tilieli. A tilieda yeni nni kuli, n moandi ki tiadi yi yaala n baa tigini yi yantiana, yin yaa tia yaala n tiegi bonŋanla.

2 Pieri 3:17

Lanwani n buakaaba, kelima yi tuodi ki bani laa bonla kuli, yin yaa fangi yi yula, ke U Tienu yiekaaba n da dadi yi bi yaadima nni, ke yi kan go yaa se ke li pa.

1 Jan 2:21

Min den diani yi po yeni, laa tie ke yii bani i moamoani ka, ama yi bani i moamoani, ki go bani ke faamiba kuli ki ñani i moamoani kani.

2 Jan 1:2

Ti bua yi kelima i moamoani po, yii n ye ti niinni, ki go baa yaa ye leni ti hali yaa yogunu kuli.

Jude 1:17

Ama yinba n buakaaba, yin yaa tiani ti Diedo Jesu Kilisiti tondiba n den tuodi ki waani yi yaama.

Jude 1:3

N buakaaba, n den bua hali boncianla ki diani yi po yaala n tie tikuli n taani ki pia yaa tindima po. Ama n den sua ke li tie n po tiladi min diani ki tundi yi, ke yin koani li dandanli koanli, U Tienu n den teni o nigagidiŋanba yaali, yenma u yogunu kuli po.

Jude 1:5

Ba ke yi bani yaala n tie ne kuli bonŋanla, n bua ki go tiadi yi ke o Diedo den faabi o niba Isidayeli yaaba, ki ñani ba Ejipiti nni. Ama o den yuandi ki bolini bi siiga yaaba n naa den dugi o po kuli.