2 Korenti 7:9 - U TIENU MAAMA TILI 2013

⁹ N pali mani moala. Laa mangi n pali kelima n biidi yi pala ka, ama kelima yi pabiidili den teni ke yi lebidi yi pala. Yi pabiidili yeni tie U Tienu n bua yaa pabiidili buolu. Lanwani, tii biidi yi po liba kuli.

Gourmanchéma Bible

⁹ n pali mani moala. Laa mangi n pali kelima n biidi yi pala ka, ama kelima yi pabiidili den teni ke yi lebidi yi yama. Kelima yi pabiidili yeni tie U Tienu n bua yaa pabiidili buolu. Lanwani tii biidi yipo liba kuli.

2 Korenti 7:9 ပူးပေါင်းရင်းမြစ်များ

Pisomi 38:18

Mini leni li tingbali ki foagi, N loma mo baa ki ye leni nni.

O Yanfuodaano 7:3

Li paboanli cie ti laadi, Kelima li baa fidi ki gbidi ki nunga Ki nan mangi li pali.

Sakari 12:10

U Tienu go yedi: «N baa gbieni Davidi puoliŋuani leni Jerusalemi yaaba, yaaba n sieni, mi ninñima leni bu miabu yaa yantiali. Bi baa pegidi ki diidi mini, ban den muu mini yua yeni. Li paboanli baa cuo ba, nani bonjayenyenga kuuma yaa paboanli yeni. Bi baa mua boncianla, bi baa mua hali boncianla nani o nilo bijakpelo kuuma yeni.

Matie 3:8

Yin yaa tuuni yaa tuona n doagidi ke yi lebidi yi pala.

Luki 15:10

N yedi yi ke li baa yaa tie yeni tanpoli po. U Tienu malekinba baa mangi bi pala kelima ti tuonbiadi daano yendo yua n lebidi o yama.»

Luki 15:32

Li pundi tin je ki go mangi ti pala, kelima a waalo na den kpe ki go faadi, o den yaadi ke ti guani ki laa o.› »

Luki 15:7

N yedi yi ke ti tuonbiadi daano yaa lebidi o yama, li pamanli baa yaa ye tanpoli po ki cie, niteginkaaba piiyia n nibiyia yaaba n kaa nua ke mi lebidima yeni tie tiladi.

Jesu Tondiba Tuona 20:21

N den wangi Jufinba leni Girekinba kuli, ke ban lebidi bi pala U Tienu po, ki tuo ki daani ti Diedo Jesu.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 2:16

Yaaba n ye mi bodima sanu nni yaa po, laa nuulu tie mi kuuma nuulu, ki caani mi kuuma po. Yaaba n ye mi faabima sanu nni yaa po, laa nuulu tie li miali yaa nuulu, ki caani li miali po. Ŋme n dagidi laa tuonli po?

2 Korenti 7:8

Ba ke n den biidi yi pala leni min den diani yi po yaa tili, mii mua ke n yàá den diani li. Ba n yaa den mua lipo, li tie ke n laa ke laa tili den biidi yi pala u yogunu waamu po yo.